ەكسپو-2017-ءنىڭ قۇرىلىس جۇمىستارى باستالدى

مەملەكەت باسشىسى نۇرسۇلتان نازارباەۆ «استانا ەكسپو-2017» كورمە كەشەنىنىڭ كاپسۋلاسىن سالۋ راسىمىنە قاتىستى, دەپ حابارلادى پرەزيدەنتتىڭ ءباسپاسوز قىزمەتى. مەملەكەت باسشىسى «استانا ەكسپو-2017» كورمە كەشەنىن سا­لۋ جۇ­مىستارىنىڭ كەستەسىمەن تا­نىستى, سونداي-اق, كاپسۋلا سالىپ, قۇ­رىلىس جۇمىستارىن باس­تاپ بەردى. نۇرسۇلتان نازارباەۆ استانا قالاسىنىڭ ءماسليحات دەپۋتاتتارىمەن, نەگىزگى مەردىگەر ۇيىمدار باسشىلارىمەن جانە ينۆەستورلارمەن اڭگىمەلەستى. ءوز سوزىندە مەملەكەت باسشىسى بۇگىن ەكسپو-2017 نىسان­دا­رىنىڭ قۇرىلىس جۇمىستارىنىڭ باستالعانىن اتاپ ءوتتى. – 2017 جىلى ەلوردامىزدىڭ جيىرما جىلدىعى كورمەنىڭ اشىلۋىمەن تۇسپا-تۇس كە­لەدى. وسى جىلدار ىشىندە مەن استانانىڭ كوپتەگەن نىسان­دارىنىڭ قۇ­رى­لىسىن باس­تاپ بەردىم, ال بىراق ءدال مۇنداي نىساندى ءبىز سالعان ەمەسپىز. بۇل ءىس جۇزىندە استانانىڭ بىرەگەي يننوۆاتسيالىق عيماراتتارى بار جاڭا ورتالىعى بولادى. بۇل رەتتە نىسانداردىڭ باسىم كوپشىلىگى جەلدىڭ كۇشىن, كۇن جانە وزگە قۋات كوزدەرىن قامتيتىن «جاسىل» ەنەرگيامەن قامتاماسىز ەتىلەتىن بولادى. كەشەن نازارباەۆ ۋني­ۆەرسيتەتى ءۇشىن بازاعا اينالادى, ونىڭ ستۋدەنتتەرى مەن عالىمدارى جاڭا تەحنولوگيالار ازىرلەي الاتىن بولادى, – دەدى قازاقستان پرەزيدەنتى. نۇرسۇلتان نازارباەۆ كەشەن قۇرامىندا 4 مىڭ پاتەر, جا­ڭا قوناقۇي, كونگرەسس-حولل, سون­داي-اق, ۇزىندىعى 500 مەترلىك «جابىق قالا» سالۋ جوسپارلانىپ وتىرعانىن ايتتى. – جابىق ايماقتا ويىن-ساۋىق جانە ساۋدا ورىندارى ورنالاسادى. باستى پاۆيلوننىڭ ءوزى ديامەترى 80 مەتر جانە بيىكتىگى 100 مەتر شار پىشىندەس بولادى, وندا حالىقارالىق پاۆيلوندار ورنالاسادى. بۇعان قوسا, بارلىق قاجەتتى نىساندارى بار اللەيا جاسالادى. جالپى, كەشەندى سالۋعا وتە كوپ قۇرىلىسشى قاتىسادى, شاعىن جانە ورتا بيزنەستەگىلەر كوپتەگەن جۇمىس ورىندارىن اشا الادى. بۇل ورايدا نەگىزگى ماقسات – قۇرىلىسقا قازاقستاندىق مەردىگەر ۇيىمداردى تارتۋ. بۇل ءۇشىن ولارعا ءوز دەڭگەيلەرىن كوتەرۋگە, جوعارى ساپا مەن كاسىبي شەبەرلىكتەرىن كورسەتۋلەرىنە تۋرا كەلەدى, – دەدى مەملەكەت باسشىسى. قازاقستان پرەزيدەنتى ەكسپو-2017 الەمدىك قوعامداس­تىق­قا ەلوردامىزدىڭ دا, كۇللى ەلى­مىزدىڭ دە جەتىستىكتەرىن كورسەتۋگە مۇمكىندىك بەرەتىنىن جەتكىزدى. – كورمەنىڭ ءوزىن وتكىزۋمەن قاتار, ءبىز باي مادەنيەتىمىزدى, تاريحىمىز بەن ونەرىمىزدى كورسەتۋگە ءتيىسپىز. وسىنىڭ بارلىعى ۇكى­مەتتىڭ, قالا اكىمدىگىنىڭ, بار­لىق مينيسترلىكتەر مەن ۆەدومستۆو­لار­دىڭ زور ۇيلەسىمدى جۇمىسىن تالاپ ەتەدى. ءبىز بۇل ماڭىزدى مىندەتتى ات­قا­را الامىز جانە الەم الدىندا ءمۇل­دە جاڭا ساپادا كورىنەمىز دەپ سەنەمىن, – دەدى نۇرسۇلتان نازار­باەۆ. نەگىزگى قۇرىلىس-مونتاج جۇ­مىس­تارى 2014 جىلعى مامىردان 2016 جىلعى جەلتوقسانعا دەيىن جوسپارلانعان. «استانا ەكسپو-2017» كورمە كەشەنىنىڭ جال­پى اۋماعى – 174 گەكتار, مۇندا اۋ­ماعى 1 ميلليون شارشى مەتر­دەن استام نىساندار قۇرىلىسى جوس­پارلانىپ وتىر. كورمە ايماعىندا قازاق­ستان­نىڭ ۇلتتىق پاۆيلونى, حالىق­ارالىق, تاقىرىپتىق جانە كورپوراتيۆتىك پاۆيلوندار, ساۋدا جانە ويىن-ساۋىق نىساندارى ورنالاسادى. كورمەدەن تىس ايماقتا كونفەرەنتسيا ورتالىعى, ءباسپاسوز ورتالىعى, توبەسى جابىق قالاشىق, تۇرعىن ۇيلەر مەن قوناقۇيلەر قۇرىلىسى جوسپارلانعان.