كوميسسيانىڭ قاراۋىنا مەملەكەتتىك ورگانداردان بارلىعى 182 ءوتىنىش كەلىپ تۇسكەن, ونىڭ ىشىندە ءبىلىم جانە عىلىم مينيسترلىگىنەن, اقمولا, اقتوبە, باتىس قازاقستان, جامبىل, قوستاناي, پاۆلودار, سولتۇستىك قازاقستان جانە تۇركىستان وبلىستارىنىڭ, سونداي–اق شىمكەنت قالاسىنىڭ اكىمدىكتەرى دە بار.
سونىمەن قاتار كوميسسيا پاۆلودار پەداگوگيكالىق ۋنيۆەرسيتەتىنە عالىم الكەي مارعۇلاننىڭ ەسىمىن بەرۋ تۋرالى ۇسىنىستى قولدادى.
«قازىرگى ۋاقىتتا ونوماستيكا كوميسسياسى اۋقىمدى دا ماڭىزدى جۇمىستار اتقارىپ جاتىر. وزدەرىڭىز بىلەتىندەي, بۇرىن جاڭا وبلىستاردى اتاۋعا, قاپشاعاي اتاۋىن قوناەۆ دەپ وزگەرتۋگە جانە ت.ب. قاتىستى ماڭىزدى شەشىمدەر قابىلدانعان بولاتىن, مۇندا قارالعان ماسەلەلەر جەرگىلىكتى تۇرعىنداردىڭ پىكىرىن ەسكەرىپ, ءماسليحاتتاردىڭ شەشىمىمەن قابىلدانادى», دەدى مادەنيەت جانە سپورت ءمينيسترى داۋرەن اباەۆ.
وتىرىس قورىتىندىسى بويىنشا كوميسسيا مۇشەلەرى نىسانداردى قايتا اتاۋ تۋرالى ۇسىنىستى ماقۇلدادى.
