«قر قك-ءنىڭ 277-بابىندا كوزدەلگەن قىلمىس جاسادى دەگەن كۇدىك بويىنشا جينالعان ماتەريالداردى ەسكەرە وتىرىپ, جۇمىس قاۋىپسىزدىگىنە جاۋاپتى ەكى باسشى ۇستالدى. 19 ماۋسىمدا تەمىرتاۋ تەرگەۋ سوتى اتالعان ادامدارعا قاتىستى كۇزەتپەن ۇستاۋ تۇرىندەگى بۇلتارتپاۋ شاراسىن سانكتسيالادى», دەلىنگەن قاراعاندى وبلىسى پوليتسيا دەپارتامەنتىنىڭ حابارلاماسىندا.
ۆەدومستۆو اقپاراتىنا قاراعاندا, ارنايى تەرگەۋ كوميسسياسى قۇرىلىپ, وندىرىستەگى كىسى ولىمىنە بايلانىستى ءىس قولعا الىندى.
«قىلمىستىق ءىستى تەرگەۋ بارىسىندا كاسىپورىن قىزمەتكەرلەرى, ونىڭ ىشىندە وندىرىستەگى قاۋىپسىزدىك تەحنيكاسى ءۇشىن جاۋاپتى ادامداردان جاۋاپ الىندى», دەلىنگەن دەپارتامەنت حابارلاماسىندا.
ەسكە سالا كەتسەك, 2022 جىلدىڭ 10 ماۋسىمىندا «قۇرىلىسمەت» جشس («امت» اق ەنشىلەس كاسىپورنى) تسەحىنىڭ جۇمىس ىستەمەيتىن №9 تەرميالىق پەشىندە وتقا ءتوزىمدى قالاۋدى بولشەكتەۋ كەزىندە شاتىر وپىرىلىپ قۇلاعان ەدى. وقيعا سالدارىنان بەس جۇمىسشى ۇيىندىلەر استىندا قالدى. ولاردىڭ تورتەۋى مەرت بولىپ, بىرەۋى ءتۇرلى دەنە جاراقاتتارىمەن اۋرۋحاناعا جەتكىزىلدى.
