اتاپ ايتقاندا, ازاماتتىق كودەكسكە باسەكەلەستىكتى شەكتەۋگە نەمەسە جويۋعا, تۇتىنۋشىلاردىڭ قۇقىقتارى مەن زاڭدى مۇددەلەرىنە قىسىم جاساۋعا, جوسىقسىز باسەكەلەستىككە باعىتتالعان قىزمەتكە تىيىم سالىناتىنى تۋرالى تۇزەتۋلەر ەنگىزۋ ۇسىنىلادى.
سونىمەن قاتار مونوپوليستىك قىزمەت زاڭمەن رەتتەلەدى. تۇتىنۋشىلاردىڭ قۇقىقتارى مەن زاڭدى مۇددەلەرىنە نۇقسان كەلتىرەتىن شارتتىڭ تالاپتارى ماڭىزسىز بولادى.
ازاماتتىق كودەكستە 447-باپقا تۇزەتۋ ەنگىزىلەدى:
تاۋارلاردى ساتۋ ورىندارىندا, ونىڭ ىشىندە ەلەكتروندىق ساۋدا الاڭدارىندا قويۋ, ولاردىڭ ۇلگىلەرىن كورسەتۋ نەمەسە ساتىلاتىن تاۋارلار تۋرالى مالىمەتتەردى (سيپاتتامالاردى, كاتالوگتاردى, فوتوتۇسىرىلىمدەردى جانە ت. ب.) ۇسىنۋ, ساتۋشى ساتىپ الۋ-ساتۋ شارتىنىڭ باعاسى مەن باسقا دا ەلەۋلى تالاپتارىنىڭ كورسەتىلگەنىنە قاراماستان, جاريا وفەرتا دەپ تانىلادى.
بۇدان باسقا «قازاقستان رەسپۋبليكاسىنداعى كولىك تۋرالى», «قازاقستان رەسپۋبليكاسىنداعى تۋريستىك قىزمەت تۋرالى», «ساۋدا قىزمەتىن رەتتەۋ تۋرالى», «تۇرعىن ءۇي قۇرىلىسىنا ۇلەستىك قاتىسۋ تۋرالى» زاڭدارعا تۇزەتۋلەر ەنگىزىلەدى.
زاڭ جوباسى 8 شىلدەگە دەيىن اشىق نقا سايتىندا جاريا تالقىلاۋ ءۇشىن ورنالاستىرىلعان.
