وقيعا «شاعالا» قوناق ءۇيى ماڭىنداعى جاعادان 150-200 م قاشىقتىقتا بولعان. وقيعا ورنىنا جەتكەن قۇتقارۋشىلار 6 ادامدى جاعاعا شىعاردى. بارلىعى - امان-ەسەن. مەديتسينالىق كومەكتى قاجەت ەتپەدى.
وبلىستىق تجد ءباسپاسوز قىزمەتىنىڭ ايتۋىنشا, قۇتقارۋعا اقتاۋ قالاسىنىڭ توتەنشە جاعدايلار باسقارماسىنان 2 قىزمەتكەر, 1 قايىق جۇمىلدىرىلعان.
«داۋىلدى ەسكەرتۋ جاريالانعانىنا قاراماستان, «سامۋرادوۆ ەرمەك» جك ءجۇزۋ قۇرالدارىن جالعا بەرۋدى جالعاستىرىپ جاتىر. اتالعان جاعداي بويىنشا پروكۋراتۋرا مەن كولىكتىك باقىلاۋ ينسپەكتسياسىنا اقپارات جىبەرىلەدى», دەدى ماڭعىستاۋ وبلىسى توتەنشە جاعدايلار دەپارتامەنتى باستىعىنىڭ ورىنباسارى, پوليتسيا پودپولكوۆنيگى ابدىقادىروۆ بەكبولات قايىربەك ۇلى.
