2014 جىلعى 6 قاڭتار استانا قالاسى
جازانى ورىنداۋدا, ارنايى مەكەمەلەردە ادامداردىڭ ۇستالۋىندا جانە باس بوستاندىعىنان ايىرۋ ورىندارىنان بوساعانداردى باقىلاۋدا زاڭدىلىقتىڭ ساقتالۋىنا پروكۋرورلىق قاداعالاۋدى ۇيىمداستىرۋ جونىندەگى نۇسقاۋلىقتى بەكىتۋ تۋرالى
جازانى ورىنداۋدا, ارنايى مەكەمەلەردە ادامداردىڭ ۇستالۋىندا جانە باس بوستاندىعىنان ايىرۋ ورىندارىنان بوساعانداردى باقىلاۋدا زاڭدىلىقتىڭ ساقتالۋىنا پروكۋرورلىق قاداعالاۋدى ۇيىمداستىرۋ ماقساتىندا, «پروكۋراتۋرا تۋرالى» قازاقستان رەسپۋبليكاسى زاڭىنىڭ 11-بابىنىڭ 4) تارماقشاسىن باسشىلىققا الىپ, بۇيىرامىن:
1. قوسا بەرىلگەن جازانى ورىنداۋدا, ارنايى مەكەمەلەردە ادامداردىڭ ۇستالۋىندا جانە باس بوستاندىعىنان ايىرۋ ورىندارىنان بوساعانداردى باقىلاۋدا زاڭدىلىقتىڭ ساقتالۋىنا پروكۋرورلىق قاداعالاۋدى ۇيىمداستىرۋ جونىندەگى نۇسقاۋلىق بەكىتىلسىن.
2. «جازانى ورىنداۋدا, ارنايى مەكەمەلەردە ادامداردىڭ ۇستالۋىندا جانە باس بوستاندىعىنان ايىرۋ ورىندارىنان بوساعانداردى باقىلاۋدا زاڭدىلىقتىڭ ساقتالۋىنا پروكۋرورلىق قاداعالاۋدى ۇيىمداستىرۋ تۋرالى نۇسقاۋلىقتى بەكىتۋ تۋرالى» قازاقستان رەسپۋبليكاسى باس پروكۋرورىنىڭ 2012 جىلعى 13 تامىزداعى №93 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №7872 تىركەلگەن, 2012 جىلى 12 قىركۇيەكتەگى №598-602 «ەگەمەن قازاقستان» جانە №306-307 «كازاحستانسكايا پراۆدا» گازەتتەرىندە جاريالاندى) كۇشى جويىلعان دەپ تانىلسىن.
3. ۇستالعان, قاماۋعا الىنعان جانە قىلمىستىق جازانى وتەۋشى ادامداردىڭ قۇقىقتارىنىڭ ساقتالۋىن قاداعالاۋ جونىندەگى دەپارتامەنتىنىڭ باستىعى (ن.ءا.يساقوۆ) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋ ءۇشىن شارالار قابىلداسىن.
4. وسى بۇيرىقپەن باس پروكۋراتۋرانىڭ قۇرىلىمدىق بولىمشەلەرىنىڭ, مەكەمە جانە كەڭسە باسشىلارى مەن قىزمەتكەرلەرى تانىستىرىلسىن, وبلىس پروكۋرورلارى مەن ولارعا تەڭەستىرىلگەن پروكۋرورلارعا جولدانسىن.
5. بۇيرىقتىڭ ورىندالۋىن باقىلاۋ قازاقستان رەسپۋبليكاسى باس پروكۋرورىنىڭ جەتەكشىلىك ەتەتىن ورىنباسارىنا جۇكتەلسىن.
6. وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەن كۇننەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ باس پروكۋرورى ا. داۋىلباەۆ.
قازاقستان رەسپۋبليكاسى باس پروكۋرورىنىڭ 2014 جىلعى 6 قاڭتارداعى № 2 بۇيرىعىمەن بەكىتىلگەن
جازانى ورىنداۋدا, ارنايى مەكەمەلەردە ادامداردىڭ ۇستالۋىندا جانە باس بوستاندىعىنان ايىرۋ ورىندارىنان بوساعانداردى باقىلاۋدا زاڭدىلىقتىڭ ساقتالۋىنا پروكۋرورلىق قاداعالاۋدى ۇيىمداستىرۋ تۋرالى
نۇسقاۋلىق
1. جالپى ەرەجەلەر
1. جازانى ورىنداۋدا, ارنايى مەكەمەلەردە ادامداردىڭ ۇستالۋىندا جانە باس بوستاندىعىنان ايىرۋ ورىندارىنان بوساعانداردى باقىلاۋدا زاڭدىلىقتىڭ ساقتالۋىنا پروكۋرورلىق قاداعالاۋدى ۇيىمداستىرۋ تۋرالى وسى نۇسقاۋلىق (بۇدان ءارى - نۇسقاۋلىق) قازاقستان رەسپۋبليكاسىنىڭ كونستيتۋتسياسىنا, قىلمىستىق, قىلمىستىق ءىس جۇرگىزۋ, قىلمىستىق-اتقارۋ, اكىمشىلىك قۇقىق بۇزۋشىلىق تۋرالى كودەكستەرىنە, «پروكۋراتۋرا تۋرالى» جانە «ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ۇستاۋ ءتارتىبى مەن شارتتارى تۋرالى» زاڭدارى مەن قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس ازىرلەندى جانە قىلمىستىق ءىس جۇرگىزۋ بارىسىندا ارنايى مەكەمەلەرگە ورنالاستىرىلعان, قىلمىستىق جازانى وتەۋشى, جازانى وتەۋدەن مەرزىمىنەن بۇرىن شارتتى تۇردە بوساتىلعان ادامداردىڭ, سونداي-اق اكىمشىلىك قاداعالاۋ بەلگىلەنگەن ادامداردىڭ قۇقىقتارىنىڭ ساقتالۋىن قاداعالاۋدى جۇزەگە اسىرۋ ءتارتىبىن ايقىندايدى. 2. باس پروكۋروردىڭ ورىنباسارى, باس پروكۋراتۋرانىڭ ۇستالعان, قاماۋعا الىنعان جانە قىلمىستىق جازانى وتەۋشى ادامداردىڭ قۇقىقتارىنىڭ ساقتالۋىن قاداعالاۋ دەپارتامەنتىنىڭ باستىعى, وبلىس پروكۋرورلارى مەن ولارعا تەڭەستىرىلگەن پروكۋرورلار, مامانداندىرىلعان پروكۋرورلار, قالا مەن اۋدان پروكۋرورلارى قاداعالاۋداعى مەكەمەلەردە جانە قازاقستان رەسپۋبليكاسى ىشكى ىستەر مينيسترلىگىنىڭ قىلمىستىق اتقارۋ جۇيەسى كوميتەتىنىڭ ورگاندارىندا, ارنايى قابىلداۋىشتاردا, ۋاقىتشا ۇستاۋ يزولياتورلارىندا, قوعامدىق قاۋىپسىزدىك قۇرىلىمدارىندا جانە قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ تەرگەۋ يزولياتورلارىندا زاڭداردىڭ, قازاقستان رەسپۋبليكاسى پرەزيدەنتى جارلىقتارى مەن وزگە دە زاڭنامالىق اكتىلەردىڭ ناقتى جانە بىركەلكى قولدانىلۋىنا جوعارى قاداعالاۋدى قامتاماسىز ەتەدى, كەز كەلگەن زاڭ بۇزۋشىلىقتى انىقتاۋعا جانە جويۋعا شارالار قابىلدايدى. 3. جازانى ورىنداۋدا, ارنايى مەكەمەلەردە ادامداردىڭ ۇستالۋىندا جانە باس بوستاندىعىنان ايىرۋ ورىندارىنان بوساعانداردى باقىلاۋدا زاڭدىلىقتىڭ ساقتالۋىنا قاداعالاۋ قىلمىستىق جازانىڭ, وزگە دە قىلمىستىق-قۇقىقتىق ىقپال ەتۋ شارالارىنىڭ ورىندالۋى كەزىندە قىلمىستىق, قىلمىستىق ءىس جۇرگىزۋ, قىلمىستىق-اتقارۋ, اكىمشىلىك زاڭنامالارىنىڭ, باسقا دا نورماتيۆتىك قۇقىقتىق اكتىلەردىڭ نورمالارىنىڭ قولدانىلۋ زاڭدىلىعىن, ۇستالعانداردىڭ, اكىمشىلىك جانە تەرگەۋمەن قاماۋعا الىنعانداردىڭ, سوتتالعانداردىڭ, جازانى وتەۋدەن مەرزىمىنەن بۇرىن شارتتى تۇردە بوساتىلعانداردىڭ, سونداي-اق اكىمشىلىك قاداعالاۋ بەلگىلەنگەن ادامداردىڭ قونستيتۋتسيالىق قۇقىقتارىنىڭ, بوستاندىقتارى مەن زاڭدى مۇددەلەرىنىڭ قورعالۋىن, ارنايى جانە تۇزەۋ مەكەمەلەرىندە ۇستاۋدىڭ ءتارتىبى مەن جاعدايلارىنىڭ ساقتالۋىن, سونداي-اق قۋعىن-سۇرگىننەن اقتالعان ادامدارعا اقشالاي وتەماقىلاردى تولەۋ مەن جەڭىلدىكتەردى بەرۋدىڭ ءتارتىبىن رەتتەيتىن زاڭنامالاردىڭ ورىندالۋىن قامتاماسىز ەتەدى. 4. وسى نۇسقاۋلىقتا قولدانىلعان نەگىزگى ۇعىمدار مەن شارتتى بەلگىلەر: 1) دەپارتامەنت - ۇستالعان, قاماۋعا الىنعان جانە قىلمىستىق جازانى وتەۋشى ادامداردىڭ قۇقىقتارىنىڭ ساقتالۋىن قاداعالاۋ جونىندەگى دەپارتامەنتى; 2) وبلىس پروكۋرورى - وبلىستاردىڭ, استانا, الماتى قالالارىنىڭ پروكۋرورلارى, باس اسكەري پروكۋرور, باس كولىك پروكۋرورى; 3) دەپارتامەنت قىزمەتكەرى - ۇستالعان, قاماۋعا الىنعان جانە جازانى وتەۋشى ادامداردىڭ قۇقىقتارىنىڭ ساقتالۋىن قاداعالاۋ جونىندەگى قازاقستان رەسۋبليكاسى باس پروكۋراتۋراسى دەپارتامەنتىنىڭ لاۋازىمدى تۇلعاسى; 4) وبلىس پروكۋرورىنىڭ كومەكشىسى – وبلىستاردىڭ, استانا, الماتى قالالارى پروكۋرورلارىنىڭ ۇستالعان, قاماۋعا الىنعان جانە جازانى وتەۋشى ادامداردىڭ قۇقىقتارىنىڭ ساقتالۋىن قاداعالاۋ جونىندەگى كومەكشىسى جانە اعا كومەكشىسى; 5) باسقارمانىڭ قىزمەتكەرى – ۇستالعان, قاماۋعا الىنعان جانە جازانى وتەۋشى ادامداردىڭ قۇقىقتارىنىڭ ساقتالۋىن قاداعالاۋ جونىندەگى وبلىستىق پروكۋراتۋرانىڭ باسقارما پروكۋرورى, اعا پروكۋرورى, باستىقتىڭ ورىنباسارى, باستىق جانە وعان تەڭەستىرىلگەن پروكۋرور; 6) پروكۋرور – قالالىق, اۋداندىق پروكۋرور, كولىكتەگى جانە اسكەري پروكۋرور, ونىڭ ورىنباسارلارى, اعا كومەكشىلەرى جانە كومەكشىلەرى; 7) قاداعالاۋدىڭ ايماقتىق قاعيداتى – دەپارتامەنت پروكۋرورىنا وسى نۇسقاۋلىق تالاپتارىنىڭ ورىندالۋىن قامتاماسىز ەتۋ جونىندەگى وبلىستاردىڭ جەكەلەگەن پروكۋراتۋرالارىنىڭ قىزمەتتەرىنە باقىلاۋدىڭ جۇزەگە اسىرىلۋىن بەكىتۋ; 8) قاداعالاۋدىڭ پاندىك قاعيداتى – دەپارتامەنت پروكۋرورىنا پروكۋرورلىق قاداعالاۋدىڭ جاعدايىن جانە قىلمىستىق جازالاردىڭ اتقارىلۋىن, ۇستالعانداردىڭ, اكىمشىلىك جانە تەرگەۋمەن قاماۋعا الىنعانداردىڭ, سوتتالعانداردىڭ ۇستالۋ ءتارتىبى مەن شارتتارىن رەتتەيتىن زاڭنامالاردىڭ جەكەلەگەن ماسەلەلەرىن ورىنداۋ بويىنشا زاڭدىلىقتى تەكسەرۋدىڭ ادىستەمەلەرىن ازىرلەۋدى, تالداۋدى جانە جيناقتاپ قورىتۋدى بەكىتۋ; 9) قىزمەتكەر – قىلمىستىق اتقارۋ جۇيەسىنىڭ, ىشكى ىستەر ورگاندارىنىڭ (بۇدان ءارى – ءىىو) جانە ۇلتتىق قاۋىپسىزدىك كوميتەتىنىڭ (بۇدان ءارى – ۇقك) قىزمەتكەرى; 10) ۇستالعان – قۇقىق بۇزۋشىلىقتىڭ جولىن كەسۋ نەمەسە قىلمىستىق, ازاماتتىق جانە اكىمشىلىك ىستەر بويىنشا ءىس جۇرگىزۋدى قامتاماسىز ەتۋ, سونداي-اق ماجبۇرلەۋ سيپاتىنداعى وزگە دە شارالاردى قولدانۋ ماقساتىندا ادامنىڭ جەكە باس بوستاندىعىن 72 ەكى ساعاتتان اسپايتىن قىسقا ۋاقىتقا شەكتەۋدەن تۇراتىن جانە ۋاكىلەتتى مەملەكەتتىك ورگاندار, لاۋازىمدى جانە وزگە دە تۇلعالار زاڭدا كوزدەلگەن نەگىزدە جانە تارتىپپەن ىسكە اسىراتىن ماجبۇرلەۋ شاراسى قولدانىلعان تۇلعا; 11) سەزىكتى – تەرگەۋشi, انىقتاۋشى قىلمىس جاسادى دەپ كۇمان كەلتiرiلگەندiگiن حابارلاپ, سوعان بايلانىستى قىلمىستىق ءىس جۇرگىزۋ زاڭنامالارىمەنبەلگiلەنگەن نەگiزدەردە جانە تارتiپپەن وزiنە قاتىستى قىلمىستىق iس قوزعالعان نە ونى كۇدىكتi دەپ تانۋ تۋرالى قاۋلى شىعارىلعان, نە ۇستاۋ جۇزەگە اسىرىلعان, نە ايىپ تاعىلعانعا دەيiن جولىن كەسۋ شاراسى قولدانىلىپ, كۇدىكتى بولىپ تانىلعان ادام; 12) ايىپتالۋشى – وزiنە قاتىستى ايىپتالۋشى رەتiندە جاۋاپقا تارتۋ تۋرالى قاۋلى شىققان, سونداي-اق وعان قاتىستى انىقتاۋ ورگانىنىڭ باستىعى ايىپتاۋ حاتتاماسىن نەمەسە سوتقا دەيىنگى جەڭىلدەتىلگەن ءىس جۇرگىزۋ حاتتاماسىن جاساعان جانە بەكىتكەن نە تەرگەۋشى سوتقا دەيىنگى جەڭىلدەتىلگەن ءىس جۇرگىزۋ حاتتاماسىن جاساعان ادام; 13) ارنايى قابىلداۋىش – اكىمشىلىك قاماۋعا تارتىلعان ادامداردى قابىلداۋعا جانە ۇستاۋعا ارنالعان ىشكى ىستەر ورگاندارىنىڭ ارنايى مەكەمەسى; 14) اكىمشىلىك قامالعان – اكىمشىلىك قاماۋعا الۋ قولدانىلعان ادام; 15) تەرگەۋمەن قامالعان – قاماۋعا الۋ بۇلتارتپاۋ شاراسى قولدانىلعان سەزىكتى نەمەسە ايىپتالۋشى; 16) ۋاقىتشا ۇستاۋ يزولياتورى (بۇدان ءارى – ۋۇي) – قىلمىس جاسادى دەگەن كۇدىك بويىنشا ۇستالعان ادامداردى جانە قازاقستان رەسپۋبليكسىنىڭ قىلمىستى-ءىس جۇرگىۋ كودەسىنىڭ 152 بابىندا (ودان-ءارى قىجك) كورسەتىلگەن ايىپتالۋشىلاردى, سەزىكتىلەردى جانە سوتتالعانداردى كۇزەتتە ۇستاۋعا ارنالعانارناۋلى مەكەمە; 17) تەرگەۋ يزولياتورى (بۇدان ءارى – تي) – بۇلتارتپاۋ شاراسى رەتىندە قاماۋعا الۋ قولدانىلعان, قىلمىستىڭ جاسالۋىنا كۇدىكتىلەر مەن ايىپتالۋشىلاردى, سونداي-اق شارۋاشىلىق قىزمەتتەر كورسەتۋ بويىنشا جۇمىستاردى ورىنداۋ ءۇشىن قالدىرىلعانسوتتالعانداردى, جانە دە تۇزەۋ مەكەمەلەرىندە قۇقىقتىق ءتارتىپتى قامتاماسىز ەتۋگە جىبەرىلگەندەر مەن قازاقستان رەسپۋبليكاسىنىڭ قىلمىستىق-اتقارۋ كودەكسىنىڭ 68 بابىنىڭ (ودان ءارى- قاك) تالابىنا ساي اۋىستىرىلعانداردى ۇستاۋعا ارنالعان ارناۋلى مەكەمە; 18) ارنايى مەكەمەلەر – ارنايى قابىلداۋىشتار, ۋاقىتشا ۇستاۋ يزولياتورلارى جانە تەرگەۋ يزولياتورلارى; 19) تۇزەۋ مەكەمەلەرى – باس بوستاندىعىنان ايىرىلعان سوتتالعانداردىڭ جازاسىن وتەپ جاتقان تۇرمەلەر, جالپى, قاتاڭ جانە ەرەكشە رەجيمدەگى كولونيالار, تاربيەلەۋ كولونيالارى جانە قونىس-كولونياسى; 20) سوتتالعان ادام – وزiنە قاتىستى ايىپتاۋ ۇكىمى شىعارىلعان ايىپتالۋشى; 21) ەسەپتە تۇرعان ادامدار – باس بوستاندىعىنان ايىرۋعا بايلانىستى ەمەس جازاعا جانە قىلمىستىق-قۇقىقتىق اسەر ەتۋدىڭ وزگە دە شارالارىنا سوتتالعان, قىلمىستىق اتقارۋ جۇيەسى كوميتەتىنىڭ قىلمىستىق-اتقارۋ ينسپەكتسيالارىندا ەسەپتە تۇرعان ادامدار; 22) ءجومبشب – جازانى وتەۋدەن مەرزىمىنەن بۇرىن شارتتى تۇردە بوساتۋ (بۇدان ءارى – مبشب); 23) اكىمشىلىك قاداعالاۋداعى ادام – سوتپەن «باس بوستاندىعىنان ايىرۋ ورىندارىنان بوساتىلعان ادامداردى اكىمشىلىك قاداعالاۋ تۋرالى» زاڭىنا سايكەس اكىمشىلىك قاداعالاۋ بەلگىلەنگەن ادام; 24) پروباتسيا قىزمەتى – شارتتى تۇردە سوتتالعان ادامنىڭ سىناق مەرزىمى مەن پروباتسيالىق باقىلاۋدا تۇرعان كەزىندە جاڭادان قىلمىس جاساۋىن الدىن الۋ ماقساتىندا ونىڭ ءجۇرىس-تۇرىسىن ودان ءارى تۇزەتۋ ءۇشىن الەۋمەتتىك-قۇقىقتىق سيپاتتاعى شارالاردىڭ كەشەندەرىن جۇزەگە اسىراتىن قىلمىستىق-اتقارۋ ينسپەكتسياسىنداعى قىزمەت; 25) ەلەكتروندىق باقىلاۋ قۇرالدارى (ەلەكتروندىق بىلەزىك) – ءتيىستى باقىلاۋدى قامتاماسىز ەتۋگە جانە قىلمىستىق-اتقارۋ جۇيەسى كوميتەتىنىڭ قىلمىستىق-اتقارۋ ينسپەكتسياسىندا ەسەپتە تۇرعان باس بوستاندىعىنان ايىرۋمەن بايلانىستى ەمەس جازاعا نەمەسە شارتتى تۇردە سوتتالعان ادامنىڭ جۇرگەن جەرى تۋرالى اقپاراتتى الۋعا ارنالعان ەلەكتروندىق قۇرىلعى; 26) توتەنشە جاعداي – تابيعي نە ەكولوگيالىق ءزىلزالا, سەزىكتىلەر مەن ايىپتالۋشىلاردىڭ, سوتتالعانداردىڭ قىلمىس جاساۋ فاكتىلەرى, ادامداردى كەپىلگە الۋ, قيراتۋ (م ۇلىكتى قاساقانا جويۋ), جاپپاي تارتىپسىزدىك (ەكى جانە ودان كوپ تۇلعا), توپتاسىپ قاشۋ, دەنە مۇشەلەرىنە زاقىم كەلتىرۋ, اقىلى قىزمەت ءتۇرىن ورىنداۋدان, تاماق ىشۋدەن (اشتىق جاريالاۋ) باس تارتۋ, سونداي-اق ولاردىڭ زاڭمەن بەلگىلەنگەن رەجيمدى بۇزۋعا باعىتتالعان باسقا دا قۇقىققا قارسى ءىس-ارەكەتتەردى جاساۋى, ارنايى جانە تۇزەۋ مەكەمەلەرى اكىمشىلىگىنىڭ تالاپتارىن ورىنداماۋى, قىزمەتكەرلەردىڭ ۇستالعاندارعا, اكىمشىلىكپەن جانە تەرگەۋمەن قامالعاندارعا, سوتتالعاندارعا قاتىستى ازاپتاۋلاردى, رۇقسات ەتىلمەگەن ىقپال ەتۋ شارالارىن, ارناۋلى قۇرالداردى قولدانۋى, «ەڭبەك» رەسپۋبليكالىق مەملەكەتتىك كاسىپورنى يوقىزمەتكەرلەرى مەن جۇمىسشىلارىنىڭ قىلمىس, سىبايلاس جەمقورلىق قىلمىسى مەن قۇقىق بۇزۋشىلىقتار جاساۋى, تۇزەۋ جانە ارنايى مەكەمەلەردە ۇستالعان تۇلعالاردىڭ زورلىقپەن ءولتىرىلۋى; 27) ارنايى حابارلاما – توتەنشە جاعداي تۋرالى ەلەكتروندى نەمەسە فاكسيميلدى بايلانىس ارقىلى دەرەۋ (3 ساعات ىشىندە) جىبەرىلەتىن حابارلاما; 28) كەشەندى تەكسەرۋ – باس بوستاندىعىنان ايىرۋ ورىندارىنداعى قىلمىستىق جازالاردىڭ ورىندالۋى بويىنشا جالپى زاڭدىلىقتىڭ جاعدايىن جانە تۇزەۋ مەكەمەلەرى اكىمشىلىكتەرى مەن جەرگىلىكتى اتقارۋ جانە قۇقىق قورعاۋ ورگاندارىنىڭ ءوزارا ءىس-ارەكەتىنىڭ جاعدايىن پروكۋرورلىق تەكسەرۋ; 29) ماماندار – قىزمەتتىڭ قانداي دا ءبىر سالاسىندا (دەنساۋلىق ساقتاۋ, بۋحگالتەريا, قارجى, ەڭبەكتى قورعاۋ, الەۋمەتتىك, ورتكە قارسى, سانيتارلىق-ەپيدەميولوگيالىق باعىتتاعى جانە ت.ب.) ارناۋلى ءبىلىمى بار ادامدار; 30) قاي – قىلمىستىق-اتقارۋ جۇيەسى كوميتەتىنىڭ قىلمىستىق-اتقارۋ ينسپەكتسياسى; 31) ءىىو ققب – ىشكى ىستەر ورگاندارىنىڭ قوعامدىق قاۋىپسىزدىك بولىمشەسى; 32) «ەڭبەك» رمك – قىلمىستىق اتقارۋ جۇيەسىنىڭ رەسپۋبليكالىق مەملەكەتتىك كاسىپورنى جانە ونىڭ فيليالدارى; 33) ايىپتىلىق بولمەلەر – ايىپتىلىق يزولياتور (بۇدان ءارi – اي), كامەرا تۇرىندەگi بولمەلەر (بۇدان ءارi – كتب), ءبىر كىسىلىك كامەرا (بۇدان ءارi – بكك), كارتسەر, تارتiپتiك يزولياتور (بۇدان ءارi – تيزو); 5. ۇستالعان, قاماۋعا الىنعان جانە قىلمىستىق جازانى وتەۋشى ادامداردىڭ قۇقىقتارىنىڭ ساقتالۋىن قاداعالاۋدى ۇيىمداستىرعان كەزدە كەلەسىنى قاداعالاۋ پروكۋراتۋرا ورگاندارى قىزمەتىنىڭ باسىمدى باعىتتارى بولىپ تابىلادى: 1) قۇقىق قورعاۋ ورگاندارىنىڭ ارنايى جانە تۇزەۋ مەكەمەلەرىندەگى سىبايلاس جەمقورلىق سيپاتىنداعى, ۇيىمداسقان, تەرروريزم مەن ءدىني ەكسترەميزم, ەسىرتكى زاتتارىنىڭ زاڭسىز اينالىمىنا بايلانىستى قىلمىستارىنا قارسى كۇرەس جۇمىستارىنىڭ ۇيلەستىرىلۋىن; 2) ۇستالعانداردىڭ, اكىمشىلىكپەن جانە تەرگەۋمەن قامالعانداردىڭ, سوتتالعانداردىڭ, ءجومبشب جانە اكىمشىلىك قاماۋعا الىنعاندارى كونستيتۋتسيالىق قۇقىقتارى مەن بوستاندىقتارىنىڭ ساقتالۋىن; 3) ازاپتاۋلارعا قارسى باعىتتالعان زاڭنامالاردىڭ ساقتالۋىن, سونداي-اق ۇستالعانداردى, اكىمشىلىك جانە تەرگەۋمەن قامالعانداردى, سوتتالعانداردى 1955 جىلعى 30 تامىزداعى بۇۇ ءبىرىنشى كونگرەسىندە قابىلدانعانقاماۋداعىلارعا قاراۋدىڭ ەڭ تومەنگى ستاندارتتىق ەرەجەلەرىنە جاقىن ۇستاۋ جاعدايلارىمەن قامتاماسىز ەتىلۋىن; 4) جازانى وتەۋ ورىندارىنان بوساتىلعان ادامداردىڭ بەيىمدەلۋىنە باعىتتالعان زاڭنامانىڭ ساقتالۋىن; 5) ۇستالعانداردى, اكىمشىلىك جانە تەرگەۋمەن قامالعانداردى, سوتتالعانداردى ۇستاۋعا بولىنەتىن بيۋدجەت قاراجاتتارىن پايدالانۋ زاڭدىلىعىنىڭ جاعدايىن. 6. پروكۋرورلىق قاداعالاۋ ءىىم ققب, قاي, ارنايى جانە تۇزەۋ مەكەمەلەرىندە زاڭدىلىقتىڭ جاعدايىن توقسان سايىن تالداۋ نەگىزىندە قامتاماسىز ەتىلەدى. 7. ارنايى جانە تۇزەۋ مەكەمەلەرىنىڭ, قاي, ءىىم ققب, حالىقتى الەۋمەتتىك قورعاۋ ورگاندارىنىڭ قىزمەتىندەگى زاڭدىلىقتىڭ جاعدايىن تەكسەرۋ جۇمىس جوسپارىنا سايكەس, باس جانە وبلىستىق پروكۋراتۋرالاردىڭ تاپسىرىستارى مەن تاپسىرمالارى, توتەنشە جاعدايلاردىڭ دەرەكتەرى, بۇقارالىق اقپارات قۇرالدارىنداعى جاريالانىمدار, زاڭدى جانە جەكە تۇلعالاردىڭوتىنىشتەرى بويىنشا تەكسەرۋ تاعايىنداۋ تۋرالى قاۋلىنىڭ نەگىزىندە جۇرگىزىلەدى. تەكسەرۋ بارىسىندا قاداعالاۋعا باعىنىستى ورگانداردىڭ قىزمەتىندەگى زاڭدىلىعىنىڭ جاعدايىنا جانە پروكۋرورلىق قاداعالاۋدىڭ تيىمدىلىگىنە باعا بەرىلەدى. 8. پروكۋرور ءوز قۇزىرەتى شەگىندە, زاڭدىلىقتىڭ, ۇستالعانداردىڭ, اكىمشىلىك جانە تەرگەۋمەن قامالعانداردىڭ, سوتتالعانداردىڭ قۇقىقتارى مەن زاڭدى مۇددەلەرىنىڭ انىق بۇزىلۋىنا دەرەۋ ىقپال ەتۋ ماقساتىندا, تاۋلىكتىڭ كەز كەلگەن ۋاقىتىندا ءىىو ققب, قاي, ارنايى جانە تۇزەۋ مەكەمەلەرىن تەكسەرۋگە قۇقىلى. قاجەتتى كەزدە تەكسەرۋلەرگە ماماندار تارتىلادى. قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتتىڭ اۋماقتىق بولىمشەلەرىندە جەكە كاسىپكەرلىك سۋبەكتىلەرگە تەكسەرۋ جۇرگىزۋ تۋرالى قاۋلى تىركەلۋگە جاتادى. تەكسەرۋ ناتيجەلەرى انىقتاما نەمەسە اكتى تۇرىندە رەسىمدەلەدى, وندا: تەكسەرۋدىڭ جۇرگىزىلگەن ورنى مەن ۋاقىتى, تەكسەرۋشىنىڭ لاۋازىمى, تەگى, اتى,اكەسىنىڭ اتى, انىقتالعان زاڭ بۇزۋشىلىقتار, جۇمىستاعى كەمشىلىكتەر مەن ولقىلىقتار, وسىعان اسەر ەتكەن سەبەپتەر مەن سالدارلار, تەكسەرۋ ناتيجەلەرىن ىسكە اسىرۋدىڭ ۇسىنىلىپ وتىرعان نۇسقالارى, ولاردى جويۋدىڭ جولدارى مەن تاسىلدەرى كورسەتىلەدى. پروكۋرورلىق قاداعالاۋ اكتىلەرىن ەنگىزۋ قاجەت بولعان كەزدە, سونداي-اق ۇستالعانداردىڭ, اكىمشىلىك جانە تەرگەۋمەن قامالعانداردىڭ, سوتتالعانداردىڭ كونستيتۋتسيالىق قۇقىقتارىنىڭ بۇزىلعانى انىقتالعان كەزدە انىقتاما رەسىمدەلەدى. تەكسەرۋ بارىسىندا انىقتالعان زاڭ بۇزۋشىلىقتاردى, جۇمىستاردى ۇيىمداستىرۋداعى كەمشىلىكتەر مەن ولقىلىقتاردى جويۋ كەزىندە اكت قۇراستىرىلادى. تۇزەۋ مەكەمەلەرىن كەشەندى تەكسەرۋ ناتيجەلەرى انىقتاما تۇرىندە رەسىمدەلەدى. 9. تەكسەرۋ ناتيجەلەرى تۋرالى انىقتامامەن تەكسەرىلگەن ورگانداردىڭ ءبىرىنشى باسشىلارى نەمەسە ولاردىڭ مىندەتتەرىن اتقارۋشىلار, سونداي-اق وسى ورگان قىزمەتىنىڭ قاداعالانۋىن قامتاماسىز ەتەتىن پروكۋرور تانىسادى. 10. وبلىس پروكۋراتۋرالارى جانە ولارعا تەڭەستىرىلگەن پروكۋراتۋرالار نەمەسە ۇيلەستىرۋ كەڭەستەرىنىڭ جەدەل كەڭەستەرىندە, القا وتىرىستارىندا زاڭدىلىق, قۇقىق ءتارتىبىن جانە قىلمىسقا قارسى كۇرەستى قامتاماسىز ەتۋ جونىندەگى جوسپارلى ءىس-شارالاردىڭ ناتيجەلەرى مەن تەكسەرۋلەرى ۇنەمى قارالادى. 11. باس پروكۋراتۋرادا تۇراقتى نەگىزدە وبلىس پروكۋرورلارى مەن ولاردىڭ ورىنباسارلارىنىڭ ۇستالعان, اكىمشىلىكپەن قامالعان, قاماۋعا الىنعان, قىلمىستىق جازانى وتەۋشى, ءجومبشب جانە قاداعالاۋدا جۇرگەن ادامداردىڭ قۇقىقتارىنىڭ ساقتالۋى ماسەلەسى تىڭدالىپ وتىرادى. 12. وبلىستىق دەڭگەيدەگى ورگاندار, مەكەمەلەر مەن ۆەدومستۆالار, لاۋازىمدا تۇلعالارعا باعىتتالعان پروكۋرورلىق قاداعالاۋ اكتىلەرى وبلىس پروكۋراتۋرالارى جانە ولارعا تەڭەستىرىلگەن پروكۋراتۋرالار ارقىلى, ورتالىق ورگاندارعا باس پروكۋراتۋرا ارقىلى جولدانادى. وسى كەزدە انىقتالعان زاڭ بۇزۋشىلىقتاردى ناقتى جويۋعا باقىلاۋ بەلگىلەنەدى. 13. قىلمىستىق جازالاردى اتقارۋ, ۇستالعانداردى, اكىمشىلىكپەن جانە تەرگەۋمەن قامالعانداردى, سوتتالعانداردى ارنايى جانە تۇزەۋ مەكەمەلەرىندە ۇستاۋ, سونداي-اق ءجومبشب جانە قاداعالاۋدا جۇرگەن ادامداردىڭ ءجۇرىس-تۇرىسىنا باقىلاۋدى جۇزەگە اسىرۋ ماسەلەلەرى بويىنشا قىلمىستىق-اتقارۋ جۇيەسى, ىشكى ىستەر جانە ۇقك ورگاندارى شىعاراتىن نورماتيۆتىك قۇقىقتىق اكتىلەرىنىڭ, بۇيرىقتارىنىڭ جانە وكىمدەرىنىڭ زاڭدىلىعى ۇنەمى زەردەلەنەدى جانە تەكسەرىلەدى. 14. پروكۋراتۋرا ورگاندارىندا جەدەل-پروفيلاكتيكالىق ەسەپكە تىركەلگەن ادامدارعا قاتىستى باقىلاۋ ىستەرى اشىلادى.2. جازانى ورىنداۋدا, ارنايى مەكەمەلەردە ادامداردىڭ ۇستالۋىندا جانە باس بوستاندىعىنان ايىرۋ ورىندارىنان بوساعانداردى باقىلاۋدا زاڭدىلىقتىڭ ساقتالۋىنا پروكۋرورلىق قاداعالاۋدى ۇيىمداستىرۋ
1-پاراگراف. دەپارتامەنتتىڭ قاداعالاۋدى ۇيىمداستىرۋى 15. دەپارتامەنت قىزمەتكەرلەرى: 1) باس پروكۋراتۋرا مەن دەپارتامەنتتىڭ ستراتەگيالىق, وپەراتسيالىق جانە توقساندىق جۇمىس جوسپارلارىنا سايكەس, باس پروكۋراتۋرانىڭ باسقا دا قۇرىلىمدىق بولىمشەلەرىمەن, تومەنگى تۇرعان پروكۋراتۋرالارمەن, مۇددەلى مينيسترلىكتەر جانە ۆەدومستۆولارمەن ءوزارا ءىس-ارەكەت ەتۋ جانە ۇيلەستىرۋ ارقىلى قىزمەتكەرلەردىڭ لاۋازىمدى مىندەتتەرىن ناقتى جىكتەۋ جانە تاپسىرىلعان ۋچاسكەلەر مەن ايماقتىق-پاندىك قاعيداتتار بويىنشا ىستەردىڭ جاعدايىنا ولاردىڭ ارقايسىسىنىڭ جەكە جاۋاپكەرشىلىگىن بەلگىلەۋ نەگىزىندە رەسپۋبليكادا ۇستالعان, اكىمشىلىك قامالعان, قاماۋعا الىنعان جانە قىلمىستىق جازانى وتەۋشى, ءجومبشب جانە اكىمشىلىك قاداعالاۋداعى ادامداردىڭ قۇقىقتارىنىڭ ساقتالۋىنا تۇراقتى جانە پارمەندى قاداعالاۋ ۇيىمداستىرادى جانە جۇرگىزەدى; 2) ازاماتتاردى اقتاۋ جانە قىلمىستىق جازانى ورىنداۋ ماسەلەسى بويىنشا قازاقستان رەسپۋبليكاسى ۇكىمەتىنىڭ, قازاقستانرەسپۋبليكاسىنىڭ مينيسترلىكتەر مەن ۆەدومستۆولارىنىڭ قۇقىقتىق اتكىلەرىنە, ىشكى ىستەر مينيسترلىگىنىڭ قىلمىستىق-اتقارۋ جۇيەسى كوميتەتىنىڭ, اكىمشىلىك پوليتسياسى كوميتەتىنىڭ قىزمەتىندەگى زاڭدىلىققا – ۋۇي, ارنايى قابىلداۋىشتاردىڭ قىزمەتىندەگى, سونداي-اق ءجومبشب جانە اكىمشىلىك قاداعالاۋداعى ادامداردىڭ ءجۇرىس-تۇرىسىنا باقىلاۋدى جۇزەگە اسىرۋ كەزىندە زاڭدىلىقتىڭ ساقتالۋى ماسەلەلەرى بويىنشا, قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ – تي قىزمەتىندەگى زاڭدىلىقتىڭ ساقتالۋى ماسەلەلەرى بويىنشا تىكەلەي قاداعالاۋدى جۇزەگە اسىرادى; 3) جەدەل-ىزدەستىرۋ قىزمەتىنىڭ زاڭدىلىعىن قاداعالاۋ دەپارتامەنتىنىڭ قىزمەتكەرلەرىمەن بىرلەسىپ, جەتەكشىلىك ەتەتىن جەلىلەردىڭ قىزمەتىنىڭ زاڭدىلىعىن قامتاماسىز ەتەدى, بىرلەسكەن تەكسەرۋلەر جۇرگىزۋ باستاماسى كوتەرىلەدى جانە قىلىمىستىق جازانىڭ اتقارىلۋى مەن قاماۋعا الىنعان ادامداردى ۇستاۋ كەزىندە زاڭدىلىق پەن قۇقىق ءتارتىبىن قامتاماسىز ەتۋگە باعىتتالعان ءوزارا قىزمەت ەتۋ شارالارى قابىلدانادى; 4) وبلىس پروكۋرورلارىنىڭ ۇسىنىستارى جانە سوتتالعانداردىڭ وتىنىشتەرى بويىنشا ۇكىمدەردىڭ ورىندالۋ ماسەلەسىنە بايلانىستى قابىلدانعان سوت قاۋلىسىنىڭ زاڭدىلىعىنا نارازىلىق ەنگىزۋ ماقساتىندا زەردەلەنەدى; 5) وقۋ سەمينارلارى مەن كەڭەستەر, بىرلەسكەن تەكسەرۋلەر جانە وبلىس پروكۋرورلارىنىڭ كومەكشىلەرىن, كولىكتەگى جانە اسكەري باس پروكۋرورلارىنىڭۇستالعان, قاماۋعا الىنعان جانە جازانى وتەۋشى ادامداردىڭ قۇقىقتارىنىڭ ساقتالۋىن قاداعالاۋدى قامتاماسىز ەتەتىن كومەكشىلەرىن, باسقارما قىزمەتكەرلەرىن, پروكۋرورلاردىڭ تاعىلىمدامادان ءوتۋى ۇيىمداستىرىلادى جانە وتكىزىلەدى, جۇمىستىڭ وڭ تاجىريبەلەرى زەردەلەنەدى جانە تاراتىلادى, قاداعالاۋدى ۇيىمداستىرۋداعى جول بەرگەن كەمشىلىكتەرى مەن ولقىلىقتارى ءۇشىن تومەنگى تۇرعان پروكۋرورلاردىڭ جاۋاپكەرشىلىكتەرى تۋرالى باس پروكۋراتۋرانىڭ باسشىلىعىنا ۇسىنىستار ەنگىزىلەدى; 6) جازانى ورىنداۋدا, ارنايى مەكەمەلەردە ادامداردىڭ ۇستالۋىندا جانە باس بوستاندىعىنان ايىرۋ ورىندارىنان بوساعانداردى باقىلاۋدا زاڭدىلىقتىڭ جاعدايىنا قاداعالاۋدى قامتاماسىز ەتۋ بويىنشا جانە دە قاداعالاۋدىڭ باسىمدىق جانە ايماقتىق باعىتتارى بويىنشا تالداۋ جاسالادى, تەكسەرۋدىڭ ادىستەرى ازىرلەنەدى; 7) باس پروكۋراتۋرا باسشىلىعىنىڭ تاپسىرماسى بويىنشا توتەنشە جاعدايلاردىڭ سالدارى جەرگىلىكتى ورىندارعا بارۋ ارقىلى تەكسەرىلەدى; 8) جەرگىلىكتى ورىنداردا تەكسەرۋ جۇرگىزۋ كەزىندە زاڭدىلىقتىڭ بۇزىلۋ دەرەگى بويىنشا شۇعىل ىقپال ەتۋ تالاپ ەتىلەتىن جاعدايدا, پروكۋرورلىق ىقپال ەتۋ اكتىلەرى دەربەس ەنگىزىلەدى; 9) باس پروكۋراتۋرا باسشىلىعىنىڭ تاپسىرماسى بويىنشا اۋماقتىق پروكۋرورلاردىڭ, ايماقتارداعى قۇقىق قورعاۋ جانە باسقا دا مەملەكەتتىك ورگانداردىڭ لاۋازىمدى تۇلعالارىنىڭ قابىلداعان شەشىمدەرىنىڭ, سونداي-اق سوت اكتىلەرىنىڭ زاڭدىلىعىن زەردەلەۋ ماقساتىندا قىلمىستىق, ازاماتتىق, اكىمشىلىك ىستەر مەن وزگە دە ماتەريالدار سۇراتىپ الىنادى.2-پاراگراف. وبلىس پروكۋراتۋرالارى مەن
ولارعا تەڭەستىرىلگەندەردىڭ قاداعالاۋدى ۇيىمداستىرۋى
16. وبلىس پروكۋرورلارى جانە ولاردىڭ ورىنباسارلارى: 1) ۇستالعان, ارنايى مەكەمەلەرگە ورنالاستىرىلعان, قىلمىستىق جازانى وتەۋشى, ءجومبشب جانە اكىمشىلىك قاداعالاۋداعى ادامداردىڭ قۇقىقتارىنىڭ ساقتالۋىنا قاداعالاۋدىۇيىمداستىرادى جانە قامتاماسىز ەتەدى; 2) تۇزەۋ جانە ارنايى مەكەمەلەرىنىڭ كەشەندى تەكسەرۋلەرىنە قاتىسادى. كورسەتىلگەن تەكسەرۋلەردى جۇرگىزۋ بارىسىندا ۇستالعانداردى, اكىمشىلىك جانە تەرگەۋمەن قامالعانداردى, سوتتالعانداردى, «ەڭبەك» رمك-نىڭ قىزمەتكەرلەرى مەن جۇمىسشىلارىن جەكە سۇراقتارى بويىنشا قابىلداۋ وتكىزىلەدى; 3) ارنايى جانە تۇزەۋ مەكەمەلەرىندە قىزمەتكەرلەردىڭ ۇستالعاندارعا, تەرگەۋمەن قامالعاندارعا جانە سوتتالعاندارعا ازاپتاۋ, رۇقسات ەتىلمەگەن ىقپال ەتۋ شارالارىن, ارناۋلى قۇرالداردى قولدانۋ فاكتىلەرى بويىنشا ۋاقىتىندا تەكسەرۋ جۇرگىزۋدى قامتاماسىز ەتەدى; مۇنداي فاكتىلەر بويىنشا قىلمىستىق ءىستى قوزعاۋدان باس تارتۋ تۋرالى شەشىمدەردىڭ زاڭدىلىعىن ون تاۋلىك ىشىندە تەكسەرۋدى تاپسىرادى. 4) ۇلتتىق الدىن الۋ تەتiگiنىڭ قاتىسۋشىلارىنىڭ قىزمەتىنە كومەك بەرەدى. 17. توتەنشە جاعدايلار تۋرالى اقپارات تۇسكەن كەزدە دەرەۋ 3 ساعات ىشىندە دەپارتامەنتكە ارنايى حابارلاما تاعايىنداۋدى جانە جىبەرۋدى قامتاماسىز ەتەدى, وندا مىندەتتى تۇردە توتەنشە جاعدايدىڭ ورىن العان كۇنى, ۋاقىتى, ورنى جانە ءمان-جايى, سەبەبى, ماقساتى, ءتاسىلى, نىساناسى مەن ونى جاساعان كەزدە پايدالانعان قۇرال-جاراقتارى, وعان قاتىسقان ادامداردىڭ جالپى سانى, ولاردىڭ تەگى, اتى, اكەسىنىڭ اتى, قك-ءتىڭ قانداي باپتارى بويىنشا تارتىلعانى نەمەسە سوتتالعانى, جەدەل-الدىن الۋ ەسەبىندە تۋراتىندىعى كورسەتىلەدى (5 جانە ودان دا كوپ قاتىسۋشىلار بولسا, ولار تۋرالى دەرەكتەر ارنايى حابارلاماعا تىركەلەدى). 18. ارنايى جانە تۇزەۋ مەكەمەلەرىندەگى جەدەل-ىزدەستىرۋ قىزمەتىنىڭ زاڭدىلىعىنا قاجەتتى قاداعالاۋدى قامتاماسىز ەتۋ ماقساتىندا وبلىس پروكۋراتۋرالارىنىڭ ءتيىستى قۇرىلىمدارىنىڭ ءوزارا تىعىز قىزمەت ەتۋىنە نازار اۋدارىلادى. قاجەتتى كەزدە ارنايى جانە تۇزەۋ مەكەمەلەرىندە ءتيىستى رەجيمدى قامتاماسىز ەتۋ شارالارىن ازىرلەپ, بىرلەسكەن تەكسەرۋلەردى وتكىزۋ جانە تالداۋ جاساۋ تاپسىرىلادى. 19. وبلىس پروكۋرورلارىنىڭ كومەكشىلەرى, باسقارما قىزمەتكەرلەرى: 1) قاج كوميتەتى دەپارتامەنتتەرىنىڭ, «ەڭبەك» رمك, ارنايى جانە تۇزەۋ مەكەمەلەرىنىڭ (بۇنداي وكىلەتتىك وبلىس پروكۋرورىنىڭ وكىمىمەن جۇكتەلگەن جاعدايدا) قىزمەتىندەگى زاڭدىلىققا, ىشكى ىستەر دەپارتامەنتىنىڭ – ارنايى مەكەمەلەردە زاڭداردىڭ, ءجومبشب جانە اكىمشىلىك قاداعالاۋداعى ادامدارعا باقىلاۋدى جۇزەگە اسىرۋ زاڭناماسىنىڭ ورىندالۋىنا, ۇلتتىق قاۋىپسىزدىك كوميتەتىنىڭ تي زاڭداردىڭ ورىندالۋىنا, سونداي-اق ساياسي قۋعىن-سۇرگىن قۇرباندارىن اقتاۋ تۋرالى زاڭنامالاردىڭ قولدانىلۋىنا قاداعالاۋدى جۇزەگە اسىرادى; 2) وبلىس پروكۋراتۋراسىنىڭ جەدەل-ىزدەستىرۋ قىزمەتىنىڭ زاڭدىلىعىن قاداعالاۋ بولىمشەسىمەن كەلىسىپ, ارنايى جانە تۇزەۋ مەكەمەلەرىندە جۇرگىزىلەتىن جەدەل-ىزدەستىرۋ ءىس-شارالارىنىڭ زاڭدىلىعىن تەكسەرەدى; 3) وسى نۇسقاۋلىقتىڭ 32-56-تارماقتارىنىڭ ورىندالۋى بويىنشا پروكۋرورلاردىڭ قىزمەتىنە تىكەلەي باقىلاۋدى جۇزەگە اسىرادى. پروكۋرورلارعا جازانى ورىنداۋدا, ارنايى مەكەمەلەردە ادامداردىڭ ۇستالۋىندا جانە باس بوستاندىعىنان ايىرۋ ورىندارىنان بوساعانداردى باقىلاۋدا زاڭدىلىقتىڭ ساقتالۋىنا پروكۋرورلىق قاداعالاۋدى قامتاماسىز ەتۋدە ۇيىمداستىرۋ جانە ادىستەمەلىك كومەك كورسەتىلەدى, وبلىستىق جانە ولارعا تەڭەستىرىلگەن پروكۋراتۋرالاردا تاعىلىمداما جانە وقىتۋ جۇرگىزىلەدى; 4) ۇستالعان, قاماۋعا الىنعان جانە تۇزەۋ مەكەمەلەرىندە جازانى وتەۋشى ادامداردىڭ قۇقىقتارىنىڭ ساقتالۋ ماسەلەسى بويىنشا قوعامدىق باقىلاۋ كوميسسيالارىمەن بىرلەسكەن ءىس-شارالار جوسپارلانادى, ۇنەمى تۇردە قارىم-قاتىناس جۇرگىزىلەدى; 5) ارنايى جانە تۇزەۋ مەكەمەلەرىندەگى ۇستالعان تۇلعالاردىڭ قۇقىقتارىنىڭ بۇزىلعاندىعى تۋرالى قوعامدىق باقىلاۋ كوميسسياسى مۇشەلەرىنىڭ بارلىق وتىنىشتەرى بويىنشا كىدىرمەي تەكسەرۋلەر جۇرگىزىلەدى. زاڭنىڭ بۇزىلۋى انىقتالعان جاعدايدا كىنالى لاۋازىمدى تۇلعالارعا قاتىستى پروكۋرورلىق ىقپال ەتۋ شارالارى قولدانىلادى. 20. ارنايى جانە تۇزەۋ مەكەمەلەرىندە ۇستالعاندارعا, اكىمشىلىكپەن جانە تەرگەۋمەن قامالعاندارعا, سوتتالعاندارعا ازاپتاۋلاردىڭ, رۇقسات ەتىلمەگەن ىقپال ەتۋ شارالارى مەن ارناۋلى قۇرالداردىڭ نەگىزسىز قولدانىلعانى تۋرالى حابارلامالار نەمەسە وتىنىشتەر كەلىپ تۇسكەن كەزدە, دەربەس نەمەسە پروكۋرور, قىلمىستىق قۋدالاۋ ورگاندارى پروتسەسسۋالدىق شەشىم قابىلداۋ ارقىلى تەكسەرۋدىڭ جۇرگىزىلۋىن قامتاماسىز ەتەدى. ۇستالعاندارعا, اكىمشىلىك جانە تەرگەۋمەن قامالعاندارعا, سوتتالعاندارعا ارنايى قۇرالداردى نەگىزسىز قولدانۋ فاكتىسى بويىنشا قورىتىندى شىعارىلىپ, وبلىس پروكۋرورىنىڭ جەتەكشىلىك ەتەتىن ورىنباسارى بەكىتەدى. قورىتىندىدا ارنايى قۇرالداردىڭ قولدانىلۋ ورنى, ۋاقىتى, جاعدايى, سونداي-اق ولاردى قولدانعان قىزمەتكەرلەر تۋرالى دەرەكتەر, ارنايى قۇرالداردىڭ قولدانىلۋىن رەتتەيتىن نورماتيۆتىك قۇقىقتىق اكتىلەرگە سىلتەمە مازمۇندالۋى قاجەت. قورىتىندىنىڭ رەزوليۋتيۆتىك بولىگىندە ارنايى قۇرالداردى قولدانۋدىڭ زاڭدىلىعى نەمەسە زاڭدىلىقتى بۇزۋشىلىعى تۋرالى تۇجىرىم كورسەتىلەدى. قورىتىندىعا راستايتىن ماتەريالدار قوسا تىركەلەدى. 21. ايىنا ءبىر رەتتەن كەم ەمەس وبلىس ورتالىقتارىندا, ورنالاسقان تي, ۇۋي جانە ارنايى قابىلداۋىشتاردا زاڭدىلىقتىڭ ساقتالۋىنىڭ جاعدايىنا تەكسەرۋلەر جۇرگىزىلەدى. ادامنىڭ قاماۋدا زاڭسىز وتىرعانى انىقتالعان كەزدە ونى دەرەۋ بوساتۋعا شارالار قابىلدانادى. 22. باسقا ەلدى مەكەندەردە ورنالاسقان ۋۇي جانە ارنايى قابىلداۋىشتاردا تەكسەرۋ زاڭدىلىقتىڭ جاعدايى مەن ۇستالعانداردىڭ, اكىمشىلىكپەن جانە تەرگەۋمەن قامالعانداردىڭ كونستيتۋتسيالىق قۇقىقتارى مەن بوستاندىقتارىنىڭ ساقتالۋىنا بايلانىستى جۇرگىزىلەدى. ارنايى مەكەمەلەردە تەكسەرۋ جۇرگىزگەندە ۇستالعانداردى, اكىمشىلىك جانە تەرگەۋمەن قامالعانداردى, سوتتالعانداردى جانە قىزمەتكەرلەردى جەكە سۇراقتارى بويىنشا قابىلداۋ وتكىزىلەدى; 23. توتەنشە وقيعالاردى جانە ۇستالعاندارعا, تەرگەۋمەن قامالعاندارعا جانە سوتتالعاندارعا قارۋلاردى, ارناۋلى قۇرالداردى قولدانۋ, ارنايى جانە تۇزەۋ مەكەمەلەرىنەن قاشۋعا وقتالۋ, ءوزىن ءولتىرۋ جانە وزىنە دەنە جاراقاتىن سالۋ بارلىق فاكتىلەرىن ەسەپكە الۋ جۇرگىزىلەدى. توتەنشە جاعدايلار تۋرالى اقپاراتتى العان كەزدە دەرەۋ تەلەفون بايلانىسىمەن ء(بىر ساعات ىشىندە) دەپارتامەنتتىڭ جەتەكشىلىك ەتەتىن قىزمەتكەرىنە حابارلانادى. 24. تي كەلەسى تەكسەرىلەدى: 1) ايىپتالۋشىنىڭ قاماۋداعى مەرزىمىنىڭ اياقتالۋى مەن ونى قاماۋدان بوساتۋ تۋرالى شەشىمنىڭ قابىلدانۋى تۋرالى ءتيىستى ورگانداردى ۋاقىتىندا حاباردار ەتۋ بولىگىندەگى مەكەمە اكىمشىلىگىنىڭ قىلمىستىق ءىس جۇرگىزۋ زاڭناماسى تالاپتارىنىڭ ساقتاۋىنا نازارىن اۋدارىپ, كۇدىكتىلەردىڭ, ايىپتالۋشىلاردىڭ جانە سوتتالعانداردىڭ قاماۋدا ۇستالۋىنىڭ زاڭدىلىعى; 2) تەرگەۋمەن قامالعاننىڭ ارىزىن پروكۋرورعا ۋاقىتىندا جىبەرۋ بولىگىندەگى قىلمىستىق ءىس جۇرگىزۋ كودەكسىنىڭ تالاپتارىنىڭ ساقتالۋى; 3) ماتەريالدىق-تۇرمىستىق جاعدايلارمەن جانە مەديتسينالىق-سانيتارلىق قىزمەتپەن قامتاماسىز ەتىلۋى; 4) تەرگەۋمەن قامالعانداردى, سوتتالعانداردى تەرگەۋ يزولياتورلارىنا ورنالاستىرعان كەزدە جانە تەرگەۋ ارەكەتتەرى مەن سوت تالقىلاۋىنان كەيىن ءاربىر كەرى قايتارىلعاندا, دەنە جاراقاتىنىڭ بولۋ-بولماۋىنا ۋاقىتىندا مەديتسينالىق كۋالاندىرۋدىڭ جۇرگىزىلۋى; 5) تەرگەۋمەن قامالعانداردىڭ جانە سوتتالعانداردىڭ اراسىندا تۋبەركۋلەزدىڭ تاراتىلۋىنا قارسى ءىس-ارەكەت ەتەتىن نورماتيۆتىك قۇقىقتىق اكتىلەردىڭ تالاپتارىنىڭ ساقتالۋى; 6) ينجەنەرلىك-تەحنيكالىق كۇزەت قۇرالدارى مەن عيماراتتاردىڭ قويىلاتىن تالاپتارعا سايكەستىگى; 7) ۇستالعانداردى, تەرگەۋمەن قامالعانداردى جانە سوتتالعانداردى ۇستاۋعا بولىنگەن بيۋدجەت قاراجاتتارىن پايدالانۋداعى زاڭدىلىقتىڭ جاعدايى; 8) 48 ساعات ىشىندە تەرگەۋمەن قامالعانداردى كارتسەرگە قاماۋدىڭ زاڭدىلىعى; 9) تەرگەۋمەن قامالعانداردىڭ ۋاقىتشا ۇستاۋ يزولياتورلارىنان تەرگەۋ يزولياتورىنا ۋاقىتىندا قايتارىلۋى; 10) سوتتالعانداردىڭ تەرگەۋ يزولياتورلارىنان تۇزەۋ مەكەمەلەرىنە ۋاقىتىندا جىبەرىلۋى; 11) تەرگەۋمەن قامالعانداردى بولەك ورنالاستىرۋ ماسەلەلەرىن رەتتەيتىن زاڭناما تالاپتارىنىڭ ساقتالۋى; 12) سوتتالعانداردى شارۋاشىلىق قىزمەت كورسەتۋ جۇمىستارىن ورىنداۋ ءۇشىن قالدىرۋدىڭ زاڭدىلىعى; 13) سوتتالعانداردى قونىس-كولونياسىنا اۋىستىرۋ, جازانى وتەۋدەن مەرزىمىنەن بۇرىن شارتتى تۇردە بوساتۋ جانە جازانىڭ وتەلمەگەن بولىگىن جازانىڭ نەعۇرلىم جۇمساق تۇرىمەن اۋىستىرۋ, ۇستاۋ رەجيمىن قاساقانا بۇزۋشىلاردى جازاسىن وتەۋ ءۇشىن تۇزەۋ مەكەمەلەرىنە جىبەرۋ تۋرالى ماسەلەلەردىڭ ۋاقىتىندا قارالۋى جانە زاڭدىلىعى; 14) سەزىكتىلەرگە, ايىپتالۋشىلارعا جانە سوتتالعاندارعا جازالاردى تاعايىنداۋ مەن ولاردى كوتەرمەلەۋدىڭ زاڭدىلىعى; 15) جەكە جانە زاڭدى تۇلعالاردىڭ وتىنىشتەرىن قاراۋ ءتارتىبىن رەتتەيتىن زاڭناما تالاپتارىنىڭ ساقتالۋى. 25. تەكسەرۋ بارىسىندا, دەرەۋ ىقپال ەتۋدى تالاپ ەتەتىن زاڭدىلىقتى ايقىن بۇزۋشىلىق انىقتالسا, پروكۋرورلىق قاداعالاۋ اكتىلەرى ەنگىزىلەدى. 26. شارۋاشىلىق جۇمىستارىن ورىنداۋ ءۇشىن تي قالدىرىلعان سوتتالعاندارعا قاتىستى ۇكىمدى ورىنداۋعا بايلانىستى ماسەلەلەردىڭ ءبىرىنشى ساتىداعى سوتتا قارالۋى كەزىندە, سونداي-اق ۇكىمنىڭ ورىندالۋىنا بايلانىستى ماسەلەلەرلى شەشۋ كەزىندە شىعارىلعان سوت قاۋلىلارىنا كەلتىرىلگەن ارىزدار مەن نارازىلىقتاردى اپەللياتسيالىق جانە كاسساتسيالىق ساتىداعى سوتتاردا قاراعان كەزدە مىندەتتى تۇردە قاتىسادى. وبلىس پروكۋرورىنىڭ وكىمىمەن ۇكىمنىڭ ورىندالۋىنا بايلانىستى ماسەلەلەردى قاراۋدا سوتقا قاتىسۋدى,مەمەلكەت مۇددەسىنە وكىلدىك ەتۋ جانە قىلمىستىق ىستەر بويىنشا سوت اكتىلەرىنىڭ زاڭدىلىعىنا قاداعالاۋدى جۇزەگە اسىراتىن وبلىستىق پروكۋراتۋرانىڭ ءتيىستى بولىمشەسىنە جانە وعان تەڭەستىرىلگەن, نەمەسە پروكۋرورلارعا جۇكتەلۋى مۇمكىن. 27. ۋۇي جانە ارنايى قىبىلداۋىشتاردا تەكسەرۋ وسى نۇسقاۋلىقتىڭ 40-48-تارماقتارىنىڭ ەرەجەلەرىنە سايكەس جۇرگىزىلەدى. 28. تۇزەتۋ مەكەمەلەرىندە تەكسەرۋ وسى نۇسقاۋلىقتىڭ 38-39-تارماقتارىنىڭ ەرەجەلەرىنە سايكەس جۇرگىزىلەدى. 29. ءجومبشب, اكىمشىلىك قاداعالاۋداعى ادامداردىڭ ءجۇرىس-تۇرىسىنا باقىلاۋدى قامتاماسىز ەتۋ, قىلمىستىڭ قايتالانۋىن الدىن الۋ ماقساتىندا, جارتى جىلدا ءبىر رەت مەكەمەلەردەن بوساتىلعان, سونىڭ ىشىندە باسقا ايماقتارداعى, تۇرعىلىقتى مەكەنجايلارىنا كەلگەن ءجومبشب جانە اكىمشىلىك قاداعالاۋداعى ادامداردىڭ سانى تۋرالى, ولاردىڭ قايتالاپ جاساعان قىلمىستارى تۋرالى ىشكى ىستەر دەپارتامەنتىنىڭ مالىمەتتەرىمەن بىرگە قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتتەگى دەرەكتەرمەن سالىستىرىپ تەكسەرۋ جۇرگىزىلەدى. 30. جازانى ورىنداۋدا, ارنايى مەكەمەلەردە ادامداردىڭ ۇستالۋىندا جانە باس بوستاندىعىنان ايىرۋ ورىندارىنان بوساعانداردى باقىلاۋدا زاڭدىلىقتىڭ جاعدايىنا قاداعالاۋدىڭ قامتاماسىز ەتىلۋىنە توقسان سايىن تالداۋ جۇرگىزەدى. 31. ازاماتتاردى جاپپاي ساياسي قۋعىن-سۇرگىندەرىنەن اقتاۋ ماسەلەلەرىن رەتتەيتىن زاڭنامالاردىڭ قولدانىلۋى جىل ناتيجەسى بويىنشا جيناقتاپ قورىتىلادى.3-پاراگراف. قالالىق جانە اۋداندىق پروكۋراتۋرالاردىڭ قاداعالاۋدى ۇيىمداستىرۋى
32. قالالىق جانە اۋداندىق پروكۋرورلار: 1) تۇزەۋ مەكەمەلەرىندە, ۋۇي, ارنايى قابىلداۋىشتاردىڭ قىزمەتىندەگى زاڭدىلىققا, قوعامنان وقشاۋلاۋمەن بايلانىستى ەمەس قىلمىستىق جازالاردىڭ, وزگە دە قىلمىستىق-قۇقىقتىق ىقپال ەتۋ شارالارىنىڭ اتقارىلۋى زاڭدىلىعىنا, ءجومبشب جانە اكىمشىلىك قاداعالاۋداعى ادامداردى باقىلاۋ ءتارتىبى زاڭناماسىنىڭ, اقتالعان ازاماتتارعا اقشالاي وتەماقىلاردى تولەۋدى جانە ولارعا جەڭىلدىكتەردى بەرۋدى رەگلامەنتتەيتىن زاڭداردىڭ ورىندالسىنىڭ ساقتالۋىنا قاداعالاۋدى جۇزەگە اسىرادى; 2) قىزمەتكەرلەردىڭ ۇستالعاندارعا نەمەسە اكىمشىلىك جانە تەرگەۋمەن قامالعاندارعا, سوتتالعاندارعا ارناۋلى قۇرالدار مەن كۇش قولدانۋى تۋرالى اقپارات وقيعا ورنىنا بارىپ, ارنايى قابىلداۋىشتاردىڭ جانە تۇزەۋ مەكەمەلەرى اكىمشىلىكتەرىنىڭ ءىس-ارەكەتتەرىنىڭ زاڭدىلىعى مەن نەگىزدىلىگى تۋرالى قورىتىندىنى قۇراستىرۋ ارقىلى تەكسەرىلەدى. قورىتىندى وسى نۇساقۋلىقتىڭ 20-تارماعىندا كورسەتىلگەندەي ءتارتىپ بويىنشا جاساقتالىپ, پروكۋرورمەن بەكتىلەدى. ارنايى نەمەسە تۇزەۋ مەكەمەلەرىندە ازاپتاۋلاردىڭ, رۇقسات ەتىلمەگەن ىقپال ەتۋ شارالارىنىڭ قولدانىلعانى تۋرالى مالىمەتتەر بار بولعاندا نەمەسە وتىنىشتەر كەلىپ تۇسكەن كەزدە, تەكسەرۋ ازاپتاۋلارعا جانە باسقا دا قاتىگەز, ادامگەرشiلiككە جاتپايتىن جانە ار-نامىستى قورلايتىن iس-ارەكەتتەر مەن جازالاۋ تۇرلەرi تۋرالى وتىنىشتەردى تەكسەرۋ ءتارتىبىن رەتتەيتىن نورماتيۆتىك قۇقىقتىق اكتىلەرگە سايكەس جۇزەگە اسىرىلادى; 3) ۇلتتىق الدىن الۋ تەتىگى قاتىسۋشىلارىنىڭ قىزمەتىنە كومەك بەرۋ بويىنشا شارالار قابىلدانادى, قۇقىقتارىنىڭ بۇزىلۋى بويىنشا «قازاقستان رەسپۋبليكاسىنىڭ كەيبiر زاڭنامالىق اكتiلەرiنە ازاپتاۋدىڭ جانە باسقا دا قاتىگەز, ادامگەرشiلiككە جاتپايتىن نەمەسە ار-نامىستى قورلايتىن iس-ارەكەتتەر مەن جازالاۋ تۇرلەرiنىڭ الدىن الۋعا باعىتتالعان ۇلتتىق الدىن الۋ تەتiگiن جاساۋ ماسەلەلەرi بويىنشا وزگەرiستەر مەن تولىقتىرۋلار ەنگiزۋ تۋرالى» زاڭىندا كورسەتىلگەندەي, كىدىرمەي تەكسەرۋ جۇرگىزىلەدى. تەكسەرۋ ناتيجەسى بويىنشا نەگىزدىلىگى بار بولعان جاعدايدا كىدىرمەي, ءۇش جۇمىس كۇنى ىشىندە الدىن الۋ تەتىگىنىڭ بارۋىنا جاتقىزىلعان تۇزەۋ مەكەمەلەرىنىڭ جانە وزگەدە ۇيىمداردىڭ كىنالى لاۋازىمدى تۇلعالارىنا قاتىستى قۇجاتتار جيناقتالادى جانە سوتقا جولدانادى; 4) ۇستالعان, قاماۋعا الىنعان جانە تۇزەۋ مەكەمەلەرىندە جازانى وتەۋشى ادامداردىڭ قۇقىقتارىنىڭ ساقتالۋ ماسەلەسى بويىنشا قوعامدىق باقىلاۋ كوميسسيالارىمەن بىرلەسكەن ءىس-شارالار جوسپارلانادى, ۇنەمى تۇردە قارىم-قاتىناس جۇرگىزىلەدى. قىلمىستىق-اتقارۋ جۇيەسى ورگاندارىنىڭ جانە تۇزەۋ مەكەمەلەرىندەگى ۇستالعان تۇلعالاردىڭ قۇقىقتارىنىڭ بۇزىلعاندىعى تۋرالى قوعامدىق باقىلاۋ كوميسسياسى مۇشەلەرىنىڭ وتىنىشتەرى بويىنشا كىدىرمەي تەكسەرۋلەر جۇرگىزىلەدى. 33. جارتى جىلدا ءبىر رەت وبلىس پروكۋرورىنىڭ نەمەسە ونىڭ ورىنباسارىنىڭ قاتىسۋىمەن تۇزەۋ مەكەمەلەرىندە كەشەندى تەكسەرۋلەر جۇرگىزىلەدى. 34. سوتتالعاندى ايىپتاۋ بولمەسىنە ورنالستىرۋ نەمەسە اۋىستىرۋ تۋرالى تۇزەۋ مەكەمەسىنىڭ اكىمشىلىگىمەن قابىلدانعان قاۋلىنىڭ زاڭدىلىعى جانە نەگىزدىلىگى 48 ساعات ىشىندە تەكسەرىلەدى, ءتيىستى قورتىندىسى جاساقتالۋمەن بىرگە. اي سايىن تۇزەۋ مەكەمەلەرىندە سوتتالعانداردى ايىپتالۋ ورىندارىندا ۇستاۋ جاعادايىنتەكسەرەدى. تەكسەرۋ ناتيجەسى انىقتامامەن رەسىمدەلەدى, سونداي-اق تەكسەرۋ جۇرگىزىلگەن ورگاننىڭ ءتيىستى جۋرنالىنا كۇنىن, ۋاقىتىن, رەجيمنىڭ تەمپەراتۋراسىن, اۋانىڭ ىلعالدىلىعىن, ايىپتىلىق ورىندارىندا (ايزو, كۇۇج, توو, جك ايزو, كتب, تيزو جانە بك قامالعان ادامداردىڭ سانىن جەكە كورسەتىپ) ۇستالعان ادامداردىڭ جانە ارىزبەن شاعىمدانعان سوتتالعانداردىڭ جالپى سانىن كورسەتىپ, تەكسەرۋ جۇرگىزگەنى تۋرالى قىسقاشا جازبا تولتىرادى. 35. اي سايىن تۇزەۋ مەكەمەلەرىندە سوتتالعانداردى, كولونيا قىزمەتكەرلەرىن جانە «ەڭبەك» رمك جۇمىسشىلارىن جەكە سۇراقتارى بويىنشا قابىلداۋ جۇرگىزىلەدى. 36.سوتتالعاندار اراسىندا قۇقىق بۇزۋشىلىق پەن قىلمىسقا قارسى ارەكەتتەردىڭ,تۇزەۋ مەكەمەلەرىندەگى جەدەل-ىزدەستىرۋ قىزمەتىنىڭ زاڭدىلىعىنا قاداعالاۋ جۇزەگە اسىرىلادى. 37. تۇزەۋ مەكەمەلەرىندەگى انىقتاۋعا, قىلمىستىق ءىستى قوزعاۋ تۋرالى جانە قوزعاۋدان باس تارتۋ تۋرا
