ەلوردا • 18 ماۋسىم، 2022

ەلوردادا سپورت فەستيۆالى وتەدى

22 رەت كورسەتىلدى

نۇر-سۇلتان قالاسىندا ترياتلون ساياباعىندا حالىقارالىق وليمپيادا كۇنىنە وراي سپورتتىق مەرەكەلىك ءىس-شارا وتەدى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

ءىس-شارا 23 ماۋسىم كۇنى ساعات 12:00-دە وتەدى.

ەلوردا تۇرعىندارى مەن قوناقتارى ەستافەتالىق جارىستار، 3ح3 باسكەتبول، تەكبول جانە ۇستەل تەننيسى ويىندارىن تاماشالاپ، برەيك-دانسشىلاردىڭ ونەرىنە ءتانتى بولادى. ء ارتۇرلى جاستاعى بالالار سونداي-اق اراسىندا دزيۋدو مەن تاەكۆوندودان كورسەتىلىم جەكپە-جەگى ۇيىمداستىرىلاتىن شاراعا قاتىسا الادى.

سونىمەن قاتار ۇلتتىق قۇراما مۇشەلەرى مەن قازاقستاننىڭ اتاقتى سپورتشىلارى ەلوردانىڭ جاس تۇرعىندارىنا شەبەرلىك ساباعىن وتكىزەدى. اتاپ ايتساق، بوكستان 2012 جىلعى لوندون وليمپياداسىنىڭ چەمپيونى سەرىك ساپيەۆ، ايەلدەر كۇرەسىنەن ءۇش دۇركىن وليمپيادا جۇلدەگەرى گيۋزەل مانيۋروۆا، شورت-ترەكشى، 2022 جىلعى بەيجىڭ وليمپياداسىندا قازاقستان قۇراماسىنىڭ كاپيتانى ابزال اجعاليەۆ، كونكيمەن جۇگىرۋدەن ءتورت قۇرلىقتىڭ چەمپيونى ەكاتەرينا ايدوۆا، بوكستان الەمدىك باسەكەلەر جەڭىمپازدارى اعايىندى ايبەك پەن نۇربەك ورالباي جانە كۇرەستەن 2022 جىلعى ازيا چەمپيوندارى ءمادينا مەن ءجاميلا باقبەرگەنوۆتەر جاس سپورتشىلارمەن كەزدەسىپ، تاجىريبەسىمەن بولىسەدى.

بارلىق قاتىسۋشىلار سپورتتىق شارالار مەن جارىستارعا قاتىسىپ، ۆيكتورينادا سۇراقتارعا جاۋاپ بەرە وتىرىپ، قر ۇلتتىق وليمپيادالىق كوميتەتىنىڭ ەستەلىك سىيلىقتارىن ۇتىپ الۋعا مۇمكىندىك الادى.

سونىمەن قاتار، بيىل ۇلتتىق وليمپيادالىق كوميتەتى ماۋسىم ايىندا داستۇرگە اينالعان اكتسيالاردى وتكىزەدى. بەس وليمپيادا ساقيناسى بەس قۇرلىقتى بەينەلەيتىنىندەي، قازاقستاندىقتاردىڭ سپورتتاعى بىرلىگىن بىلدىرەتىن مەرەكەلىك ەستافەتانى قازاقستاننىڭ بەس وبلىسى الىپ وتەدى. اتاپ ايتقاندا، ەلىمىزدىڭ جاڭا وبلىس ورتالىقتارىندا تۇركىستان (تۇركىستان وبلىسى)، سەمەي (اباي وبلىسى)، جەزقازعان ( ۇلىتاۋ وبلىسى)، قوناەۆ (الماتى وبلىسى) قالالارىندا اۋقىمدى سپورت فەستيۆالدەرى وتەدى.

بيىل ەلىمىزدە وليمپيادا كۇنى 29-شى رەت تويلانىپ جاتىر.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار