بۇعان سەبەپ - ۇشالاردىڭ تولىقتاي ىدىراپ كەتۋى.
«عىلىمي ۇيىمدار زەرتتەۋ جۇرگىزگەنىمەن, يتبالىقتاردىڭ ناقتى نەدەن قىرىلعانى انىقتالمادى. ماماندار يتبالىقتار ءساۋىر-مامىر ايلارىندا ەمەس, قاڭتار-اقپاندا ولگەن دەگەن قورىتىندى شىعاردى. تاعى ءبىر بولجام, ول – قىس مەزگىلىنىڭ وتە جىلى بولۋى. يتبالىقتار مۇزدىڭ ۇستىنە كۇشىكتەيتىنى بەلگىلى. بيىل اۋا رايى جىلى بولىپ, مۇز تەز ەرىپ كەتتى. سوندىقتان كۇشىكتەر سۋعا ءتۇسىپ كەتكەن. ال جاڭا تۋعان يتبالىقتاردىڭ تەرىسىندە سۋدان قورعايتىن قابىرشىق بولمايدى. بۇگىنگى تاڭدا كاسپي جاعالاۋىنان بارلىعى 220 ولەكسە تابىلدى. ونىڭ 50%-ى جاڭا تۋعان يتبالىقتار», دەدى كوميتەت توراعاسىنىڭ ورىنباسارى.
ايان باحيانوۆتىڭ ايتۋىنشا, تابىلعان ولەكسەلەردى زەرتتەۋ كەزىندە, يتبالىقتاردىڭ دەنەسىندە قولدان جاسالعان جاراقاتتار بار ەكەنى انىقتالدى.
«تابىلعان بىرنەشە يتبالىقتىڭ باسى جانە وزگە دە مۇشەلەرى قاساقانا كەسىپ الىنعان. ءبىزدىڭ بولجام بويىنشا جانۋارلار زاڭسىز بالىق اۋلاۋ قۇرالداردارىنا تۇسكەن. ال براكونەرلەر ءوز قىلمىسىن جاسىرۋ ءۇشىن يتبالىقتاردىڭ باسىن كەسىپ تاستاعان», دەپ ءتۇسىندىردى ايان باحيانوۆ.
