ال «الەمدىك مودەل-2022» حالىقارالىق تالانتتار مەن سۇلۋلىق بايقاۋى رەسەي فەدەراتسياسىنداعى سوچي قالاسىندا ءوتتى. ءتورت كەزەڭمەن وتكەن بايقاۋعا الەم ەلدەرىنەن 100-دەن استام ۇمىتكەر قاتىستى. قازاقستاننان قاتىسقان ءماريام يشانعاليەۆا ءبىرىنشى ورىنعا قوسا «الەمدىك مودەل-2022» تيتۋلىن جەڭىپ الدى. جەڭىمپاز قازاقستاندىققا «جەر شارىنىڭ سۇلۋى-2022» بايقاۋىنا جولداما تابىستالدى. بۇل بايقاۋ تامىز ايىندا ماسكەۋدە وتەدى.
– ءماريام قاتىسۋشىلاردىڭ كوپتىگىن كورگەندە, ءبىراز ۋايىمدادى. سەبەبى ارقايسىسى ءوز ەلىنىڭ ەڭ مىقتى مودەلى عوي. بيىل ءماريام قازاقتىڭ ۇلتتىق كيىمىمەن ساحناعا شىقتى. ۇلتتىق كيىم ءماريامنىڭ باعىن جاندىردى. قازىلار القاسىنىڭ مۇشەلەرى دە, فوتوگرافتار دا ءماريامنىڭ وزىنە سەنىمدى ەكەنىن جوعارى باعالادى, – دەيدى اناسى ارايلىم قارابالاەۆا.
ەندى ءماريام يشانعاليەۆا قىركۇيەكتە تۇركيادا وتەتىن ءسان اپتالىعىنا شاقىرتۋ الدى. ال قازان ايىندا دۋبايعا وسىنداي اپتالىققا بارادى.
– كىشكەنتاي كەزىنەن بيگە اۋەس بولدى. كەيىن جارنامالىق روليكتەرگە ءتۇستى. بىراق مەكتەپتەگى ساباق ۇلگەرىمىن تومەندەتكەن جوق. جىل سايىن ۇزدىكتەر قاتارىنان كورىنىپ ءجۇر, – دەيدى اناسى.
اتىراۋ وبلىسى
