«ارشالى اۋدانى جىبەك جولى اۋىلىنداعى دەمالىس ايماعىندا 2010 جىلى تۋعان قىز سۋعا باتىپ كەتتى. ال استراحان اۋدانىندا, پەرۆومايكا اۋىلىنىڭ ماڭىندا, ەسىل وزەنىندە 6 جانە 9 جاستاعى ەكى كامەلەتكە تولماعان بالا سۋعا باتتى», دەلىنگەن وبلىستىق تجد ءباسپاسوز قىزمەتى تاراتقان حابارلامادا.
ايتا كەتسەك, شومىلۋ ماۋسىمى باستالعانعا دەيىن اقمولا وبلىسى تجد جقب قىزمەتكەرلەرى سۋ ايدىندارىنا تەكسەرۋ جۇرگىزدى. زەرتتەۋ ناتيجەسى بويىنشا جىبەك جولى اۋىلىنداعى سۋ قويماسىنىڭ ءتۇبى سۋعا شومىلۋعا جارامسىز ەكەنى انىقتالدى.
جىلى اۋا رايىنا قاراماستان, سۋ تەمپەراتۋراسى ءالى قىزعان جوق. وبلىس اۋماعىندا 10 كوممۋنالدىق جانە 59 جەكە جاعاجاي جۇمىس ىستەيدى. بۇگىنگى كۇنى 85 سۋ قويماسى تەكسەرىلدى.
