ماڭعىستاۋ وبلىسى قورعانىس ىستەرى جونىندەگى دەپارتامەنتى اسكەرگە شاقىرۋ ءبولىمىنىڭ باستىعى تالعات سارباسوۆتىڭ ايتۋىنشا, اسكەرگە شاقىرۋدى كەيىنگە قالدىرۋ نەمەسە ودان بوساتۋعا نەگىزى جوقتار عانا الىنادى.
«بيىل 1 ناۋرىزدان باستاپ 30 ماۋسىمعا دەيىن اقتاۋ قالاسىندا جەرگىلىكتى پوليتسيا قىزمەتىنىڭ قىزمەتكەرلەرى, ۇلتتىق ۇلانىنىڭ اسكەري قىزمەتشىلەرى جانە اقتاۋ قالاسىنىڭ جەرگىلىكتى اسكەري باسقارۋ ورگاندارىمەن رەيدتىك ءىس-شارالار جۇرگىزىلەدى. مەرزىمدى اسكەري قىزمەتكە شاقىرىلعانداردى ىزدەستىرۋ جانە جەتكىزۋ, شاقىرۋ ناۋقانى كەزىندە مۇمكىن بولماعاندارعا شاقىرۋ قاعازدارىن جەتكىزۋ جۇمىستارى جۇرگىزىلۋدە. رەيد بارىسىندا اسكەري ەسەپكە الۋدى جانە اسكەري مىندەتتى بەلگىلەۋ ماقساتىندا اسكەر جاسىنداعى جىگىتتەرگە ساۋالناما جۇرگىزىلىپ جاتىر. جەكە كۋالىك پەن جەكە سايكەستەندىرۋ ءنومىرى بويىنشا تىركەلگەن مالىمەتتەر تەكسەرىلەدى. اسكەري قىزمەت وتكەرۋدى كەيiنگە قالدىرۋ نەمەسە بوساتۋ تۋرالى مالiمەتتەر بەلگiلەنبەگەن جاعدايدا, ازامات جەرگiلiكتi اسكەري باسقارۋ ورگاندارىنىڭ شاقىرۋ ۋچاسكەسiنە جەتكiزiلەدi. جەرگىلىكتى اسكەري باسقارما اۋماعىندا ۇيالى تەلەفونداردى پايدالانۋعا تىيىم سالىنادى», دەدى تالعات سارباسوۆ.
