قازىرگى تاڭدا مادەنيەت جانە سپورت مينيسترلىگى قازاقستاننىڭ يۋنەسكو جانە يسەسكو ىستەرى جونىندەگى ۇلتتىق كوميسسياسى جانىنداعى ماتەريالدىق ەمەس مادەني مۇرالار جونىندەگى ۇلتتىق كوميتەت ساراپشىلارىنىڭ قاتىسۋىمەن يۋنەسكو-نىڭ ادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتىك تىزىمىنە قازاقتىڭ حالىق ءبيى «ورتەكەنى» ەنگىزۋ بويىنشا جۇمىستاردى جۇرگىزۋدە.
ايتا كەتەيىك, «ورتەكە» حالىق ءبيىنىڭ قۋىرشاق تەكە, بيشىلەر توبى, جەكە ءبيشى ورىندايتىن ءۇش ءتۇرى بار. كوپشىلىككە ۇسىنىلعان بەينەروليكتە قۋىرشاق تەكە نۇسقاسى بەرىلىپ وتىر. ال ءبيدى ورىنداۋشى – نۇر-سۇلتان قالاسى اكىمدىگىنىڭ ەركەعالي راحماديەۆ اتىنداعى مەملەكەتتىك اكادەميالىق فيلارمونياسىنىڭ «قورقىت» ەتنوانسامبلى مەن SHOLPAN KORGANBEK ونەر ستۋدياسىنىڭ جاس مۋزىكانتتارى (كوركەمدىك جەتەكشىسى شولپان قورعانبەك).
