جيىندا عارىش سالاسىنداعى ىنتىماقتاستىق ماسەلەلەرى, سونداي-اق عارىش كەڭىستىگىن بەيبىت ماقساتتا زەرتتەۋ جانە پايدالانۋ سالاسىنداعى ءوزارا تۇسىنىستىك تۋرالى مەموراندۋمعا قول قويۋ مۇمكىندىگى تالقىلاندى.
مەموراندۋم عارىش قىزمەتى سالاسىنداعى باعدارلامالار مەن جوبالاردى بىرلەسىپ ازىرلەۋ مەن ىسكە اسىرۋدى, كادرلار دايارلاۋ مەن عالىمدارمەن ءتاجىر
يبە الماسۋ, سونداي-اق مەملەكەتتەردىڭ زاڭنامالارىن ەسكەرە وتىرىپ, دەرەكتەر مەن اقپارات الماسۋدى كوزدەيدى.
قازاقستان مەن ليۋكسەمبۋرگ عارىش كەڭىستىگىن بەيبىت ماقساتتا زەرتتەۋ, جەردى قاشىقتىقتان زوندتاۋ, سپۋتنيكتىك بايلانىس پەن ناۆيگاتسيانى دامىتۋ, سونداي-اق عارىش ينفراقۇرىلىمىن پايدالانۋ جانە عارىش اپپاراتتارى مەن ولارعا قاجەتتى قۇرال-جابدىقتاردى ازىرلەۋ سالاسىندا ىنتىماقتاستىق ورناتۋدى جوسپارلاپ وتىر.
بۇدان بولەك, قازاقستان رەسپۋبليكاسىنىڭ قاجەتتىلىگىنە بايلانىستى O3b mPower سپۋتنيكتىك بايلانىس جۇيەسىن قولدانۋ ماقساتىندا ليۋكسەمبۋرگتىڭ SES كومپانياسىمەن ىنتىماقتاستىق ماسەلەلەرى پىسىقتالۋدا. قر اۋماعىندا O3b mPOWER جۇيەسىن قولدانۋ ەلىمىزدىڭ قولدانىستاعى تەلەكوممۋنيكاتسيالىق ينفراقۇرىلىمىنا تولىقتىرۋ رەتىندە, ونىڭ ىشىندە قازاقستاننىڭ اۋىلدىق ەلدى مەكەندەرىندە ينتەرنەت جەلىسىنە كەڭ جولاقتى قولجەتىمدىلىك قىزمەتتەرىن ۇسىنۋدى ۇيىمداستىرۋ ماسەلەسىن پىسىقتاۋ شەڭبەرىندە قارالادى.
فابەر مىرزا بۇگىنگى تاڭدا ليۋكسەمبۋرگتە تەحنولوگيالاردى يننوۆاتسيالىق دامىتۋ باعىتىندا قازاقستاندىق كومپانيالار ءۇشىن قىزىعۋشىلىق تۋدىرۋى مۇمكىن جاڭا ەكوجۇيە قۇرىلىپ جاتقانىن حابارلادى.
كەزدەسۋ سوڭىندا باعدات مۋسين دجوردج فابەر مەن ليۋكسەمبۋرگ كومپانيالارىن وسى جىلدىڭ قىركۇيەك ايىندا نۇر-سۇلتان قالاسىندا وتەتىن «Digital Bridge-2022» فورۋمىنا قاتىسۋعا شاقىردى.
