قور باسشىسىنا ناقتى تاپسىرمالار

مەملەكەت باسشىسى نۇرسۇلتان نازارباەۆ «سامۇرىق-قازىنا» ۇاق» اق باسقارماسىنىڭ توراعاسى ومىرزاق شوكەەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا قوردىڭ قازىرگى قىزمەتىنىڭ ماسەلەلەرى, الداعى كەزەڭگە ارنالعان مىندەتتەر, سونداي-اق, مەملەكەت باسشىسىنىڭ تاپسىرمالارىن ىسكە اسىرۋ بارىسى تالقىلاندى. قازاقستان پرەزيدەنتى «سامۇ­رىق-قازىنا» اق ترانسفورماتسيالاۋ باعدارلاماسىن ازىرلەۋدى قىركۇيەككە دەيىن اياقتاۋدى, ونى قوردىڭ بارلىق كورپوراتيۆتىك ورگاندارىندا تالقىلاۋدى جانە ۇكىمەت قاراۋىنا ەنگىزۋدى تاپسىردى. سونداي-اق, نۇرسۇلتان نا­زار­باەۆ الداعى كەزدە قور بىرقاتار ور­تا جانە شاعىن كومپانيالارىن ساتۋدى بارىنشا اشىق جانە ءادىل نارىقتىق باعا بويىنشا جۇرگىزۋى ءتيىس ەكەندىگىن اتاپ ءوتتى. ءو.شوكەەۆ قوردى ترانس­فور­ما­تسيا­لاۋدىڭ كورپوراتيۆتىك ورتا­لىقتار مەن قوردىڭ ەنشىلەس كوم­پانيالارىنىڭ بيزنەسىن باسقارۋ سايا­ساتىن دا وزگەرتۋدى قامتيتىن باع­دار­لاماسىن ازىرلەۋ بارىسى تۋرالى باياندادى. بۇعان قوسا, «سامۇرىق-قازى­نا» اق باسقارما توراعاسى جەكەشە­لەن­دىرۋدىڭ جاڭا كەزەڭىنە دايىندىق اياسىندا جۇرگىزىلىپ جاتقان جۇمىستار تۋرالى ايتتى. اتاپ ايتقاندا, ول قور قۇرامىنان 200-دەن اسا كومپانيانى شىعارۋ, سونداي-اق, «كەگوك» كومپانياسىنىڭ ءوز اك­تسيا­سىنان 10%-ىن ورنالاستى­راتىن «حالىقتىق IPO» باعدارلاماسىنا قاتىسۋ جونىندەگى جوسپارلاردان حاباردار ەتتى. كەزدەسۋ قورىتىندىسىندا مەملەكەت باسشىسى بىرقاتار ناقتى تاپسىرمالار بەردى.