قاسىم-جومارت توقاەۆ رەسەي جانە قازاقستان اراسىنداعى ەكونوميكالىق ىنتىماقتاستىققا بايلانىستى بارلىق ۋاعدالاستىقتار ءوز كۇشىندە قالاتىنىن اتاپ ءوتتى.
ء«بىز ورتاق جۇمىستى جالعاستىرامىز. قازاقستان ەشقانداي جاعدايدا ءوزىنىڭ وداقتاستىق مىندەتتەمەلەرىنەن باس تارتپايدى. بۇل پەرسپەكتيۆا تۇرعىسىنان دۇرىس ەمەس جانە نەگىزسىز بولار ەدى. ويتكەنى رەسەي قازىرگى قيىندىقتاردى جەڭە الاتىنىنا سەنىمدىمىن. بۇل ۇلكەن ەل, ەكونوميكالىق الەۋەتى دە جەتكىلىكتى. وتكەن تاجىريبە كورسەتكەندەي, رەسەي توتەنشە جاعدايلاردا وتە جاقسى جۇمىس ىستەيدى. سوندىقتان مۇندا ەشقانداي كۇمان جوق. بىراق سانكتسيا ماسەلەسى دە بار. ءبىز ولاردى اينالىپ وتە المايمىز. سانكتسيالار بۇزىلعان جاعدايدا, ءبىزدىڭ ەكونوميكامىزعا قاتىستى باتىستىڭ «قايتالاما سانكتسيالارى» ەنگىزىلۋى مۇمكىن», دەدى قازاقستان پرەزيدەنتى قاسىم-جومارت توقاەۆ.
مەملەكەت باسشىسى سانكتسيالاردى بۇزباي, قاجەتتى ۋاعدالاستىقتارعا قول جەتكىزۋ ءۇشىن قازاقستان رەسەي ۇكىمەتىمەن جۇمىس جۇرگىزىپ جاتقانىن ايتتى.
«وسى نەمەسە باسقا جاعدايدى قالاي شەشۋگە بولاتىندىعىن ءتۇسىنۋ ءۇشىن ۋاقىتتى قاجەت ەتەتىن كۇردەلى سۇراقتار بار. جاعداي ەرەكشە. ءبىز ءدال وسى جاعدايدا ءومىر سۇرەمىز دەپ ەشكىم كۇتپەدى. بىراق جاعداي شىنايى. سوندىقتان ءبىز وسى شىندىقتان تۋىندايتىن ماسەلەلەردى شەشۋىمىز كەرەك», دەدى پرەزيدەنت.
