وسىلايشا, مەملەكەتتىك ءبىلىم بەرۋ تاپسىرىسى بويىنشا ءبىلىم الۋشىلارعا اي سايىنعى مەملەكەتتىك ستيپەنديانىڭ مولشەرىن مىناداي مولشەردە بەلگىلەۋ جوسپارلانۋدا:
- دايارلاۋدىڭ پەداگوگيكالىق باعىتتارىندا جانە دايارلاۋدىڭ «دەنساۋلىق ساقتاۋ» باعىتى بويىنشا وقيتىن ستۋدەنتتەردى قوسپاعاندا, جوعارى ءبىلىم بەرۋ ۇيىمدارىندا وقيتىن ستۋدەنتتەرگە - 36 660 تەڭگە (قازىرگى ۋاقىتتا – 31 423 تەڭگە);
- پەداگوگيكالىق باعىتتار بويىنشا وقيتىن ستۋدەنتتەرگە - 58 800 تەڭگە (قازىر 50 400 تەڭگە);
- «دەنساۋلىق ساقتاۋ» دايىندىق باعىتى بويىنشا وقيتىن ستۋدەنتتەرگە - 58 800 تەڭگە (قازىر 50 400 تەڭگە);
- ينتەرندەرگە - 61 660 تەڭگە (قازىر 59 289 تەڭگە);
- ماگيسترانتتارعا - 86 987 تەڭگە (76 950 تەڭگە);
- «نازارباەۆ ۋنيۆەرسيتەتىندە» وقيتىن ماگيسترانتتارعا – 162 500 تەڭگە (143 750 تەڭگە);
- دوكتورانتتارعا - 195 000 تەڭگە (172 500 تەڭگە);
- «دەنساۋلىق ساقتاۋ» دايىندىق باعىتى بويىنشا دوكتورانتتارعا - 195 000 تەڭگە – 172 500 تەڭگە);
- «دەنساۋلىق ساقتاۋ» دايارلاۋ باعىتى بويىنشا رەزيدەنت دارىگەرلەر مەن ماگيسترانتتارعا – 100 036 تەڭگە (88 494 تەڭگە);
- قر جوعارعى سوتى جانىنداعى سوت تورەلىگى اكادەمياسىنىڭ مەملەكەتتىك ورگانداردان وقۋعا جىبەرىلگەن ماگيسترانتتارىنا - سوڭعى جۇمىس ورنى بويىنشا لاۋازىمدىق جالاقى دەڭگەيىندە, بىراق مەملەكەتتىك ءبىلىم بەرۋ تاپسىرىسى بويىنشا وقيتىن ماگيسترانتتار ءۇشىن بەلگىلەنگەن مەملەكەتتىك ستيپەنديا مولشەرىنەن تومەن ەمەس;
- تەحنيكالىق جانە كاسىپتىك ءبىلىم بەرۋ ۇيىمدارىندا جۇمىسشى بىلىكتىلىكتەرى بويىنشا وقيتىن ستۋدەنتتەرگە – 21 787 تەڭگە (وزگەرىسسىز).
اتاپ وتىلگەندەي, ستيپەنديالاردىڭ جاڭا مولشەرى 2022 جىلعى 1 قىركۇيەكتەن باستاپ قولدانىسقا ەنگىزىلەدى.
بۇدان باسقا, مەملەكەتتىك ستيپەنديالاردى تولەۋدىڭ جاڭا ءتارتىبى ازىرلەندى. اشىقتىقتى قامتاماسىز ەتۋ ءۇشىن ستيپەنديا كاسساسى ارقىلى تولەنبەيدى. ولار بانكتە نەمەسە «قازپوچتا» اق-دا شوت اشقاننان كەيىن جۇزەگە اسىرىلادى.
بۇل رەتتە ستۋدەنتتەر بانكتەر مەن «قازپوچتا» اق ءتيىستى كەلىسىمدەر جاساسقاننان كەيىن شوت بويىنشا وپەراتسيالار ءۇشىن كوميسسيا تولەمەيدى.
قۇجات 29 ماۋسىمعا دەيىن اشىق نقا سايتىندا ورنالاستىرىلعان.
