«قازىرگى كەزدە قازاقستاندا قان قۇيۋ سالاسىندا جۇمىس ىستەيتىن 470-كە جۋىق مەديتسينا ۇيىمى بار. جىل سايىن بىزدە شامامەن 80 مىڭعا جۋىق ناۋقاسقا قان قۇيىلادى. ولارعا 400 مىڭعا جۋىق قان قۇيۋ پروتسەدۋراسى جۇرگىزىلەدى. ەلىمىزدە مەديتسينا ۇيىمدارى 100 پايىز قان جانە ونىڭ كومپونەنتتەرىمەن قامتاماسىز ەتىلەدى. كوبىنە قان كومپونەنتتەرى اكۋشەرلىك تاجىريبەدە, ونكو-گەماتولوگيادا, حيرۋرگيادا جانە تراۆماتولوگيادا پايدالانىلادى», دەدى ب. سارىمساقوۆ ورتالىق كوممۋنيكاتسيالار قىزمەتىندە.
ۆەدومستۆو باسشىسىنىڭ سوزىنشە, ەلىمىزدە 2 مىڭنان اسا ازامات دونور بولىپ سانالادى. سونىمەن قاتار 100-دەن اسا ادام «قۇرمەتتى دونور» اتانعان. قازاقستاندا بۇل اتاقتى الۋ ءۇشىن 40 رەت قان تاپسىرۋ كەرەك. 2005 جىلعى مامىردا وتكەن دۇنيەجۇزىلىك دەنساۋلىق ساقتاۋ اسسامبلەياسىندا الەمنىڭ دەنساۋلىق ساقتاۋ مينيسترلەرى ءوز ەركىمەن قان تاپسىرۋدى قولداۋ تۋرالى ءوتىنىشتى قابىلدادى.
«بۇل سالا مەملەكەتتىڭ قولداۋىنسىز ءوزىنىڭ ناتيجەسىن بەرمەيدى. 2008 جىلدان باستاپ ەلىمىزدە زاماناۋي 10 قان ورتالىعى قۇرىلدى. بۇل ورتالىقتار سوڭعى بۋىندى تەحنولوگيامەن قامتىلدى. تمد ەلدەرى اراسىندا قازاقستان ءبىرىنشى بولىپ قان دونورلارىنا قاتىستى ەكى كەزەڭدى سكرينينگتى ەنگىزدى. بۇل ءوز كەزەگىندە ينفەكتسيالىق اۋرۋلاردى انىقتاۋعا كومەكتەسەدى», دەدى باسقارما باسشىسى.
بۇكىلالەمدىك قان تاپسىرۋشى كۇنىن جىل سايىن ماۋسىمنىڭ 14-ىندە وتكىزىپ تۇرۋ تۋرالى قارار قابىلداندى.
