ونىڭ ايتۋىنشا, 5 ايدا قۇرىلىس سەكتورىنىڭ ءوسۋ قارقىنى جەدەلدەپ, ورىندالعان قۇرىلىس جۇمىستارىنىڭ كولەمى 8,9 پايىزعا ارتتى. كورسەتكىشتىڭ وڭ ءوسىمى 15 وڭىردە تىركەلگەن. قۇرىلىس-مونتاجداۋ جۇمىستارىنىڭ ەڭ جوعارى ءوسۋى اقمولا مەن اتىراۋ وبلىستارىندا, سونداي-اق الماتى جانە نۇر-سۇلتان قالالارىندا بايقالىپ وتىر.
«وسى جىلعى قاڭتار-مامىر ايلارىنىڭ قورىتىندىسى بويىنشا تۇرعىن ءۇيدى پايدالانۋعا بەرۋ 3,4 پايىزعا ءوسىپ, 4,7 ملن شارشى مەتردى قۇرادى. وڭ ديناميكا 13 وڭىردە تىركەلدى, ولاردىڭ اراسىندا ەڭ جوعارعى كورسەتكىش شىمكەنت قالاسىندا, سونداي-اق تۇركىستان, الماتى جانە قىزىلوردا وبلىستارىندا بايقالۋدا», دەدى ول.
مينيستر ەسەپتى كەزەڭدە اۋىل شارۋاشىلىعىنىڭ جالپى شىعارىلىمى 1,3 پايىزعا ۇلعايعانىن ايتتى.
«سالاداعى ءوندىرىستىڭ وڭ ءوسۋى 11 وڭىردە تىركەلدى. ەڭ جوعارعى ءوسۋدى ماڭعىستاۋ, سولتۇستىك قازاقستان جانە شىعىس قازاقستان وبلىستارى كورسەتتى. ەڭ تومەن كورسەتكىش قوستاناي, اقتوبە جانە باتىس قازاقستان وبلىستارىندا بايقالۋدا», دەدى الىبەك قۋانتىروۆ.
ايانا توعانبەك
