«ايلىق ينفلياتسيا ساۋىردەگى 2%-عا جانە ناۋرىزداعى 3,7%-عا قاراعاندا مامىردا 1,4%-عا باياۋلادى, بىراق ءالى دە جوعارى جانە وتكەن جىلعى كورسەتكىشتەر مەن ورتاشا جىلدىق ماندەردەن اسىپ وتىر. ايلىق ينفلياتسيانىڭ باياۋلاۋ قارقىنى ءبىر جاعىنان وڭ فيسكالدىق يمپۋلس اياسىنداعى تۇراقتى ىشكى سۇرانىستى, ەكىنشى جاعىنان جوعارى ينفلياتسيالىق كۇتۋلەردى كورسەتەدى.
جىلدىق ماندە 19%-عا جەتكەن تاماق ونىمدەرى باعاسىنىڭ ءوسۋى ەڭ كوپ ۇلەس قوسىپ وتىر. سىرتقى ينفلياتسيالىق جاعداي ازىق-ت ۇلىككە جاتپايتىن تاۋارلاردىڭ باعاسىنا جوعارى قىسىم كورسەتىپ وتىر, ولاردىڭ ءوسۋى 11,1-دەن 11,9%-عا دەيىن قارقىن الدى», دەدى عالىمجان ءپىرماتوۆ.
ونىڭ ايتۋىنشا, اقىلى قىزمەتتەردىڭ ينفلياتسياسى رەتتەلەتىن قىزمەتتەر باعاسىنىڭ وسۋىنە ەنگىزىلگەن ءموراتوريدىڭ تەجەۋشى اسەرىنە قاراماستان 8,9-دان 9,1%-عا دەيىن وسكەن.
«ۇلتتىق بانك 2022 جىلدىڭ سوڭىندا ينفلياتسيا 13-15% دەڭگەيىندە بولادى دەپ بولجايدى. بولجام تۇتىنۋ نارىقتارىنىڭ تەڭگەرىمدى دامۋىنا نازار اۋدارىلاتىن ۇكىمەتتىڭ ينفلياتسيا دەڭگەيىن باقىلاۋ جانە تومەندەتۋ جونىندەگى شارالار كەشەنىن ىسكە اسىرۋ بارىسى ەسكەرىلە وتىرىپ جاسالدى. وسى شارالار كەشەنى تابىستى ىسكە اسىرىلعان كەزدە ينفلياتسيا بولجامنىڭ تومەنگى شەگىنە دەيىن تومەندەۋى مۇمكىن.
ازىق-ت ۇلىككە جاتپايتىن تاۋارلار باعاسىنىڭ ءوسۋى ءبىرشاما جەدەلدەيدى. ول جانار-جاعارماي باعاسى رەتتەلەتىن وسىممەن تەجەلەدى. اقىلى قىزمەتتەردىڭ ينفلياتسياسى 2021 جىلدىڭ جوعارى بازاسىنا بايلانىستى باسەڭدەيدى. رەتتەلەتىن كوممۋنالدىق قىزمەتتەر باعاسىنىڭ ولاردى كوتەرۋگە موراتوري اياقتالعاننان كەيىن قىمباتتاۋ تاۋەكەلدەرىن, سونداي-اق جوعارى ينفلياتسيالىق كۇتۋلەر اياسىندا نارىقتا كورسەتىلەتىن قىزمەتتەر باعاسىنىڭ ءوسۋىن اتاپ وتەمىز.
2023 جىلى ينفلياتسيا اقشا-كرەديت ساياساتى سالاسىندا قابىلدانىپ وتىرعان شارالار, سىرتقى ينفلياتسيالىق قىسىمنىڭ بىرتىندەپ تومەندەۋى جانە ىسكە اسىرۋ جوسپارلانىپ وتىرعان كونترتسيكلدىك بيۋدجەتتىك قاعيدا اياسىندا بىرتىندەپ 7,5-9,5%-عا دەيىن باياۋلايدى.
ۇلتتىق بانك تاۋەكەلدەردىڭ قازىرگى بالانسىن ەسكەرە وتىرىپ, بيىلعى 6 ماۋسىمدا بازالىق مولشەرلەمەنى 14% دەڭگەيىندە ساقتادى. جاڭا شوكتار بولماعان جاعدايدا بازالىق مولشەرلەمەنىڭ قازىرگى دەڭگەيىن ساقتاۋ ورتا مەرزىمدى پەرسپەكتيۆادا باعانىڭ ءوسۋىن تەجەۋگە اسەر ەتەدى», دەدى ۇلتتىق بانك توراعاسى.
