وقيعا بۇگىن كەنتاۋ قالاسىندا بولدى. كۇندىزگى ساعات 12:47 شاماسىندا تولەبي كوشەسىندەگى №61 ءۇيدىڭ 5 قاباتىندا ورنالاسقان 2 بولمەلى پاتەردە ءورت شىققان. پاتەر ىشىندە قالعان ەكى ءجاسوسپىرىمنىڭ ءبىرى قورىققانىنان 5 قاباتتان سەكىرىپ كەتىپتى. وكىنىشكە وراي, ول اۋرۋحانادا كوز جۇمدى. ال, ءۇي ىشىندە قالعان 10 جاسار قىز ىستان ۋلانىپ قالعان. قازىر اناسىمەن بىرگە اۋرۋحانادا ەم قابىلداپ جاتىر.
«اكەسى ۆاحتالىق قىزمەتتە بولعان. ال, اناسى جۇمىسقا كەتكەندە ەسىكتى ق ۇلىپتاپ كەتىپتى. سودان ەكى ءجاسوسپىرىم ەسىكتەن شىعا الماي قالعان. جالپى ورتكە قارسى 9 قىزمەتكەر جۇمىلدىرىلدى» -دەيدى, كەنتاۋ قالالىق توتەنشە جاعدايلار ءبولىمىنىڭ باستىعى, ازاماتتىق قورعاۋ پودپولكوۆنيگى سەرىك تولەگەنوۆ.
مامانداردىڭ بولجامى بويىنشا ءورت ەلەكتر جۇيەسىنىڭ تۇيىقتالۋىنان نەمەسە بالالاردىڭ وتپەن ويناۋىنان شىعۋى مۇمكىن. العاشقىدا اس بولمە ورتەنگەن. كەيىن بۋداقتاعان جالىن وزگە بولمەلەرگە جايىلىپ كەتكەن.
ايانا توعانبەك
