تولەبي اۋداندىق پوليتسيا بولىمىنە اۋىل تۇرعىندارىنىڭ بىرىنەن حابارلاما كەلىپ تۇسكەن. ايەل ادام وندا ءوز تانىسىنىڭ ەسىرتكىگە ۇقساس وسىمدىك وسىرەتىندىگى تۋرالى ايتقان.
اتالعان جايتتى پوليتسيا قىزمەتكەرلەرى قر قك-ءنىڭ 300-بابى (قۇرامىندا ەسiرتكi زاتتار بار, وسiرۋگە تىيىم سالىنعان وسiمدiكتەردi زاڭسىز ەگىپ-ءوسىرۋ) بويىنشا تىركەۋگە الدى.
وسى جايتقا بايلانىستى اۋداندىق پوليتسيا قىزمەتكەرلەرىنەن جەدەل تەرگەۋ توبى قۇرىلدى. ولار كۇدىككە ىلىنگەن ازاماتتىڭ جەكە باسىن انىقتاپ, تۇرعىلىقتى مەكەنجايىنا شىقتى. پوليتسەيلەر ونىڭ ءۇيىن ءتىنتۋ كەزىندە اۋلاسىندا ءوسىپ تۇرعان ەسىرتكىگە ۇقساس وسىمدىكتى تاپتى. پوليتسەيلەر ونى ايعاقتى زات رەتىندە تاركىلەپ, ساراپتاماعا جولدادى.
ساراپتاما قورىتىندىسىنا سايكەس, اتالعان وسىمدىكتەر سورا ەسىرتكى زاتى دەپ انىقتالدى. قازىر كۇدىكتىگە قاتىستى تەرگەۋ امالدارى جۇرگىزىلىپ جاتىر. وقيعانىڭ تولىق ءمان-جايى انىقتالۋدا.
ايانا توعانبەك
