قما ەلوردالىق دەپارتامەنتى 2020-2021 جىلدار ارالىعىندا كولەڭكەلى ەكونوميكا سالاسىندا اۋىر قىلمىستار جاساعان ءبىر توپ تۇلعانى اشكەرەلەدى.
«حان ۆيتالي ۆاسيلەۆيچ باسقارعان قىلمىستىق توپ ءوز كليەنتتەرىن بيۋدجەتكە سالىق تولەۋدەن بوساتۋ ماقساتىندا باقىلاۋداعى 7 زاڭدى تۇلعانىڭ كونتراگەنتتەرىنە جالعان شوت-فاكتۋرالار جازىپ بەرگەن. ولار ءوز ارەكەتتەرىمەن مەملەكەتكە 490 ميلليون تەڭگەدەن استام سوماعا اسا ءىرى كولەمدە زيان كەلتىرگەن.
سوت باستى ايىپتالۋشى حان ۆيتاليگە قاتىستى 4 جىلعا باس بوستاندىعىنان ايىرۋعا, ال زاڭسىز اقشا جيناۋمەن اينالىسقان ەكى ادامدى شارتتى تۇردە باس بوستاندىعىنان ايىرۋعا ۇكىم شىعاردى», دەلىنگەن حابارلامادا.
قما مالىمەتىنشە, ءۇش ايىپتالۋشىعا دا ۇزاق مەرزىمگە كوممەرتسيالىق ۇيىمداردا باسشىلىق قىزمەتتەردى, ونىڭ ىشىندە شوت-فاكتۋرالاردى بەرۋگە بايلانىستى لاۋازىمداردى اتقارۋعا تىيىم سالىنعان.
تولەنبەگەن سالىقتار كامەرالدىق باقىلاۋ جانە سالىقتىق تەكسەرۋ اياسىندا بارلىق كونتراگەنتتەردەن ءوندىرىپ الىناتىنى ايتىلدى.
