قاجەتتىلىك

مەملەكەتتىك ءتىلدى ءبىلۋ – پارىز, وزگە تىلدەردى ۇيرەنۋ – ۋاقىت تالابى. راس, بۇرىندارى اۋىلدان قالاعا كەلگەن قازاق بالالارى ورىسشا بىلمەگەنىنە ناليتىن. ورىسشا ۇيرەنبەسە, ءوزىن اش قالاتىنداي سەزىنەتىن. قازىر مۇلدەم وزگەشە. كوپشىلىك ۇل-قىزدارىنىڭ اعىلشىن ءتىلىن ۇيرەنۋىن قاجەت دەپ سانايدى. سەبەبى, جەتى جۇرتتىڭ ءتىلىن ءبىلۋدى اۋەلدەن ماقسات ەتكەندەرگە بولاشاقتىڭ ەسىگى ارقاشان اشىق. قازاقستان ءۇشىن ءۇش تۇعىرلى ءتىل – ەلىمىزدىڭ باسەكەگە قابى­لەتتىلىككە ۇمتىلۋىنىڭ العاشقى باسپالداعى. ويتكەنى, بىرنەشە تىلدە ەركىن سويلەي دە, جازا دا بىلەتىن قازاقستاندىقتار ءوز ەلىندە دە, شەتەلدەردە دە باسە­كە­گە قابىلەتتى جانعا اينالادى. اتاپ ايتارلىعى, كوپۇلتتى قازاقستاننىڭ جاعدايىندا «ءۇش تۇعىرلى ءتىل» ۇلتتىق جوباسى قوعامدىق كەلىسىمدى نىعايتۋدىڭ نەگىزگى فاكتورى بولىپ سانالادى. بۇگىنگى تاڭدا اعىلشىن ءتىلىن ۇيرەنۋ – عالامدىق اقپاراتتار مەن يننوۆاتسيالاردىڭ اعىنىنا ىلەسۋ دەگەن ءسوز. وعان قوسا, اعىلشىن ءتىلىن وتە جاقسى مەڭگەرسەڭ – الەم­­دەگى ەڭ ۇزدىك, ەڭ بەدەلدى كەز كەلگەن جوعارى وقۋ ورىندارىندا ءبىلىم الۋعا مۇمكىندىگىڭ بولادى. ءتىپتى, وقۋىڭدى بىتىرگەن سوڭ, شەتەلدە قالىپ, تاجىريبە الساڭ دا تاماشا مۇمكىندىك. ەڭ باستىسى, اعىلشىن ءتىلىن ءبىلۋ – بۇل ىسكەرلىك قارىم-قاتىناس جاساۋدىڭ جانە الەمنىڭ كەز كەلگەن ەلىندە بيزنەسپەن اينالىسۋدىڭ قۇرالى. قازاق­ستانداعى ءۇش تۇعىرلى ءتىل سايا­ساتى – ەلىمىزدى, ونىڭ الەۋەتىن ودان ءارى نىعايتۋعا باعىتتالعان تۇتاس تۇجىرىمداما. ءىس جۇزىندە ءتىل­دەردىڭ ءۇش تۇعىرلى يدەياسى باسەكەگە قابىلەتتى ەلىمىزدىڭ ۇلتتىق يدەو­لوگياسىنىڭ ءبىر بولىگى بولىپ تا تابىلادى. جالپى, ءۇش تۇعىرلى تiل سايا­سا­تى زامان تالاپ ەتىپ وتىرعان قا­جەتتiلiك دەپ ەسەپتەپ, ونى يگەرۋدەن شەت قالماۋىمىز كەرەك. مەكتەپ باعدارلاماسىنا اعىلشىن تiلiن ەنگiزۋ, اسiرەسە, iرگەلi عىلىمعا باس­تايتىن پاندەردi اعىلشىن تiلiندە وقىتۋ ۇلتتى قانداي باسەكەدە بولسىن ۇتىسقا جەتەلەيتiن ۇتىمدى نۇسقا دەپ ويلايمىز. بiلiم مەن عىلىمنىڭ, ەكونوميكانىڭ, بيز­نەستiڭ, ساياساتتىڭ, جالپى باسە­كەلەستiكتiڭ قارىشتاپ دامىپ وتىرعان بۇگiنگiدەي جاھاندانۋ كەزەڭiندە ەلباسى كورەگەندiك تانىتىپ, الدىمىزعا ءۇش تiلدi بiلۋ قاجەتتiگiن قويىپ وتىر. اسiرەسە, وسكەلەڭ ۇرپاق – جاستار الدىندا بiرنەشە تiل بiلۋ مiندەتi تۇر. ولاي بولسا, ەل ازاماتتارىنىڭ پارىزى – انا ءتىلىن قادىرلەي وتىرىپ, وزگە ءتىلدى بىلۋگە ۇمتىلۋ ۋاقىت تالابى دەپ بiلەمiز. ەڭلىك جاكۋلين, ءال-فارابي اتىنداعى قازۇۋ جۋرناليستيكا فاكۋلتەتىنىڭ 2-كۋرس ستۋدەنتى.