كەشكە كوشەگە شىقساڭىز, ماساعا تالانباي قايتۋىڭىز مۇمكىن ەمەس, دەپ شاعىمدانادى اتىراۋ تۇرعىندارى. بۇل تۋرالى «موي گورود» حابارلايدى.
جادىرا ەسىمدى تۇرعىن كوشەگە قاجەت بولعان جاعدايدا عانا شىعاتىنىن ايتادى.
اتىراۋ قالالىق اكىمدىگىنىڭ مالىمەتىنشە, قالادا ماسالاردى جويۋعا 70 ملن تەڭگە بولىنگەن.
دەزينفەكتسيا جونىندەگى ءىس-شارالار ءبىرىنشى كەزەكتە قالاداعى 1100-دەن استام كوپ پاتەرلى ۇيلەردىڭ جەرتولەلەرى مەن كىرەبەرىستەرىنە, بالالار الاڭدارى مەن اۆتوبۋس ايالدامالارىنا, ساياباقتاردا, سونداي-اق قالا ماڭىنداعى اۋىلدارعا قاتىستى جۇرگىزىلەدى.
قازىرگى ۋاقىتتا ماسالاردىڭ كوبەيۋىنە بايلانىستى جاندىكتەرمەن كۇرەسۋ ءۇشىن شۇعىل شارالار قابىلداندى, بۇرىن قولدانىلعان حيميكاتتار باسقاسىمەن اۋىستىرىلدى. التى بريگادا دەزينفەكتسيامەن اينالىسادى, بىراق ازاماتتاردان كەلىپ ءتۇسىپ جاتقان شاعىم كوپ بولعاندىقتان, 10 بريگادا شىعارايىق دەپ وتىرمىز», دەدى اتىراۋ قالالىق اكىمدىگى
سونداي-اق, اكىمدىكتەگىلەر تەندەر بويىنشا ماسالار مەن شىبىن-شىركەيلەردىڭ كوزىن جوياتىن مەردىگەر انىقتالىپ قويعانىن جەتكىزدى.
