الماتى وبلىسىنىڭ اكىمى بولىپ مارات سۇلتانعازيەۆتىڭ تاعايىندالۋىنا بايلانىستى ەڭبەكشىقازاق اۋدانىنىڭ اكىمى قۋات سۇلتانعازيۆ ءوز ءوتىنىشى بويىنشا قىزمەتىنەن بوساتىلدى, دەلىنگەن الماتى وبلىسى اكىمدىگىنىڭ ءباسپاسوز قىزمەتى تاراتقان حابارلامادا.
ايتا كەتسەك, قۋات ەلەۋسىز ۇلى سۇلتانعازيەۆ اتالعان اۋدانعا باسشى بولىپ بيىل اقپان ايىندا عانا تاعايىندالعان بولاتىن.
قۋات ەلەۋسىز ۇلى سۇلتانعازيەۆ 1975 جىلى تۋعان.
ءبىلىمى جوعارى. قازاق مەملەكەتتىك اگرارلىق ۋنيۆەرسيتەتىن بۋحگالتەرلىك ەسەپ جانە اۋديت ماماندىعى بويىنشا بىتىرگەن.
ەڭبەك جولىن ەڭبەكشىقازاق اۋدانى بويىنشا سالىق باسقارماسىنىڭ ينسپەكتورى, باس ينسپەكتورى بولىپ باستادى.
ءار جىلداردا «كازكوممەرتسبانك» اق شەلەك فيليالىنىڭ مەنەدجەرى, جەتەكشى مەنەدجەرى, ءبولىم باسشىسى, ديرەكتوردىڭ ورىنباسارى, شەلەك اۋىلىندا «بيك Service», الماتى قالاسىندا «Vita trans» جشس-لارىنىڭ ديرەكتورى, «باتتال» شارۋا قوجالىعىنىڭ جەتەكشىسى, «اۋىل شارۋاشىلىعىن قارجىلاي قولداۋ قورى» اق الماتى وبلىستىق فيليالىنىڭ ديرەكتورى بولدى.
2020 جىلدىڭ اقپانىنان 2022 جىلدىڭ اقپانىنا دەيىن «اگرارلىق نەسيەلىك كورپوراتسيا» اق الماتى قالاسى فيليالىنىڭ ديرەكتورى قىزمەتىن اتقاردى.
