جارالانعان جاندار اۋرۋحاناعا جەتكىزىلدى. 22 جاستاعى جۇرگىزۋشى الدىندا كەلە جاتقان كولىكتى باسىپ وزباق بولعاندا كولىك تىزگىنىنە يە بولا الماي جولدان شىعىپ كەتىپ, اۋدارىلىپ قالادى. سونىڭ سالدارىنان اۆتوكولىك ورتەنىپ, تولىعىمەن جانىپ كەتتى. سونداي-اق مامىر ايىنىڭ سوڭعى كۇندەرىندە اققايىڭ اۋدانىندا نۇر-سۇلتان قالاسىنىڭ 28 جاستاعى تۇرعىنى دا بۇرىلىستا تىزگىنگە يە بولا الماي, اۋدارىلىپ قالدى. ول العان جاراقاتتاردان وقيعا ورنىندا كوز جۇمدى. 8 ماۋسىم كۇنى قىزىلجار اۋدانىندا «چەليابى-ءنوۆوسىبىر» اۆتوجولىندا «Toyota Corolla» جانە «ۆاز 2114» اۆتوكولىكتەرى سوقتىعىستى.
وسىنداي وقيعالاردىڭ جيىلەۋىنە بايلانىستى پوليتسەيلەر جول ۇستىندە ساق بولۋعا, الىس جولعا شىعاردا قاۋىپسىزدىككە جاۋاپكەرشىلىكپەن قاراۋعا, جول ءجۇرىسى قاعيدالارىن قاتاڭ ساقتاۋعا شاقىرادى. «جول ءجۇرىسى قاعيدالارىن ەلەمەۋ وسىنداي جاعدايلارعا الىپ كەلۋى مۇمكىن. ءار مانەۆردى ەرەكشە ساقتىقپەن جاساۋ قاجەت», دەيدى پد جەرگىلىكتى پوليتسيا قىزمەتى باسقارماسىنىڭ باستىعى, پوليتسيا پولكوۆنيگى ايدىن بايماتوۆ.
جالپى, سولتۇستىك قازاقستان جولدارىندا بەس ايدا جىلدامدىق رەجىمىن ساقتاماۋ سالدارىنان 7 جول-كولىك وقيعاسى ورىن الىپ, 1 ادام قازا تاۋىپ, 8 ادام جاراقاتتار الدى. 15 جول-كولىك وقيعاسىندا جۇرگىزۋشىلەر مانەۆردىڭ قاۋىپسىز ەكەنىنە كوز جەتكىزبەۋ سالددارىنان 5 ادام كوز جۇمىپ, 26 ادام جاراقاتتاندى.
