قورعانىس مينيسترلىگىنىڭ مالىمەتىنشە, ىرگەلى قۇجاتتى جاڭا شىندىققا بەيىمدەۋگە باعىتتالعان قازىرگى اسكەري دوكترينا قايتا جۇكتەلۋدە.
اتاپ ايتقاندا, دوكترينا «داعدارىس جاعدايى» تۇسىنىگىن ەنگىزەدى – ەل اۋماعىندا نەمەسە ونىڭ جەكەلەگەن ايماقتارىندا الەۋمەتتىك, توتەنشە جاعدايلاردىڭ تۋىنداۋىنا بايلانىستى مەملەكەتتىڭ قالىپتى جۇمىس ىستەۋىنىڭ بۇزىلۋىمەن بايلانىستى جاعداي.
سونىمەن قاتار رەزەرۆتە اسكەري قىزمەت وتكەرۋ قاراستىرىلعان. بۇل اسكەري دايىندىقتان جانە زاپاستاعى جاۋىنگەرلەردى ارنايى دايارلاۋدان تۇراتىن اسكەري قىزمەتتىڭ ەرەكشە ءتۇرى ەكەنى ايتىلادى.
سونداي-اق قازاقستان رەسپۋبليكاسىنا اسكەري قاۋىپ ءتوندىرۋى مۇمكىن نەگىزگى جاعدايلارعا قاتىستى تارماق قوسىلدى.
بۇلاردى: حالىقارالىق قاتىناستاردىڭ جالپى كۇردەلەنۋى اياسىندا جاھاندىق جانە ايماقتىق دەڭگەيدە ەكونوميكالىق جانە ساياسي ىقپال ەتۋ سالالارىن كەڭەيتۋ ماقساتىندا الەمدىك جانە ايماقتىق دەرجاۆالار اراسىنداعى شيەلەنىستىڭ كۇشەيۋى رەتىندە قاراستىرۋ ۇسىنىلادى.
سونداي-اق اسكەري قاۋىپ تۋدىرۋى مۇمكىن جاعدايلار قاراستىرىلادى:
اقپاراتتىق-ناسيحاتتىق ءىس-شارالاردى, اتاپ ايتقاندا, مەملەكەتتەگى جاعدايدى تۇراقسىزداندىرۋعا, حالىقارالىق ارەنادا جاعىمسىز فون جاساۋعا باعىتتالعان اقپاراتتىق وپەراتسيالاردى (كيبەرشابۋىلدار) جۇرگىزۋ;
رەسپۋبليكانىڭ جانە شەكتەس مەملەكەتتەردىڭ اۋماعىندا دەسترۋكتيۆتى ەلەمەنتتەردى جاسىرىن دايىنداۋ;
عارىش كەڭىستىگىندە باسىمدىق ءۇشىن كۇرەستىڭ كۇشەيۋى;
شەكارا قاۋىپسىزدىگىنە اسەر ەتەتىن مەملەكەتتىك شەكاراداعى جاعداي.
سونىمەن قاتار اسكەري اقپاراتتاندىرۋ وبەكتىلەرىندە زاماناۋي پرواكتيۆتى اقپاراتتى قورعاۋ جۇيەسىن قالىپتاستىرۋعا باعىتتالعان تەحنيكالىق جانە كادرلىق الەۋەتتى دامىتۋ بويىنشا جۇيەلى جۇمىس جۇرگىزۋ جوسپارلانۋدا.
قۇجات اشىق نقا ۆەب-سايتىندا 24 ماۋسىمعا دەيىن ورنالاستىرىلعان.
