ستريتبول

باسكەتبولدىڭ بۇل ءتۇرى ۇمىتكەرلەرگە نە بەرەدى؟

قازاقستاندىقتاردىڭ وليم­پيادالاردا جارقىراي كوزگە ءتۇ­سۋى­نە تاعى ءبىر مۇمكىندىك تۋىپ تۇر. ول ءۇشىن بۇگىنگى تاڭدا ەلى­مىزدە كوشە باسكەتبولىن ءجۇ­يەلى تۇردە جاڭعىرتۋ قاجەت. ويتكەنى, سپورتتىڭ وسىناۋ ءتۇرى جاسوسپىرىمدەر اراسىندا وتەتىن وليمپيا ويىندارىنا كىردى. بيىل ءبىرىنشى رەت قازاقستان ستريتبولشىلار قۇراماسى 18-26 تامىز ارالىعىندا قى­تاي­دىڭ نانكين قالاسىندا وتە­تىن جاسوسپىرىمدەردىڭ جازعى وليم­پيا ويىندارىنا قاتىساتىن بولادى. ەندىگى جەردە ەلىمىزدىڭ ءار قيىرىنداعى كاسىپقوي باسكەتبولشىلار مەن اۋەسقويلار قۇرعان قازاقستان ستريتبول ليگاسى (SLK) كوشە باسكەتبولىن الەمدىك دەڭگەيگە كوتەرۋگە كۇش سالۋدا. جانە بۇل وسى ۋاقىتقا دەيىن جۇيەلى تۇردە جاسالعان جۇمىستاردىڭ جالعاسى دەپ ءبىلۋ كەرەك. سونىمەن, ەلدەگى ستريتبولدى ورنىنان قوزعاپ, وليمپيا ويىندارى دارەجەسىنە دەيىن كوتەرۋ مەن قارجىلاندىرۋ ءۇشىن كەشەندى شارالار اتقارىلا باستادى. حالىقارالىق ستريتبول فەدەراتسياسىمەن (FIBA 3x3) جاسالىنعان جۇمىستاردىڭ العاش­قى ناتيجەسى بار. سونىمەن, العاشقى FIBA 3x3 ستريتبولى ەرەجەلەرىنە سايكەس تۇڭعىش ىرىكتەۋ ويىندارى الماتىدا 19 ساۋىردە باستالىپ تا كەتتى. تۋرنيرگە 1996-1997 جىلى تۋعان, سپورت مەكتەپتەرىندەگى, سپورت سەكتسيالارى مەن اۋلالارداعى اۋەسقوي باسكەتبول ويىندارىنا قاتىسىپ جۇرگەن 16 كوماندا قاتىسىپ, ءبىرىنشى ورىندى – «ت.ي.م.ا.», ەكىنشى ورىندى – «دجازمەندەر», ءۇشىنشى ورىندى – «پوچتي زا 2 مەترا» كوماندالارى جەڭىپ الدى. مۇنداي تۋرنير ەندى مامىر ايىندا اقتاۋ قالاسىندا, ماۋسىم ايىندا استانادا وتەدى. قازاقستان ستريتبول ليگاسى الداعى ۋاقىتتا اي سايىن, ەڭ كەمى ءبىر قالادا سپورتتى سۇيەتىندەردىڭ جاسىنا, جىنىسىنا, كاسىپقويلىعى مەن بويىنا, الەۋمەتتىك مارتەبەسىنە  بولمەيتىن سپورتتىڭ وسىناۋ, ەڭ دەموكراتيالىق ءتۇرى بويىنشا تۋرنيرلەر وتكىزۋدى كوزدەپ وتىر. ايناش ەسالي, «ەگەمەن قازاقستان». الماتى. –––––––––––––– سۋرەتتە: الماتىداعى ىرىكتەۋ ءتۋرنيرى.