كونفەرەنتسيا وزبەكستان مينيسترلەر كابينەتى قۇزىرىنداعى ۇلتارالىق قاتىناستار جانە شەت مەملەكەتتەرمەن دوستىق بايلانىستار كوميتەتى توراعاسى رۋستامبەك كۋربانوۆ پەن م. ۇلىقبەك اتىنداعى وزبەكستان ۇلتتىق ۋنيۆەرسيتەتىنىڭ عىلىمي جۇمىستار جانە يننوۆاتسيالار بويىنشا پرورەكتورى حيكمات سابۋروۆتىڭ كىرىسپە سوزدەرىمەن باستالدى.
بۇل شاراعا قازاقستاننان كەلگەن «وتانداستار قورى» قەاق نىڭ دەلەگاتسياسى مەن قازاقستانداعى م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ رەكتورى جانە وزبەكستان ۇلتتىق ۋنيۆەرسيتەتىنىڭ قۇرامىنداعى دوتسەنتتەر قاتىستى.
ۇيىمداستىرىلعان كونفەرەنتسيادا «ورتالىقتىڭ 30 جىلدا اتقارعان يگى شارالارى», «قازاقستان مەن وزبەكستان اراسىنداعى ىڭتىماقتاستىقتىڭ كەلەشەگى», «قازاقستان حالىقتارى اسسامبلەياسىنىڭ ۇلتارالىق قاتىناستاردى دامىتۋداعى ءرولى» مەن «شەت مەملەكەتتەرمەن دوستىق بايلانىستاردا قانداستاردىڭ ورنى» اتتى تاقىرىپتار قوزعالدى.
جيىن بارىسىندا «وتانداستار قورى» قەاق-نىڭ پرەزيدەنتى ابزال ساپاربەك ۇلى قازاق ۇلتتىق مادەني ورتالىعىن 30 جىلدىق مەرەيتويىمەن قۇتتىقتاپ, بارشا وزبەك اعايىندارعا ءوز العىسىن ءبىلدىردى.
ايانا توعانبەك
