پارلامەنت • 09 ماۋسىم، 2022

ساقتاندىرۋ مەن باعالى قاعازدار نارىعى تۋرالى زاڭ جوباسى ماجىلىسكە قايتارىلدى

15 رەت كورسەتىلدى

پارلامەنت سەناتى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساقتاندىرۋ نارىعىن جانە باعالى قاعازدار نارىعىن رەتتەۋ مەن دامىتۋ، بانك قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭىن ماجىلىسكە قايتاردى، دەپ حابارلايدى Egemen.kz.

بۇگىنگى سەنات وتىرىسىندا اتالعان زاڭ جوباسىن قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆا وقىعان ەدى. زاڭ جوباسىندا قازاقستاننىڭ 5 كودەكسىنە جانە 35 زاڭىنا وزگەرىستەر ەنگىزۋ كوزدەلەدى.

«زاڭ جوباسى جاڭا ونىمدەردى ەنگىزۋ، قىزمەتتەردى ودان ءارى تسيفرلاندىرۋ، تۇتىنۋشىلار مەن ينۆەستورلاردىڭ قۇقىعىن قورعاۋ ساپاسىن ارتتىرۋ ارقىلى ساقتاندىرۋ جانە بانك سەكتورلارىن، سونداي-اق باعالى قاعازدار نارىعىن دامىتۋعا ىقپال ەتەدى. ونى تالقىلاۋ جانە ونى ەكىنشى وقىلىمعا دايىنداۋ بارىسىندا مىناداي وزگەرىستەر مەن تولىقتىرۋلار ەنگىزۋ قاجەتتىگى تۋىندادى. بىرىنشىدەن، زاڭ جوباسى ارقىلى ازاماتتىق كودەكسكە (جالپى ءبولىم) «قامتاماسىز ەتۋ تولەمى» ۇعىمى ەنگىزىلەدى، وندا مىندەتتەمەلەر اقشامەن نەمەسە باعالى قاعازدارمەن قامتاماسىز ەتىلگەن. شارتتى ءادىل ورىنداعان كەزدە وتەماقى ءتيىستى مىندەتتەمەنى ورىنداۋ ەسەپشوتىنا اۋدارىلۋى نەمەسە قايتارىلۋى مۇمكىن. وعان قايتارۋ مەحانيزمى ناقتىلاناتىن تولىقتىرۋ ەنگىزۋ ۇسىنىلادى»، دەدى سەنات دەپۋتاتى جەڭىس نۇرعاليەۆ سەنات وتىرىسىندا.

ەكىنشى تولىقتىرۋدا زاڭ جوباسىندا ساقتاندىرۋ ومبۋدسمەنىنىڭ سوتقا دەيىنگى رەتتەۋى كوزدەلەدى. بۇل رەتتە زاڭدى تۇلعالار قاتىساتىن داۋلاردىڭ، سونداي-اق تالاپتار سوماسى 10 مىڭ اەك-تەن اساتىن داۋلاردىڭ ەداۋىر بولىگى ساقتاندىرۋ ومبۋدسمەنىنىڭ قۇزىرەتىنەن تىس بولادى.

جوعارىدا كورسەتىلگەن شەكتەۋدى الىپ تاستاۋ جانە بارلىق ساقتاندىرۋ داۋلارى بويىنشا زاڭدا كوزدەلگەن ءتارتىپ پەن شارتتاردىڭ ساقتالۋىن ەسكەرە وتىرىپ، سوتقا جۇگىنۋ قۇقىعىن كوزدەۋ ۇسىنىلادى.

«ۇشىنشىدەن، زاڭ جوباسىندا اكتسيونەرلەردىڭ قوعام قىزمەتى تۋرالى اقپارات الۋ جونىندەگى قۇقىقتارى رەگلامەنتتەلەدى. بارلىق اكتسيونەرلەر ءۇشىن تەڭ جاعداي جاساۋ ماقساتىندا ءوتىنىش بەرىلەتىن كۇنگە دەيىن 12 ايدان ەرتە ەمەس ۋاقىتتا قوعامنىڭ اكتسيونەرى بولعان ادامدار ءۇشىن شەكتەۋدى الىپ تاستاۋ ۇسىنىلادى. تورتىنشىدەن، زاڭ جوباسىندا كولىك وقيعاسى كەزىندە ساقتاندىرۋ جاعدايىن رەتتەۋدىڭ جەڭىلدەتىلگەن ءتارتىبى كوزدەلگەن. جول-كولىك اپاتىن ساقتاندىرۋ كومپانياسىنىڭ اقپاراتتىق جۇيەسى جانە دەرەكتەر بازاسىن قالىپتاستىرۋ مەن جۇرگىزۋ جونىندەگى ۇيىمنىڭ اقپاراتتىق جۇيەسى ارقىلى راسىمدەۋ ءتارتىبىن ناقتىلاۋ ەنگىزىلەدى»، دەيدى دەپۋتات.

بەسىنشىدەن، زاڭ جوباسىندا جەكە تۇلعالار بولىپ سانالاتىن قارجى نارىعىنىڭ قاتىسۋشىلارىنا (ەميتەنتتەر، ينۆەستورلار) قاتىستى ۋاكىلەتتى ورگاننىڭ ىقپال ەتۋ جانە قاداعالاۋ شارالارى كوزدەلگەن. قولدانىستاعى رەداكتسيادا بۇل ەرەجە اتالعان شارالاردى تەك زاڭدى تۇلعالارعا قولدانۋدى قاراستىردى. جەكە تۇلعالارعا شەكتەۋلى ىقپال ەتۋ شارالارىن، قاداعالاۋ شارالارىن قولدانۋ ءتارتىبىن ايقىنداۋ بولىگىندە ۋاكىلەتتى ورگان باسقارماسىنىڭ وكىلەتتىكتەرىنە ءتيىستى وزگەرىستەر ەنگىزۋ ۇسىنىلادى.

«التىنشى تۇزەتۋ قولدانىستاعى «مەملەكەتتىك ءبىلىم بەرۋ جيناقتاۋ جۇيەسى تۋرالى» زاڭدا سالىمشى 3 جىل وتكەن سوڭ وقۋدان شىعارىلعان جاعدايدا مەملەكەتتىڭ سىيلىقاقىنى قايتارىپ الۋىن كوزدەيدى. سالىمشى وقۋدان شىعارىلعاننان كەيىن 3 جىلدا ءبىلىم بەرۋ ۇيىمىنا قايتا قابىلدانعان نە باسقا ۇيىمعا وقۋعا تۇسكەن جاعدايلاردا ەسەپتەلگەن سىيلىقاقىنى قايتارۋ مىندەتىنەن بوساتىلاتىنداي تۇزەتۋ ۇسىنامىز.

بۇدان باسقا زاڭ نورمالارىن قولدانىسقا ەنگىزۋدى كوزدەيتىن 2-باپقا وزگەرىستەر ەنگىزۋ قاجەت. باياندالعاندى ەسكەرە وتىرىپ، قر كونستيتۋتسياسىنىڭ 61-بابىنىڭ 5-تارماعىنا سايكەس، قارجى جانە بيۋدجەت كوميتەتى پارلامەنت ماجىلىسىنە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساقتاندىرۋ نارىعىن جانە باعالى قاعازدار نارىعىن رەتتەۋ مەن دامىتۋ، بانك قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭى جوباسىنا وزگەرىستەر مەن تولىقتىرۋلار جىبەرۋدى ۇسىنادى»، دەدى جەڭىس نۇرعاليەۆ.

ءوز كەزەگىندە سەنات توراعاسى ماۋلەن اشىمباەۆ بۇل زاڭ جوباسى ساقتاندىرۋ مەن باعالى قاعازدار نارىعىن جانە بانك قىزمەتى سالاسىن رەتتەيتىن زاڭنامالىق بازانى ودان ءارى جەتىلدىرۋدى كوزدەيتىنىن ايتتى. «سوعان بايلانىستى، زاڭ جوباسىندا وسى سالادا جاڭا ونىمدەردى ەنگىزۋ، جەكەلەگەن تالاپتاردى وڭتايلاندىرۋ جانە قىزمەتتەردى تسيفرلاندىرۋ سياقتى نورمالار قاراستىرىلعان. تۇتىنۋشىلار مەن ينۆەستورلاردىڭ قۇقىقتارىن قورعاۋ ساپاسىن ودان ءارى ارتتىرۋعا ارنالعان قوسىمشا تەتىكتەر دە بار. سونىمەن قاتار سەنات زاڭ جوباسىنىڭ كەيبىر نورمالارىن قايتا قاراۋدى ۇسىنىپ وتىر. بۇل تۇزەتۋلەر زاڭ جوباسىنداعى جەكەلەگەن قۇقىقتىق تەتىكتەردى جەتىلدىرۋگە باعىتتالعان. زاڭ جوباسى قابىلدانعاننان كەيىن وتاندىق ساقتاندىرۋ جۇيەسىنىڭ، باعالى قاعازدار نارىعىنىڭ جانە بانك قىزمەتىنىڭ دامۋى ءۇشىن قولايلى ورتا قالىپتاستىرۋعا وڭ ىقپال ەتەدى دەپ سەنەمىز»، دەدى ماۋلەن اشىمباەۆ.



 

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار