وبلىستىق سوتتىڭ ءباسپاسوز قىزمەتىنىڭ مالىمەتى بويىنشا, ايىپتالۋشى ءوزىنىڭ قىزمەتتىك جاعدايىن پايدالانا وتىرىپ, مەكەمەدە جازاسىن وتەپ جاتقان سوتتالعان ادامنىڭ جازاسىن وتەۋ رەجيمىن جەڭىلدەتكەنى جانە شارتتى تۇردە مەرزىمىنەن بۇرىن بوساتۋ نەمەسە جازانىڭ نەعۇرلىم جەڭىل تۇرىنە اۋىستىرۋعا جەكە قامقورلىعى ءۇشىن 400 مىڭ تەڭگە مولشەرىندەگى اقشالاي قاراجاتىن الداۋ جولىمەن يەمدەنگەن.
«سوت جارىسسوزدەرىندە پروكۋرور ايىپتالۋشىنى قىلمىستاردىڭ جيىنتىعى بويىنشا 4 جىلعا باس بوستاندىعىنان ايىرۋدى تاعايىنداۋدى, ال جابىرلەنۋشى ايىپتالۋشىنى باس بوستاندىعىنان ايىرماۋدى سۇرادى. سونداي-اق ايىپتالۋشى دا كىناسىن تولىق مويىنداپ, باس بوستاندىعىنان ايىرماۋدى ءوتىندى», دەيدى ءباسپاسوز قىزمەتىندە.
مۇنداي ارەكەت ءۇشىن زاڭدا ايىپپۇل نەمەسە باس بوستاندىعىنان ايىرۋ جازاسى قاراستىرىلعان.
ايىپتالۋشى بۇرىن سوتتالماعان, ءوز كىناسىن تولىق مويىنداپ, جاساعان ىسىنە وكىندى جانە جابىرلەنۋشىگە 400 مىڭ تەڭگە كولەمىندە اقشاسىن وتەگەن. اسىراۋىندا ءۇش جاس بالاسى بار.
جەڭىلدەتەتىن جانە اۋىرلاتاتىن ءمان-جايلاردى, كىشكەنتاي بالالارىنىڭ بولۋىن جانە جابىرلەنۋشىگە كەلتىرىلگەن زالالدى وتەۋدى ەسكەرە وتىرىپ, سوت ايىپتالۋشىعا قىلمىستار جيىنتىعى بويىنشا باس بوستاندىعىنان ايىرۋ تۇرىندەگى جازانى 3 جىل 6 اي مەرزىمگە تاعايىندادى.
سونداي-اق ايىپتالۋشى «ادىلەت پودپولكوۆنيگى» ارناۋلى اتاعىنان جانە ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى.
ۇكىم زاڭدى كۇشىنە ەنگەن جوق.
