ونەر • 08 ماۋسىم, 2022

كەنەپتەگى كەسەك بەينەلەر

780 رەت
كورسەتىلدى
2 مين
وقۋ ءۇشىن

قانات شۇكىربەكوۆ شىعارمالارىنىڭ باستى كەيىپكەرلەرى – جارقىن بولاشاققا سەنگەن, سول ارقىلى تاريح بارىسىن وزگەرتىپ, تۋعان حالقىنىڭ شىنايى قۇندىلىقتارىن جىرلاعان ءبىرتۋار تۇلعالار.

كەنەپتەگى كەسەك بەينەلەر

سۋرەتشى كوپ جىلدار بويى قازاق زيالىلارىنىڭ, ۇلت با­تىرلارىنىڭ پورترەت­تەر توپتا­ماسىن ومىرگە اكەل­دى. وسى جۇ­مىستاردىڭ ىشى­نەن اباي قۇنان­­باي ۇلى, مۇح­تار اۋەزوۆ, شا­كارىم قۇداي­بەردى ۇلى, جام­بىل جاباەۆ پورترەتتەرىن ەرەكشە اتاپ وتك­ەن ءجون. پورترەت­تەگى ستيل شارت­تىلىقتان اۋلاق. ونەر يەسى كە­يىپكەرلەرىنىڭ پلاس­تي­كالىق سيپاتتاماسىن جان-جاق­تى كورسەتۋگە ۇمتىلادى.

ءابىلحان قاستەەۆ اتىنداعى ونەر مۋزەيىندە كورەرمەنگە جول تارتقان ء«ومىر – ونەر جولى» كورمەسىنە تۋىندىگەردىڭ 60-تان استام گرافيكالىق جانە كەسكىندەمەلىك مانەردە ورىن­دالعان كەڭ تىنىستى شىعار­مالارى قويىلعان.

– قانات شۇكىربەكوۆتىڭ تۋىن­دى­لارى جارقىن, قانىق بوياۋمەن, جاندى, تەمپەرا­مەنت­تى جازۋ مانەرىمەن, پىشىندەردىڭ جەڭىل فاكتۋرالى وڭدەلۋىمەن سيپاتتالادى. ول قازاق ۇلتتىق بەينەلەۋ ونەرىنىڭ ۇزدىك داس­تۇر­لەرىنە نەگىزدەلگەن جاڭا وبراز­دار جاساۋدىڭ شەبەرى. شى­­عار­ماشىلىعى ارقىلى ءبىز سۋرەت­شىنىڭ ءوز ەلىنىڭ تاريحىنا, حال­قىنا دەگەن شىنايى سۇيىس­پەنشىلىگىن, قازاقستاننىڭ بو­لاشاعىنا بەيجاي قاراماي­تىنىن بايقايمىز. قىل­قا­لامداعى تاريحي سيۋجەتتەر ءدرا­ماتيزمنىڭ ەرەكشە رۋحىنا جانە بولىپ جاتقان وقيعالاردىڭ شىندىق سەزىمىنە تولى. بۇل جانر­لىق شىعارمالارداعى كەيىپ­كەرلەر مۇمكىندىگىنشە تا­بيعي ءارى تۇل­عالىق, الەۋمەتتىك جانە رۋحاني قۇندىلىقتارىمەن كەس­كىن­دەلگەن. اۆتوردىڭ «كەر زامان», «بۇركىت ۇستاعان اڭ­شى», «جەر-انا», «الاكول», «الاش­تىڭ ار­مانى», «ارىستان باب», «ال­تىن كۇز» سەكىلدى كوركەم كەس­كىن­دە­مەلىك تۋىندىلارى ونىڭ باي شىعارماشىلىق الەۋە­تىن كور­سەتەدى, – دەيدى كور­مە جەتەك­شىسى, ونەرتانۋشى عا­ليا ءالي.

ەكسپوزيتسيادا بۇگىنگى قو­عام تىنىسى, ادامداردىڭ قا­را­پايىم تىرشىلىگى, شىنايى دوستىق پەن ادال ماحابباتتى دا­رىپتەگەن سۋرەتتەر كوڭىلگە جىلۋ سىيلايدى. سۋرەتشى ءوزى كور­گەن-تۇيگەن اسەرلەردى سەزىم­مەن جانداندىرىپ, قۋاتتى يدەيا مەن اسەرلى جەتكىزەدى. ول تۇسپەن, كەڭىستىكپەن جانە سى­زىق­پەن باتىل جۇمىس ىستەيدى. باي قانىق تۇستەر گامماسىندا قا­زاق دالاسىنىڭ تاڭعاجايىپ تابيعاتىن, ونىڭ زاتتىق الەمىن بەي­نەلەيتىن پەيزاجدار مەن ناتيۋرمورتتار كورمە قۇندىلىعىن ارتتىرا تۇسكەن.

سۋرەتشى كىتاپ يلليۋستراتسياسى سالاسىندا دا ءوزىنىڭ ايشىقتى قولتاڭباسىن قالىپتاستىرا ءبىلدى. ول «ونەر», «اتامۇرا», «مەكتەپ», «جازۋشى» باسپالارىمەن تىعىز بايلانىس ورناتا ءجۇرىپ, كوپتەگەن بالالار كىتاپتارىن ءتۇرلى ءتۇستى گرافيكا تەحنيكاسىندا بەزەندىرگەن. شۇكىربەكوۆتىڭ گرافيكالىق پا­راقتارى ايقىندىعىمەن, ما­نەرلىلىگىمەن, بەينەلىلىگىمەن جانە يدەيالىق تولىقتىعىمەن سيپاتتالادى. كىتاپتارعا ار­نالعان يلليۋستراتسيالارى, اك­ۆارەل قاعازىندا ءتۇرلى ءتۇس­تى قارىنداشتارمەن, ونىڭ تۇيىر­شىكتى قۇرىلىمىمەن جا­سالعان باسقا جۇمىستارى قايتالانباس اتموسفەرالىق جۇمساقتىعىمەن ەرەكشەلەنەدى.

ر

ر

ر

 

الماتى

سوڭعى جاڭالىقتار