General Electric كومپانياسىنىڭ رەسەي جانە تمد-داعى پرەزيدەنتى بەلا فەرەنتسيمەن كەزدەسۋ بارىسىندا قر ۇكىمەتى مەن GE اراسىنداعى ەنەرگەتيكا, دەنساۋلىق ساقتاۋ جانە اۆياتسيا سالالارىنداعى ستراتەگيالىق ارىپتەستىكتىڭ پەرسپەكتيۆالىق باعىتتارى, سونداي-اق قازاقستاندا جۇمىس ىستەپ تۇرعان ءوندىرۋشى قۋاتتاردى جاڭعىرتۋ مەن جاڭا ءوندىرۋشى قۋاتتاردى قۇرۋ جوبالارى قارالدى.
«قازاقستان General Electric سياقتى ستراتەگيالىق ينۆەستورلارمەن ۇزاق مەرزىمدى ىنتىماقتاستىققا مۇددەلى. ءبىز جولعا قويىلعان ءداستۇرلى سەرىكتەستىك بايلانىستاردى ساقتاۋعا جانە ءوزارا ءىس-قيمىلدىڭ جاڭا باعىتتارىن دامىتۋعا نيەتتىمىز», دەدى ءاليحان سمايىلوۆ. ازيا دامۋ بانكىنىڭ ۆيتسە-پرەزيدەنتى اشوك لاۆاسامەن اڭگىمە بارىسىندا ەكىجاقتى ءوزارا ءىس-قيمىلدىڭ ستراتەگيالىق دامۋ پەرسپەكتيۆاسى اتاپ ءوتىلدى.
«بانك قازاقستان ەكونوميكاسىنا شامامەن 28 جىل بويى قولداۋ كورسەتتى, اراداعى ارىپتەستىك ءارى قاراي جالعاسۋدا. وسى جىلدار ىشىندە ءبىز كوپتەگەن جوبالار اياسىندا ءوزارا ءتيىمدى ىنتىماقتاستىق قۇرا الدىق. ءبىز ادب-نىڭ قازاقستاننىڭ دامۋىنا قوسىپ وتىرعان ۇلەسىن جوعارى باعالايمىز», دەدى ۇكىمەت باسشىسى.
تاراپتار گاز, لوگيستيكا, ەنەرگەتيكا جانە دەنساۋلىق ساقتاۋ سالالارىنداعى بىرلەسكەن جوبالاردى ىسكە اسىرۋ ماسەلەلەرىن, سونداي-اق تاياۋ جىلدارداعى ىنتىماقتاستىقتىڭ جاڭا باعىتتارىن تالقىلادى.
Citigroup اتقارۋشى ديرەكتورى دەۆيد ليۆينگستونمەن كەلىسسوز بارىسىندا دەكاربونيزاتسيالاۋ جانە جاسىل ەكونوميكانى دامىتۋ ماسەلەلەرى قارالدى.
«30 جىل ىشىندە «سيتيبانك قازاقستان» ءوزىن ەلدىڭ ەڭ سەنىمدى كورپوراتيۆتىك بانكتەرىنىڭ ءبىرى رەتىندە تانىتا الدى, سونداي-اق قازاقستانداعى كوپتەگەن حالىقارالىق كورپوراتسيالار ءۇشىن سەنىمدى سەرىكتەسكە اينالدى. وسىنى ەسكەرە وتىرىپ, ءبىز جاڭا ءوزارا ءتيىمدى جوبالاردى ىسكە اسىرۋ پەرسپەكتيۆالارىن قاراستىرۋعا دايىنبىز», دەدى ءاليحان سمايىلوۆ.
