فورۋمنىڭ اشىلۋىندا تۇركى مەملەكەتتەرى ۇيىمىنىڭ باس حاتشىسى باعداد امىرەەۆ بۇحارا قالاسىنا «تۇركى الەمى جاستارى باستامالارىنىڭ العاشقى استاناسى» مارتەبەسىن بەرۋ تۋرالى رەسمي سەرتيفيكاتتى تاپسىردى.
سونىمەن قاتار بۇل كۇندەرى «تۇركى الەمىنىڭ جاستار ساياباعى» جانە «بۇحارا – تۇركى الەمى جاستارى باستامالارىنىڭ العاشقى استاناسى» مونۋمەنتى اشىلدى. فورۋم جۇمىسىنا قازاقستان اتىنان پرەزيدەنت جانىنداعى جاستار ساياساتى جونىندەگى كەڭەستىڭ مۇشەلەرى, «تاۋەلسىزدىك ۇرپاقتارى» گرانتىنىڭ يەگەرلەرى, مۋزىكا, سپورت, كرەاتيۆتى يندۋستريا جانە IT سالالارىندا جەتىستىككە جەتكەن تالانتتى جاستار دەلەگاتسياسى قاتىستى. ء«ىس-شارادا جاس كوشباسشىلار 4 وزەكتى باعىت: قوعام, عىلىم, مادەنيەت جانە مەديا جوبالار بويىنشا وزدەرىنىڭ ەڭ ۇزدىك جوبالارىن تانىستىردى. ۇزدىك سپيكەرلەردىڭ قاتارىندا «اѕاr-Ume» قايىرىمدىلىق قورىنىڭ جەتەكشىسى اسحات نۇرماشەۆ باسپاناعا مۇقتاج جاندارعا قولداۋ كورسەتۋ قىزمەتىن تانىستىردى.
بۇل قور حالىقتىڭ كومەگىمەن جينالعان قاراجاتقا مۇقتاج ادامداردى باسپانامەن قامتاماسىز ەتەتىنىن ايتتى. جوباعا باسقا ەلدەردىڭ جاستارى قىزعۋشىلىق تانىتىپ, بولاشاقتا وسىنداي جوبالاردى بىرلەسىپ جۇزەگە اسىرۋعا نيەت ءبىلدىردى.
«لايف-نيۋس» الەۋمەتتىك جوباسىنىڭ جەتەكشىسى دينارا ناۋموۆا تىرەك-قيمىل اپپاراتى بۇزىلعان جاس تۇلعالاردى وڭالتۋ جايىندا وي ءبولىستى», دەيدى ابقو باسقارما توراعاسىنىڭ ورىنباسارى جاسۇلان بيسەمبيەۆ.
ايتا كەتەيىك, جاس كوشباسشىلار فورۋمى 2018 جىلدان بەرى ءداستۇرلى تۇردە وتكىزىلىپ كەلەدى. وسى ۋاقىتقا دەيىن فورۋم ازەربايجان, قازاقستان جانە قىرعىزستاندا ءوتتى. كەلەسى جيىن تۇركيانىڭ بۋرسا قالاسىندا وتەدى دەپ جوسپارلانىپ وتىر.
سونداي-اق تۇركى الەمىندە 2022 جىل - جاستار باستامالارىن قولداۋ جىلى ۇرانىمەن ءوتىپ جاتىر.
