قازاقستان • 08 ماۋسىم، 2022

ۆولونتەرلىك قىزمەت پەن قايىرىمدىلىق تۋرالى زاڭ جوباسى ماقۇلداندى

29 رەت كورسەتىلدى

ماجىلىستە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ۆولونتەرلىك قىزمەت، قايىرىمدىلىق، مەملەكەتتىك الەۋمەتتىك تاپسىرىس جانە ۇكىمەتتىك ەمەس ۇيىمدارعا ارنالعان گرانتتار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا ماقۇلداندى، دەپ حابارلايدى Egemen.kz.

ءبىرىنشى وقىلىمدا زاڭ جوباسى بيىلعى اقپان ايىندا ماقۇلدانعان ەدى.

«زاڭ جوباسى مەملەكەتتىك گرانت ساياساتىن، قايىرىمدىلىق جانە ۆولونتەرلىك قىزمەتتى جۇزەگە اسىرۋ سالالارىنداعى زاڭنامانى جەتىلدىرۋگە، سونداي-اق مەملەكەتتىك ورگاندار مەن ۇكىمەتتىك ەمەس ۇيىمداردىڭ «ستراتەگيالىق ارىپتەستىك» تۇرىندەگى ءوزارا ءىس-قيمىلىنىڭ جاڭا تەتىگىن ەنگىزۋگە باعىتتالعان. زاڭ جوباسىمەن جۇمىس بارىسىندا دەپۋتاتتار «ۆولونتەرلىك قىزمەت»، «ۆولونتەرلىك قىزمەت سالاسىنداعى ۋاكىلەتتى ورگان»، «قايىرىمدىلىق ۆولونتەرى» ۇعىمدارىن ناقتىلادى، قايىرىمدىلىق باعدارلاماسىن ازىرلەۋ، بەكىتۋ جانە ورىنداۋ جونىندەگى نورمالار قايتا قارالدى، حالىق اراسىندا اقپاراتتىق-ءتۇسىندىرۋ جۇمىستارىن جۇرگىزۋگە قاتىسۋ قۇقىعى كەڭەيتىلدى»، دەيدى دەپۋتات، الەۋمەتتىك-مادەني دامۋ كوميتەتىنىڭ مۇشەسى ۆەرا كيم ءماجىلىستىڭ جالپى وتىرىسىندا.

سونىمەن بىرگە ازاماتتىق قوعامدى تارتا وتىرىپ، مەملەكەتتىك گرانتتاردىڭ تيىمدىلىگىنە باعالاۋ جۇرگىزۋ جونىندەگى نورمالار كۇشەيتىلگەن.

اقپارات جانە قوعامدىق دامۋ مينيسترلىگىنىڭ قۇزىرەتىنە ۆولونتەرلىك قىزمەتتى ەسەپكە الۋ ءتىزىلىمىن جۇرگىزۋ بويىنشا فۋنكتسيالار ەنگىزىلگەن.

دەپۋتاتتار ۆولونتەرلەردى «قازاقستان رەسپۋبليكاسىنداعى مەملەكەتتىك ناگرادالار تۋرالى» زاڭدا كوزدەلگەن تارتىپپەن ناگرادالارمەن ماراپاتتاۋدى ۇسىنعان.

«حالىقتى ءدارى-دارمەكپەن قامتاماسىز ەتۋ جانە مەديتسينالىق كومەكپەن قامتۋ ماقساتىندا دەنساۋلىق ساقتاۋ مينيسترلىگىنىڭ ستراتەگيالىق ماڭىزدى دارىلىك زاتتار مەن مەديتسينالىق بۇيىمداردىڭ تىزبەسىن جانە ولاردى مەملەكەتتىك تىركەۋ ءتارتىبىن ايقىنداۋ جونىندەگى قۇزىرەتى بەلگىلەندى. دەربەس تولەۋشىلەردىڭ ءمامس اياسىندا مەديتسينالىق كومەك الۋ ءۇشىن الەۋمەتتىك مەديتسينالىق ساقتاندىرۋ قورىنا مىندەتتى جارنالاردى تولەۋدىڭ بالامالى تەتىگى ەنگىزىلدى. باق قىزمەتكەرلەرىنىڭ الەۋمەتتىك تولەمدەر الۋى ءۇشىن كىرىستەرىن ەسەپكە الۋعا قاتىستى جانە مادەنيەت سالاسىنداعى مەملەكەتتىك ستيپەنديانى قۇرۋعا قاتىستى «مادەنيەت تۋرالى» زاڭعا وزگەرىستەر ەنگىزىلدى»، دەدى ۆەرا كيم.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار