ساياسات • 08 ماۋسىم، 2022

سەناتورلار ساقتاندىرۋ نارىعىن دامىتۋ تۋرالى زاڭ جوباسىن تالقىلادى

23 رەت كورسەتىلدى

سەناتتا قارجى جانە بيۋدجەت كوميتەتىنىڭ كەڭەيتىلگەن وتىرىسى بولدى. دەپۋتاتتار ساقتاندىرۋ جانە باعالى قاعازدار نارىقتارىن رەتتەۋ مەن دامىتۋعا، سونداي-اق بانك قىزمەتىنە قاتىستى زاڭ جوباسىن تالقىلادى، دەپ جازادى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ. 

قۇجاتتا جاڭا قارجى ونىمدەرىن ەنگىزۋ، قىزمەتتەردى ودان ءارى تسيفرلاندىرۋ، تۇتىنۋشىلار مەن ينۆەستورلاردىڭ قۇقىقتارىن قورعاۋ ساپاسىن ارتتىرۋ كوزدەلىپ وتىر.

«زاڭ جوباسىندا ۇسىنىلعان تۇزەتۋلەر حالىقتى ساقتاندىرۋ اۋقىمىن كەڭەيتۋ، ساقتاندىرۋ قىزمەتىنە قول جەتكىزۋ مۇمكىندىكتەرىن ارتتىرۋ، وسى قىزمەتتى تۇتىنۋشىلاردىڭ قۇقىقتارىن قورعاۋ ساپاسىن ارتتىرۋ ەسەبىنەن ساقتاندىرۋ سەكتورىنىڭ ەل ەكونوميكاسىنداعى ماڭىزىن ارتتىرۋعا جانە ساقتاندىرۋ نارىعى كورسەتكىشتەرىنىڭ ودان ءارى وسۋىنە ىقپال ەتەدى»، دەدى سەناتور جەڭىس نۇرعاليەۆ.

زاڭ جوباسىندا ءۇش نەگىزگى بولىك: ساقتاندىرۋ سەكتورى، باعالى قاعازدار نارىعى جانە بانك قىزمەتى قاراستىرىلىپ وتىر.

سەناتورلار كوميتەتتىڭ كەڭەيتىلگەن وتىرىسىنىڭ قورىتىندىسى بويىنشا زاڭ جوباسىن پالاتانىڭ قاراۋىنا جىبەرۋ تۋرالى شەشىم قابىلدادى. 

سوڭعى جاڭالىقتار

ۇقساس جاڭالىقتار