جەكسەنبى كۇنى الماتى قالاسىندا سايلاۋشىلار رەفەرەندۋم ۋچاسكەلەرىنە اعىلدى. العاش رەت داۋىس بەرىپ وتىرعان 18 جاستاعى ستۋدەنت ايان ەكس-پرەزيدەنتكە قاتىستى جەڭىلدىكتىڭ نەگىزگى زاڭنان الىنىپ تاستالۋىن قۇپتايتىنىن ايتتى. «ونىڭ ءبىزدىڭ تاريح كىتاپتارىندا ورنى بار, بىراق كونستيتۋتسيادا بارلىق ازاماتتار تەڭ بولۋى كەرەك», دەدى ول ءوزىنىڭ ۋنيۆەرسيتەتىندە داۋىس بەرگەننەن كەيىن.
قاڭتار وقيعاسىنان كەيىن ەل پرەزيدەنتى ق.توقاەۆ ن.نازارباەۆتىڭ مەملەكەت قۇرۋداعى جەتىستىكتەرىن جوعارى باعالادى. داعدارىستان بەرى نازارباەۆ كوپشىلىك الدىنا شىقپادى, بىراق جەكسەنبى كۇنى ەلوردادا داۋىس بەرىپ, توقاەۆتى جانە وزگەرىستەردى قولدايتىنىن ءبىلدىردى.
