جوبانى Sanaly urpaq-2050 قوعامدىق بىرلەستىگى مەملەكەتتىك تاپسىرىس اياسىندا ىسكە اسىرادى. ۇيىمداستىرۋشىلاردىڭ ايتۋىنشا, ەكسپەديتسيا قازاقستاننىڭ بىرقاتار وڭىرىنە جانە رەسەي, قىتاي, ازەربايجان ەلدەرىنە دە بارادى. ەكسپەديتسيا مۇشەلەرى ورىنبور, ماسكەۋ, ارحانگەلسك, باكۋ, چەليابى, قارقارالى, سەمەي, قارابۇتاق, اۋليەكول, تورعاي وڭىرلەرىن ارالاۋدى جوسپارلاپ وتىر.
– جوبانى جۇزەگە اسىرۋشىلاردىڭ قاتارىندا احمەتتانۋشىلار, تاريحشىلار, جۋرناليستەر, سونداي-اق مۋزەي جانە ارحيۆ ءىسى سالاسىنداعى ماماندار بار. ساپار قورىتىندىسى بويىنشا احمەت بايتۇرسىن ۇلىنىڭ ءومىرى تۋرالى جاڭا دەرەكتەردەن قۇرالعان فيلم شىعارۋ كوزدەلىپ وتىر. سونىمەن قاتار ارحيۆ, مۋزەي قورلارى جاڭا قۇجاتتارمەن تولىعادى دەگەن ۇمىتتەمىز, – دەدى وبلىستىق مادەنيەت باسقارماسى باسشىسىنىڭ ورىنباسارى گۇلجان مەڭدەكەنوۆا.
5 ماۋسىمدا جولعا شىققان ەكسپەديتسيا مۇشەلەرى نۇر-سۇلتان قالاسى ارقىلى قاراعاندى وبلىسىنا ءوتىپ, قارقارالىعا بارادى.
– مەن احاڭدى زەرتتەۋمەن 1989 جىلدان بەرى تۇراقتى اينالىسىپ كەلەمىن. احاڭنىڭ تابانى تيگەن جەرلەرگە بۇرىن دا بارعانمىن. بىراق ول ساپارىمدا دەرەكتەردى جيناقتاماعان ەدىم. ەندىگى ەكسپەديتسيا ولجالى بولادى دەگەن سەنىمدەمىن, – دەيدى احمەتتانۋشى يبراھيم اعىتاي.
قوستاناي وبلىسى
