كۋاگەرلەر وقيعانىڭ قالالىق №12 اۆتوبۋستا بولعانىن حابارلاعان. كيكىلجىڭ «سپورتزال» ايالداماسىندا ورىن العان. قالا تۇرعىنى قوعامدىق كولىكتەن جول اقىسىن تولەمەي ءتۇسىپ كەتكەن.
«جۇرگىزۋشى وعان جول اقىسىن تولەۋ قاجەتتىگىن داۋىس كوتەرمەي ەسكەرتتى. جولاۋشى جۇرگىزۋشىنىڭ اۆتوبۋستان شىعۋىن تالاپ ەتتى دە, بۇرىشتى باللوندى كوزىنە شاشىراتىپ جىبەردى. جۇرگىزۋشى كوزىن سۇرتۋگە تىرىستى, ال جولاۋشى قايتادان باللوندى شاشىپ, قاشىپ كەتتى. بارلىعىمىز شوشىپ قالدىق», دەيدى وقيعا كۋاگەرى.
قوستاناي پد ءباسپاسوز قىزمەتى وقيعا بويىنشا مالىمدەمە جاساپ ۇلگەردى.
ء«وتىنىش قابىلداندى. پوليتسيا جاساعىنا ەر ادامدى ۇستاپ الۋ بۇيىرىلدى», دەلىنگەن دەپارتامەنت وكىلدەرىنىڭ حابارلاماسىندا.
ارۋجان امانگەلدى
