بۇعان دەيىن مينيستر اعىلشىن ءتىلىن 1-سىنىپتان ەمەس, 3-سىنىپتاپ باستاپ ەنگىزۋ جوسپارلانىپ وتىرعانىن مالىمدەگەن بولاتىن.
ء«بىز بيىل ءبىرىنشى قىركۇيەكتەن, ياعني جاڭا وقۋ جىلىنان باستاپ وسى وزگەرىستى ەنگىزۋگە دايىندىق جۇمىستارىن جۇرگىزىپ جاتىرمىز. ءبىرىنشى سىنىپتا وقۋشىلار ءوز انا ءتىلىن مەڭگەرىپ الۋى كەرەك. قازاق تىلىندە وقىپ-جازۋعا داعدىلانعاننان كەيىن, 2-سىنىپتا ورىس ءتىلىن ۇيرەنۋ الدەقايدا جەڭىل بولادى. ال ءۇشىنشى سىنىپتا اعىلشىن ءتىلىن وقۋ دا جەڭىلدەيدى», دەدى اسحات ايماعامبەتوۆ.
ونىڭ ايتۋىنشا, قازىرگى تاڭدا 1-سىنىپقا كەلگەن 6 جاسار ءبۇلدىرشىن ءۇش ءتىلدى قاتار الىپ جۇرۋگە ءتيىس.
«بىزدە ۇيعىر جانە تاعى باسقا ۇلتتىق مەكتەپتەر بار ەكەنىن بىلەسىزدەر. ول مەكتەپتەردە ءتىپتى ءتورت ءتىل وقيتىن. ءبىز الدىڭعى جىلى وسى مەكتەپتەر ءۇشىن ءبىر ءتىلدى ازايتتىق. ەندى بيىلدان باستاپ قازاق تىلىندە وقيتىن بالالار ءۇشىن دە ءدال وسىنداي وزگەرىس ەنگىزىلىپ جاتىر. ياعني ەڭ باستى مىندەت انا ءتىلىن يگەرىپ الۋ», دەپ ءتۇسىندىردى مينيستر.
سونداي-اق مينيستر اعىلشىن ءتىلىن ءۇشىنشى سىنىپتان باستاپ وقىتۋ ادىستەمەگە بايلانىستى ەكەنىن ايتتى. ايماعامبەتوۆ بۇل شەشىمنەن استار ىزدەمەۋگە شاقىردى. شەشىم ارنايى عىلىمي نەگىزدەمەگە سۇيەنىپ قابىلدانعان. ول وقۋلىقتاردى بيىل جاڭارتۋدىڭ ەشقانداي قيىندىعى دا, قاجەتتىلىگى دە جوق ەكەنىن مالىمدەدى.
ارۋجان امانگەلدى
