«بيىل كوكتەمگى ەگىس جۇمىستارىن جۇرگىزۋگە 400,2 مىڭ توننا كولەمىندە ديزەل وتىنى ءبولىندى. بۇل وتكەن جىلمەن سالىستىرعاندا 20 مىڭ تونناعا ارتىق. جەتكىزۋ, ساقتاۋ جانە وتكىزۋ بويىنشا وبلىس وپەراتورلارىنىڭ شىعىستارىن ەسكەرە وتىرىپ, اۋىل شارۋاشىلىعى تاۋارىن وندىرۋشىلەر ءۇشىن ورتاشا باعا ليترىنە 200 تەڭگەنى قۇرادى. بۇل ورتاشا العاندا 15%-عا ارزان. 7 ماۋسىمداعى جاعداي بويىنشا جوسپارداعى 400,2 مىڭ توننا ديزەلدىڭ 378,5 مىڭ تونناسىنا نەمەسە اقشا تولەنىپ, 359 مىڭ توننا جونەلتىلدى. جالپى جانارماي بەكىتىلگەن كەستەگە سايكەس جەتكىزىلەدى», دەدى ەربول قاراشوكەەۆ.
سونداي-اق ول بيىل سەبىلگەن تۇقىمنىڭ ساپاسى تۋرالى مالىمەت بەردى.
«تۇقىم تاپشىلىعى ونىڭ ىشىندە رەسەيلىك سەلەكتسيا بويىنشا بايقالمادى. زاڭنامادا قاراستىرىلعان تۇقىم ساراپتاماسى جۇرگىزىلدى. ونىڭ قورىتىندىسى بويىنشا ونىڭ 99%-ى كونديتسيالى دەپ تانىلدى. ال 92%-ى سەبۋ ستاندارتىنىڭ 1 جانە 2-سىنىبىنا سايكەس كەلەدى. جالپى تۇقىم شارۋاشىلىعىن قولداۋعا بيىل جەرگىلىكتى بيۋدجەتتەردە 11,8 ملرد تەڭگە قاراستىرىلعان», دەدى ۆەدومستۆو باسشىسى.
مينيسترلىكتىڭ بولجامى بويىنشا, بيىل استىق شىعىمى بىلتىرعىدان 15 پايىزعا جوعارى بولادى.
