رەفەرەندۋم-2022 • 07 ماۋسىم، 2022

ساياسي ناۋقانداعى ساپالى جۇمىس

26 رەت كورسەتىلدى

پارتيالىق ەمەس بايقاۋ رەسپۋبليكالىق قوعامدىق بىرلەستىگىنىڭ توراعاسى تولە­گەن كۇنادىلوۆ ەلىمىزدە وتكەن جالپىحالىقتىق رەفەرەندۋمعا ۇيىمنان 20 مىڭ­عا جۋىق باي­قاۋشى قاتىسقانىن مالىمدەدى. ارنايى وتكەن بريفينگتە سپيكەر باي­­قاۋ­­شى­لاردىڭ ەشقانداي قۇقىق بۇزۋشىلىق دەرەگىن تىركەمەگەنىن دە جەتكىزدى.

«ەلىمىز ءۇشىن تاريحي وقيعاعا اينالعان رەفەرەندۋم رەسپۋبليكا بويىنشا جوعارى دەڭگەيدە ءوتتى. ون جەتى وڭىردەگى وكىل­دىكتەرىمىز بەن باي­قاۋشىلارىمىز ءبىرىن­شى كەزەكتە سايا­سي ناۋقاننىڭ ءادىل وتۋىنە مۇددەلى بولدى. جالپى 10 مىڭعا جۋىق رەفەرەندۋم ۋچاسكەسىنە بارعان ءبىزدىڭ 20 مىڭعا جۋىق بايقاۋشىمىز ساياسي ناۋ­قان­دا ەشقانداي ەرەجە بۇزۋ دەرەگى تىركەل­مەگە­نىن حابارلادى. ءبىز بايقاۋشىلار­دى بۇل ناۋقانعا بارلىق تالاپتارعا ساي دايىندادىق. ولار ءوز كەزەگىندە جۇمىستى ساپالى اتقاردى»، دەدى قوعامدىق بىرلەستىك توراعاسى جاعدايدى ءتۇسىندىرىپ.

تولەگەن كۇنادىلوۆتىڭ ايتۋىنشا، ءار وكرۋگتە ەكى بايقاۋشى ءوز مىندەتىن تالاپ­قا ساي جاۋاپكەرشىلىكپەن اتقارعان. ال باي­قاۋ­شىلاردىڭ ورتاشا جاسى 44 جاس ەكەن.

«بارلىق وڭىردەگى ۋچاسكەلەرگە بارعان بايقاۋشىلارىمىز تاڭعى ساعات التىدان رەفەرەندۋم اياقتالعانعا دەيىن تىنىمسىز جۇمىس ىستەپ، دەر كەزىندە مالىمەت بەرىپ وتىردى. ءبىر قىزىعى، قاراعاندى مەن شىعىس قازاقستان وبلىسىندا تۇسكى 15.00-16.00 ارالىعىندا سايلاۋشىلار 100 پايىز داۋىس بەرگەن ۋچاسكەلەر انىقتالدى. ارينە، اتالعان ۋچاسكەلەر ەلدى مەكەندەردە ورنالاسقاندىقتان، سايلاۋشىلاردىڭ سانى دا كوپ ەمەس. سودان دا بولسا كەرەك، حالىق ەرتەرەك كەلىپ، ازاماتتىق بورىشىن ورىنداعان»، دەدى ول ءوز ويىمەن ءبولىسىپ.

ءباسپاسوز ءماسليحاتىنىڭ سوڭىندا قوعامدىق ۇيىمنىڭ جەتەكشىسى بىرلەستىك الداعى ۋاقىتتا دا ساياسي ناۋقاندارعا بەلسەنە قاتىسۋعا نيەتتى ەكەنىن جەتكىزدى.

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار