فەستيۆالدە ءتۇرلى تاقىرىپتىق ويىن الاڭىنا بولىنگەن بالدىرعاندار تازا اۋاداعى بەلسەندىلىكتى دارىپتەپ, ويىن ارقىلى مادەنيەتتىلىككە تارتىلىپ, سالاماتتى ءومىر سالتىن ناسيحاتتادى.
«عاجاپ الەم» الاڭىندا قالالىق مەكتەپكە دەيىنگى ۇيىمدار كىشكەنتاي بۇلدىرشىندەر ءۇشىن ۇلتتىق ويىندار, اتا-انالارمەن بىرلەسكەن شارالار, بالعىنداردىڭ شىعارماشىلىق الەۋەتىن دامىتۋ باعىتىنداعى قويىلىمدار وتكىزدى.
«مەيىرىم» الاڭىندا دەمەۋشىلەردىڭ تاراپىنان بالالارعا مەرەكەلىك سىي جاسالىپ, ويىنشىق پەن ءتاتتى ۇلەستىرىلدى. ۇيىمداستىرۋشىلار «قورجىن» مەيرامحاناسى, «سدەلاي دەتيام دوبرو» بىرلەستىگى جانە «دوستىق» وقۋ ورتالىعى, 125 High School, رەسپۋبليكالىق فيزيكا-ماتەماتيكا مەكتەبىنىڭ Fizmat Primary مەكتەبىنە العىس ايتتى.
دارىندىلار الاڭىنا شىعارماشىلىق بايقاۋلاردا وزا شىعىپ, جۇلدەلى ورىن يەلەنىپ جۇرگەن شاكىرتتەر جينالدى.
«مەن اقىلدى بالاقاي» اۋماعىندا جەلىلىك قاۋىمداستىقتار بويىنشا مەكتەپتەردىڭ تاجىريبەلىك الاڭدارى كورسەتىلدى. كوپشىلىك نازارىنا ۇسىنىلعان «لابوراتوريا», «ينتەللەكت», «وقۋعا قۇشتار مەكتەپ», «جايدارمانشىلار», «ەكومەكتەپ», «سۋرەت الەمى», ء«سوز شەبەرلەرى» جوبالارىنىڭ وقۋشىلاردىڭ تانىمدىق قابىلەتىن ارتتىرۋدا, ولاردىڭ قىزىعۋشىلىعىن وياتۋ, كاسىپتىك باعدار بەرۋدە ماڭىزدىلىعى جوعارى ەكەنىن اتاپ ءوتۋ كەرەك.
«پاتريوت» الاڭىندا بولاشاق ەل قورعاۋشى ساربازدار, كوشباسشىلار, بولاشاق چەمپيوندار ساپتىق ۇلگىلەردى كورسەتتى. سونىمەن قاتار قالاداعى بالالارعا ارنالعان د.نۇرپەيىسوۆا اتىنداعى مۋزىكا مەكتەبىنىڭ ءانسامبلى ونەرىن ورتاعا سالدى.
«بيلە, بىزبەن بىرگە» الاڭىنا قالاداعى ءبىلىم بەرۋ ۇيىمدارىنىڭ بي ۇجىمدارىنان 600-دەن استام ءبيشى قاتىسىپ, بەيبىتشىلىك پەن تىنىشتىق ورناعان ەلدەگى باقىتتى بالالىق شاق كورىنىسىن كورسەتتى.
«قايسار! جىگەر! شابىت!» الاڭىندا قوسىمشا ءبىلىم بەرۋ ۇيىمدارى بالالار ءۇشىن ويىن-ساۋىق باعدارلاماسىن ۇيىمداستىردى. مەرەكەلىك فەستيۆال كونتسەرتتىك باعدارلامامەن جالعاسىن تاپتى.
ماۋسىمنىڭ 1-ءى كۇنى باتىس قازاقستان وبلىسىنىڭ اكىمى عالي ەسقاليەۆ وقۋشىلار سارايىندا 2021-2022 وقۋ جىلىندا حالىقارالىق, رەسپۋبليكالىق وليمپيادالاردا جەڭىمپاز بولعان 60 وقۋشىمەن كەزدەسىپ, سىي-قۇرمەت كورسەتتى.
باتىس قازاقستان وبلىسى
