وقيعا • 06 ماۋسىم، 2022

قازاقستان زاڭناماسىن بۇزعان شەتەلدىكتەر ۇستىنەن ءىس قوزعالدى

49 رەت كورسەتىلدى

تۇركىستان وبلىسى مەملەكەتتىك كىرىستەر دەپارتامەنتىنىڭ مالىمەتىنشە، اتالعان ازاماتتار قازاقستان رەسپۋبليكاسىنىڭ زاڭناماسىمەن قولما-قول اقشانى الىپ كەتۋگە قويىلعان شەكتەۋدى بۇزعانى ءۇشىن اكىمشىلىك جاۋاپكەرشىلىككە تارتىلعان، دەپ حابارلايدى Egemen.kz.       

2022 جىلدىڭ 6 ماۋىسىمىندا  تۇركىستان وبلىسى بويىنشا مەملەكەتتىك كىرىستەر دەپارتامەنتىنىڭ «جىبەك جولى» كەدەن بەكەتى ارقىلى وزبەكستان رەسپۋبليكاسى باعىتىندا جولاۋشىلار تەرمينالىندا، قولجۇگىن «NUCHTECH 100100DV» رەنتگەنتەلەۆيزيوندىق قۇرىلعى ارقىلى  تەكسەرۋ كەزىندە، كەدەن بەكەتىنىڭ قىزمەتكەرلەرىمەن تاجىكستان رەسپۋبليكاسىنىڭ ازاماتىنان كەدەندىك دەكلاراتسيا ارقىلى مالىمدەلمەگەن قولما-قول 19 500 اقش دوللارى انىقتالىپ، قر اقبك-ءنىڭ 545-بابى بويىنشا ءىس قوزعالدى.

وسىعان دەيىن، 2022 جىلعى 18 مامىردا «اتامەكەن» كەدەن بەكەتى ارقىلى وزبەكستان رەسپۋبليكاسى باعىتىندا قر ازاماتى وزىمەن بىرگە 10 000 اقش دوللارى، 82 500 تەڭگە جانە 1 798 000 وزبەك سومىن الىپ وتپەك بولعان كەزىندە، كەدەن بەكەتىنىڭ قىزمەتكەرلەرى ۇقك شەكارا قىزمەتكەرلەرىمەن بىرلەسىپ وتكىزۋ فاكتىسىنە توسقاۋىل قويدى. اتالعان فاكت بويىنشا قازاقستان رەسپۋبليكاسى اقبتك 545-بابىنا سايكەس جيناقتالعان اكىمشىلىك ءىس ماقتاارال اۋداندىق سوتىنا جولداندى.

وسىعان ۇقساس جاعداي 20 مامىر كۇنى وسى «اتامەكەن» كەدەن بەكەتىندە ورىن العان. كەدەن بەكەتىنىڭ قىزمەتكەرلەرىمەن كەدەندىك باقىلاۋ كەزىندە رەسەي فەدەراتسياسىنىڭ ازاماتى وزىمەن بىرگە 13 800 اقش دوللارى مەن 88 000 تەڭگەنى وزبەكستانعا الىپ ءوتۋ بارىسىندا انىقتالعان. ناتيجەسىندە قازاقستان رەسپۋبليكاسى اقبتك 545-بابىمەن اكىمشىلىك ءىس قوزعالىپ، ماقتاارال اۋداندىق سوتىنا جولداندى.

سوڭعى جاڭالىقتار

ۇقساس جاڭالىقتار