«اقپارات-اناليتيكا اگەنتتىكتەرىنىڭ اقپاراتى بويىنشا, «PETROSUN» جشس مەن «قازمۇنايگاز» ۇك» اق سياقتى مۇناي جەتكىزۋشى ءىرى كاسىپورىندار ديزەلدىڭ ءبىر تونناسىن 10-15 تەڭگەگە نەمەسە ءليترىن 8-12 تەڭگەگە دەيىن كوتەرىپ جىبەرگەن. ءدال وسىنداي ءوسىم باسقا جەتكىزۋشىلەردەن دە بايقالىپ وتىر. بولشەك ساۋداداعى باعا رەتتەلىپ وتىرعان كەزەڭدە اكتسيز مولشەرلەمەسىن كوتەرۋ مۇناي جەتكىزۋشىلەر مەن جەر قويناۋىن پايدالانۋشىلاردىڭ, مۇناي ونىمدەرىن ساتاتىن دەلدالداردىڭ تابىسىن ەداۋىر تومەندەتتى. سوعان قاراماستان شەكتى باعا وزگەرىسسىز قالىپ وتىر. سوندىقتان كوكتەمگى ەگىس ناۋقانى كەزىندە ديزەل باعاسى وسكەن جوق», دەپ جازادى رومان سكليار دەپۋتاتتار جولداعان ساۋالدىڭ جاۋابىندا.
ونىڭ ايتۋىنشا, قازاقستان اۋماعىندا اكتسيز مولشەرلەمەلەرى كەلەسىدەي بەلگىلەنگەن:
- بەنزيننىڭ كوتەرمە ساۋداسىنا (اۆياتسيا بەنزينىن قوسپاعاندا) (كود تن ۆەد ەاەس 2710 12 4110 – 271012 590 0) – 1 تونناعا 38 134 تەڭگە;
- ديزەلدىڭ كوتەرمە ساۋداسىنا (كود تن ۆەد ەاەس 2710 19 421 0- 2710 19 425 0) – 1 تونناعا 35 726 تەڭگە.
«جانارماي باعاسىنىڭ كۇرت ءوسۋىن بولدىرماۋ ءۇشىن مۇناي باعاسىن تاۋار بيرجالارىندا كوتەرمە باعامەن وتكىزۋدىڭ ۇسىنىمدارىنا وزگەرتۋلەر ەنگىزىلدى. بۇل ۇسىنىمدار بيرجاداعى ساۋدا ەرەجەسى بەكىتىلگەنگە دەيىن قولدانىلادى. ول بويىنشا, ءبىر ساۋدا سەسسياسىنىڭ كەزەڭىندە باعا 1%-دان ارتىق قىمباتتاماۋى كەرەك. بيرجاداعى ساۋداعا قاتىسۋدىڭ جىلدىق اينالىمىنا بەلگىلەنگەن 5 مىڭ توننالىق شەك الىپ تاستالدى. بۇل جانارماي قۇيۋ ستانسالارىنا جانارمايدى شاعىن مولشەرمەن, بيرجا ارقىلى رەسۋرس ۇستاۋشىلاردان تىكەلەي ساتىپ الۋعا مۇمكىندىك بەرەدى», دەپ اتاپ ءوتتى ۇكىمەت باسشىسىنىڭ ورىنباسارى.
13 مامىردان باستاپ ديزەلدى FCA شارتىمەن ساتۋ قايتا جاندانعان بولاتىن.
«مۇناي وڭدەۋشى زاۋىتتار ۇسىنعان باستاپقى باعا تونناسىنا 222 – 227 مىڭ تەڭگە نەمەسە ليترىنە 184 – 188 تەڭگە بولدى. ال بولشەك ساۋدادا 1 ليتر ديزەلدىڭ باعاسى 230 – 260 تەڭگە بولىپ وتىر», دەيدى رومان سكليار.
