«مەملەكەت باسشىسىنىڭ گاز باعاسىن بەلگىلەۋ مودەلىن جەتىلدىرۋ بويىنشا تاسىلدەردى ازىرلەۋ جونىندەگى تاپسىرماسى اياسىندا تابيعي مونوپوليالاردى رەتتەۋ كوميتەتى تۇتىنۋشىلاردىڭ جەكە توعىزىنشى توبىن ءبولۋ بويىنشا جۇمىس جۇرگىزىپ جاتىر. بۇل ساناتقا «مەملەكەتتىك اتاۋلى الەۋمەتتىك كومەك پەن تۇرعىن ءۇي كومەگىن الاتىن تۇرمىستىق تۇتىنۋشىلار كىرەدى. بۇل جۇمىس قوعامدىق ماڭىزى بار نارىقتاردا باعا بەلگىلەۋ قاعيدالارىنا وزگەرىستەر مەن تولىقتىرۋلار ەنگىزۋ ارقىلى جۇزەگە استى», دەلىنگەن ۆەدومستۆو حابارلاماسىندا.
بيىلعى جىلدىڭ 1 ساۋىرىنەن باستاپ پيلوتتىق جوبا اياسىندا تاراز جانە ورال قالالارىندا جوعارىدا اتالعان توپتىڭ ازاماتتارى تاۋارلىق گازدى 20 %-عا تومەندەتىلگەن باعامەن الىپ جاتىر. ال, بۇل 3 مىڭنان استام تۇتىنۋشىنى قامتيدى.
«1 شىلدەدەن باستاپ مەملەكەتتىك اتاۋلى الەۋمەتتىك كومەك پەن تۇرعىن ءۇي كومەگىن الاتىن تۇتىنۋشىلار ساناتىنا جاتاتىن وتباسىلاردىڭ ەلدىڭ بارلىق گازداندىرىلعان وڭىرىندە تومەندەتىلگەن باعامەن گاز الۋ مۇمكىندىگى بولادى. گازعا تومەندەتىلگەن باعانى الۋ ءۇشىن تۇتىنۋشى Egov.kz. پورتالىنداعى ااك جانە تۇرعىن ءۇي كومەگىن الۋشى رەتىندەگى ءوزىنىڭ مارتەبەسىنە كوز جەتكىزۋى قاجەت», دەپ قوستى مينيسترلىك.
