«بۇرىن سوتتالعان اقتوبە قالاسىنىڭ 57 جاستاعى تۇرعىنى 2021 جىلدىڭ قاڭتارىندا 7 قاتىسۋشىدان تۇراتىن قىلمىستىق توپ قۇردى. ولار قازاقستاننىڭ وڭتۇستىك وڭىرىنەن اقتوبە وبلىسىنىڭ اۋماعىنا اسا ءىرى مولشەردە ماريحۋانا جانە گاشيش ەسىرتكى زاتتارىن تاسىمالداۋمەن, ساقتاۋمەن جانە وتكىزۋمەن ۇزاق ۋاقىت اينالىسقان. جەدەل ۋاكىلدەر ەسىرتكىنىڭ كەزەكتى پارتياسىن ساتۋ ارەكەتى كەزىندە ۇيىمداسقان قىلمىستىق توپ قاتىسۋشىلارىن ۇستادى», دەدى اقتوبە وبلىسى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسى ءبولىمىنىڭ باستىعى اسحات اسقاروۆ.
ۇيىمداسقان قىلمىستىق توپ مۇشەلەرىنەن زاڭسىز اينالىمنان 25 كەلىدەن استام ماريحۋانا, سونداي-اق 5 كەلىدەن استام گاشيش ەسىرتكى زاتى تاركىلەندى.
قىلمىستىق توپتىڭ جەتى قاتىسۋشىسى سوت ۇكىمىمەن ەسىرتكىنى اسا ءىرى مولشەردە ساتقانى ءۇشىن, ۇيىمداسقان قىلمىستىق توپتى قۇرعانى جانە وعان قاتىسقانى ءۇشىن 15-17 جىلعا باس بوستاندىعىنان ايىرىلدى.
