«2022 جىلدىڭ 1 قاڭتارىنا دەيىن «قازترانسگاز ايماق» باسەكەلەستىك نارىققا قاتىسقان بولاتىن. ولار گازدى ءۇيدىڭ ىشىنە دەيىن قوسۋدى قامتاماسىز ەتكەن. ولاردىڭ قىزمەتى 1 قاڭتاردا توقتاعان, ويتكەنى قر باسەكەلەستىكتى قورعاۋ جانە دامىتۋ اگەنتتىگى سالاداعى باسەكەلەستىككە نۇقسان كەلتىرەسىڭدەر دەگەن ءۋاج ايتقان. قازىر اگەنتتىك بۇل ماسەلەگە بايلانىستى تۇسىنىستىك تانىتىپ وتىر. وسى ورايدا «قازترانسگاز ايماق» كومپانياسى قايتادان وسى نارىقتاعى قىزمەتىن جانداندىرۋى مۇمكىن. بۇل رەتتە گازدى ۇيگە تارتۋ قىزمەتىنىڭ قۇنى ارزانداۋى ىقتيمال», دەدى س. جاركەشەۆ.
وسى ورايدا ول جەكە ۇيلەردى گازعا قوسۋ قىزمەتىنە تولەم سوماسى ەسەلەپ ارزاندايتىنىن ايتتى.
ء«بىزدىڭ قىزمەتتىڭ قۇنى - 113 مىڭ تەڭگە. ال جەكە مەردىگەرلەر 400-450 مىڭ تەڭگە شاماسىندا گازعا قوسىپ ءجۇر. وسى ورايدا باسەكەلەستىكتىڭ ارقاسىندا بۇل قىزمەتتىڭ قۇنى 3 ەسە ارزاندايدى دەگەن ويدامىز. قازاقستان بويىنشا ءبىر باعا بەلگىلەنەدى», دەدى باسقارما توراعاسى.
