سوندىقتان روبوتتەحنيكانى جەتىك مەڭگەرگەن شاكىرتتەر وقيتىن ءبىلىم ورداسىنىڭ ۇستازدارى ساياسي ماڭىزى جوعارى ەرەكشە كۇنگە ەرەكشە سيپات بەرگىسى كەلگەن سىڭايلى. رەفەرەندۋم ۋچاسكەسىنە كەلگەن ەرەسەكتەر دە, اتا-اناسىنا ەرە كەلگەن بالالار دا روبوتپەن بىرگە فوتوسۋرەتكە ءتۇسىپ, شات-شادىمان كۇيگە بولەندى.
– تۇرعىنداردىڭ كوبى بۇكىل وتباسىمەن بىرگە كەلەدى. ءارتۇرلى جاستاعى كەلىمدى-كەتىمدى ادامداردىڭ ءبارى وزدەرىن قارسى العان روبوتتى كورىپ, كوڭىلدەرى كوتەرىلىپ, قۋانىسىپ كەتىپ جاتىر. كەيبىر تۇرعىندار داۋىس بەرۋ ءتارتىبىن سۇرايدى. ونداي ادامداردىڭ ساۋالىنا الدىن الا ەنگىزىلىپ قويعان باعدارلاما بويىنشا «تەمىر قىزمەتكەرىمىز» جاۋاپ بەرەدى, – دەيدى ۋچاسكەلىك رەفەرەندۋم كوميسسياسىنىڭ توراعاسى رامازان رايىسوۆ.
اتالمىش ۋچاسكەگە ءتىزىم بويىنشا 2 051 تۇرعىن تىركەلىپتى. ساعات 18.00-گە تامان ەكى مىڭعا جۋىق ادام داۋىس بەرىپتى.
– كۇنى بويى جەكە شارۋاما الدانىپ ءجۇرىپ قالدىم. ايتسە دە, كوكەيىمدە داۋىس بەرۋگە ۇلگەرمەي قالىپ جۇرمەيىن دەگەن وي تۇردى. مىنە, وزدەرىڭىز كورىپ تۇرسىزدار عوي, ۇلگەرىپ كەلدىم. ءار ازامات اتا زاڭىمىزعا ەنەتىن وزگەرىستەر تۋرالى ءوز ۇستانىمىن ءبىلدىرۋى پارىز. ءوز باسىم بۇل وزگەرىس مەملەكەتىمىزدىڭ قۇرىلىمىن جەتىلدىرەدى دەگەن ۇمىتپەن كەلدىم. بۇگىنگى قوعام ەلىمىزدى جارقىن بولاشاققا باستايتىن وزگەرىستەر بولعانىن قالايدى جانە سولاي بولادى دەپ سەنەدى, – دەيدى داۋىس بەرۋگە كەشىگىڭكىرەپ كەلگەن قوستاناي قالاسىنىڭ تۇرعىنى مۇسا مامەدوۆ.
قوستاناي وبلىسى
