2022 جىلدىڭ 4-5 ماۋسىم ارالىعىندا, فرانتسيانىڭ پاريج قالاسىندا شەتەلدە تۇراتىن وتانداستارىمىزدىڭ قاتىسۋىمەن ەۋروپا قازاقتارىنىڭ كەزدەسۋ-قۇرىلتايى ءوتتى. شارا قر فرانتسياداعى ەلشىلىگى مەن فرانتسياداعى قازاق-تۇرىك قوعامى, سونىمەن قاتار «وتانداستار قورى» قەاق-نىڭ اتسالىسۋىمەن ۇيىمداستىرىلعان.
كەزدەسۋ-قۇرىلتايدىڭ رەسمي اشىلۋى ەۋروپا ەلدەرى مەن قازاقستاننان كەلگەن كوماندالار اراسىنداعى فۋتبول ويىندارىنىڭ وتۋىمەن باستاۋ الدى. توعىز ەلدىڭ نامىسىن قورعاعان 13 كوماندا ءوزارا مىقتىنى انىقتادى. اتاپ ايتقاندا, پاريجدەن – 4, بەرليننەن – 1, كەلننان – 1, ميۋنحەننەن – 1, ۆەنادان – 1, تۇركيادان – 1, قازاقستاننان – 3 جانە گوللانديادان – 1 كوماندا فۋتبول الاڭىندا باس قوستى.
اشىلۋ سالتاناتىندا Garges-Les-Gonesse قالاسىنىڭ مەرى Benoit Jimenez بەن «وتانداستار قورى» قەاقنىڭ پرەزيدەنتى ابزال ساپاربەك ۇلى ءسوز سويلەپ, ءار قومانداعا ساتتىلىك تىلەدى. ويىن بارىسىندا قازاقستان ەلىنەن كەلگەن «الماتى» كومانداسى مەن «پاريج - 1» كومانداسى فينالعا شىعىپ, دودا سوڭىندا الماتى كومانداسى جەڭىسكە جەتتى.
